6Exodus 6

1ויאמר יהוה אל משה עתה תראה אשר אעשה לפרעה כי ביד חזקה ישלחם וביד חזקה יגרשם מארצוSelect Exodus 6:1

2וידבר אלהים אל משה ויאמר אליו אני יהוהSelect Exodus 6:2

3וארא אל אברהם אל יצחק ואל יעקב—באל שדי ושמי יהוה לא נודעתי להםSelect Exodus 6:3

4וגם הקמתי את בריתי אתם לתת להם את ארץ כנען—את ארץ מגריהם אשר גרו בהSelect Exodus 6:4

5וגם אני שמעתי את נאקת בני ישראל אשר מצרים מעבדים אתם ואזכר את בריתיSelect Exodus 6:5

6לכן אמר לבני ישראל אני יהוה והוצאתי אתכם מתחת סבלת מצרים והצלתי אתכם מעבדתם וגאלתי אתכם בזרוע נטויה ובשפטים גדליםSelect Exodus 6:6

7ולקחתי אתכם לי לעם והייתי לכם לאלהים וידעתם כי אני יהוה אלהיכם המוציא אתכם מתחת סבלות מצריםSelect Exodus 6:7

8והבאתי אתכם אל הארץ אשר נשאתי את ידי לתת אתה לאברהם ליצחק וליעקב ונתתי אתה לכם מורשה אני יהוהSelect Exodus 6:8

9וידבר משה כן אל בני ישראל ולא שמעו אל משה מקצר רוח ומעבדה קשהSelect Exodus 6:9

10וידבר יהוה אל משה לאמרSelect Exodus 6:10

11בא דבר אל פרעה מלך מצרים וישלח את בני ישראל מארצוSelect Exodus 6:11

12וידבר משה לפני יהוה לאמר הן בני ישראל לא שמעו אלי ואיך ישמעני פרעה ואני ערל שפתיםSelect Exodus 6:12

13וידבר יהוה אל משה ואל אהרן ויצום אל בני ישראל ואל פרעה מלך מצרים—להוציא את בני ישראל מארץ מצריםSelect Exodus 6:13

14אלה ראשי בית אבתם בני ראובן בכר ישראל חנוך ופלוא חצרן וכרמי—אלה משפחת ראובןSelect Exodus 6:14

15ובני שמעון ימואל וימין ואהד ויכין וצחר ושאול בן הכנענית אלה משפחת שמעוןSelect Exodus 6:15

16ואלה שמות בני לוי לתלדתם—גרשון וקהת ומררי ושני חיי לוי שבע ושלשים ומאת שנהSelect Exodus 6:16

17בני גרשון לבני ושמעי למשפחתםSelect Exodus 6:17

18ובני קהת—עמרם ויצהר וחברון ועזיאל ושני חיי קהת שלש ושלשים ומאת שנהSelect Exodus 6:18

19ובני מררי מחלי ומושי אלה משפחת הלוי לתלדתםSelect Exodus 6:19

20ויקח עמרם את יוכבד דדתו לו לאשה ותלד לו את אהרן ואת משה ושני חיי עמרם שבע ושלשים ומאת שנהSelect Exodus 6:20

21ובני יצהר—קרח ונפג וזכריSelect Exodus 6:21

22ובני עזיאל—מישאל ואלצפן וסתריSelect Exodus 6:22

23ויקח אהרן את אלישבע בת עמינדב אחות נחשון—לו לאשה ותלד לו את נדב ואת אביהוא את אלעזר ואת איתמרSelect Exodus 6:23

24ובני קרח אסיר ואלקנה ואביאסף אלה משפחת הקרחיSelect Exodus 6:24

25ואלעזר בן אהרן לקח לו מבנות פוטיאל לו לאשה ותלד לו את פינחס אלה ראשי אבות הלוים—למשפחתםSelect Exodus 6:25

26הוא אהרן ומשה—אשר אמר יהוה להם הוציאו את בני ישראל מארץ מצרים על צבאתםSelect Exodus 6:26

27הם המדברים אל פרעה מלך מצרים להוציא את בני ישראל ממצרים הוא משה ואהרןSelect Exodus 6:27

28ויהי ביום דבר יהוה אל משה—בארץ מצריםSelect Exodus 6:28

29וידבר יהוה אל משה לאמר אני יהוה דבר אל פרעה מלך מצרים את כל אשר אני דבר אליךSelect Exodus 6:29

30ויאמר משה לפני יהוה הן אני ערל שפתים ואיך ישמע אלי פרעהSelect Exodus 6:30