7Exodus 7

1ויאמר יהוה אל משה ראה נתתיך אלהים לפרעה ואהרן אחיך יהיה נביאךSelect Exodus 7:1

2אתה תדבר את כל אשר אצוך ואהרן אחיך ידבר אל פרעה ושלח את בני ישראל מארצוSelect Exodus 7:2

3ואני אקשה את לב פרעה והרביתי את אתתי ואת מופתי בארץ מצריםSelect Exodus 7:3

4ולא ישמע אלכם פרעה ונתתי את ידי במצרים והוצאתי את צבאתי את עמי בני ישראל מארץ מצרים בשפטים גדליםSelect Exodus 7:4

5וידעו מצרים כי אני יהוה בנטתי את ידי על מצרים והוצאתי את בני ישראל מתוכםSelect Exodus 7:5

6ויעש משה ואהרן—כאשר צוה יהוה אתם כן עשוSelect Exodus 7:6

7ומשה בן שמנים שנה ואהרן בן שלש ושמנים שנה—בדברם אל פרעהSelect Exodus 7:7

8ויאמר יהוה אל משה ואל אהרן לאמרSelect Exodus 7:8

9כי ידבר אלכם פרעה לאמר תנו לכם מופת ואמרת אל אהרן קח את מטך והשלך לפני פרעה—יהי לתניןSelect Exodus 7:9

10ויבא משה ואהרן אל פרעה ויעשו כן כאשר צוה יהוה וישלך אהרן את מטהו לפני פרעה ולפני עבדיו—ויהי לתניןSelect Exodus 7:10

11ויקרא גם פרעה לחכמים ולמכשפים ויעשו גם הם חרטמי מצרים בלהטיהם—כןSelect Exodus 7:11

12וישליכו איש מטהו ויהיו לתנינם ויבלע מטה אהרן את מטתםSelect Exodus 7:12

13ויחזק לב פרעה ולא שמע אלהם כאשר דבר יהוהSelect Exodus 7:13

14ויאמר יהוה אל משה כבד לב פרעה מאן לשלח העםSelect Exodus 7:14

15לך אל פרעה בבקר הנה יצא המימה ונצבת לקראתו על שפת היאר והמטה אשר נהפך לנחש תקח בידךSelect Exodus 7:15

16ואמרת אליו יהוה אלהי העברים שלחני אליך לאמר שלח את עמי ויעבדני במדבר והנה לא שמעת עד כהSelect Exodus 7:16

17כה אמר יהוה בזאת תדע כי אני יהוה הנה אנכי מכה במטה אשר בידי על המים אשר ביאר—ונהפכו לדםSelect Exodus 7:17

18והדגה אשר ביאר תמות ובאש היאר ונלאו מצרים לשתות מים מן היארSelect Exodus 7:18

19ויאמר יהוה אל משה אמר אל אהרן קח מטך ונטה ידך על מימי מצרים על נהרתם על יאריהם ועל אגמיהם ועל כל מקוה מימיהם—ויהיו דם והיה דם בכל ארץ מצרים ובעצים ובאבניםSelect Exodus 7:19

20ויעשו כן משה ואהרן כאשר צוה יהוה וירם במטה ויך את המים אשר ביאר לעיני פרעה ולעיני עבדיו ויהפכו כל המים אשר ביאר לדםSelect Exodus 7:20

21והדגה אשר ביאר מתה ויבאש היאר ולא יכלו מצרים לשתות מים מן היאר ויהי הדם בכל ארץ מצריםSelect Exodus 7:21

22ויעשו כן חרטמי מצרים בלטיהם ויחזק לב פרעה ולא שמע אלהם כאשר דבר יהוהSelect Exodus 7:22

23ויפן פרעה ויבא אל ביתו ולא שת לבו גם לזאתSelect Exodus 7:23

24ויחפרו כל מצרים סביבת היאר מים לשתות כי לא יכלו לשתת ממימי היארSelect Exodus 7:24

25וימלא שבעת ימים אחרי הכות יהוה את היארSelect Exodus 7:25

26ויאמר יהוה אל משה בא אל פרעה ואמרת אליו כה אמר יהוה שלח את עמי ויעבדניSelect Exodus 7:26

27ואם מאן אתה לשלח הנה אנכי נגף את כל גבולך—בצפרדעיםSelect Exodus 7:27

28ושרץ היאר צפרדעים ועלו ובאו בביתך ובחדר משכבך ועל מטתך ובבית עבדיך ובעמך ובתנוריך ובמשארותיךSelect Exodus 7:28

29ובכה ובעמך ובכל עבדיך—יעלו הצפרדעיםSelect Exodus 7:29