9Exodus 9

1ויאמר יהוה אל משה בא אל פרעה ודברת אליו כה אמר יהוה אלהי העברים שלח את עמי ויעבדניSelect Exodus 9:1

2כי אם מאן אתה לשלח ועודך מחזיק בםSelect Exodus 9:2

3הנה יד יהוה הויה במקנך אשר בשדה בסוסים בחמרים בגמלים בבקר ובצאן—דבר כבד מאדSelect Exodus 9:3

4והפלה יהוה—בין מקנה ישראל ובין מקנה מצרים ולא ימות מכל לבני ישראל דברSelect Exodus 9:4

5וישם יהוה מועד לאמר מחר יעשה יהוה הדבר הזה—בארץSelect Exodus 9:5

6ויעש יהוה את הדבר הזה ממחרת וימת כל מקנה מצרים וממקנה בני ישראל לא מת אחדSelect Exodus 9:6

7וישלח פרעה—והנה לא מת ממקנה ישראל עד אחד ויכבד לב פרעה ולא שלח את העםSelect Exodus 9:7

8ויאמר יהוה אל משה ואל אהרן קחו לכם מלא חפניכם פיח כבשן וזרקו משה השמימה לעיני פרעהSelect Exodus 9:8

9והיה לאבק על כל ארץ מצרים והיה על האדם ועל הבהמה לשחין פרח אבעבעת—בכל ארץ מצריםSelect Exodus 9:9

10ויקחו את פיח הכבשן ויעמדו לפני פרעה ויזרק אתו משה השמימה ויהי שחין אבעבעת פרח באדם ובבהמהSelect Exodus 9:10

11ולא יכלו החרטמים לעמד לפני משה—מפני השחין כי היה השחין בחרטמם ובכל מצריםSelect Exodus 9:11

12ויחזק יהוה את לב פרעה ולא שמע אלהם כאשר דבר יהוה אל משהSelect Exodus 9:12

13ויאמר יהוה אל משה השכם בבקר והתיצב לפני פרעה ואמרת אליו כה אמר יהוה אלהי העברים שלח את עמי ויעבדניSelect Exodus 9:13

14כי בפעם הזאת אני שלח את כל מגפתי אל לבך ובעבדיך ובעמך—בעבור תדע כי אין כמני בכל הארץSelect Exodus 9:14

15כי עתה שלחתי את ידי ואך אותך ואת עמך בדבר ותכחד מן הארץSelect Exodus 9:15

16ואולם בעבור זאת העמדתיך בעבור הראתך את כחי ולמען ספר שמי בכל הארץSelect Exodus 9:16

17עודך מסתולל בעמי לבלתי שלחםSelect Exodus 9:17

18הנני ממטיר כעת מחר ברד כבד מאד אשר לא היה כמהו במצרים למן היום הוסדה ועד עתהSelect Exodus 9:18

19ועתה שלח העז את מקנך ואת כל אשר לך בשדה כל האדם והבהמה אשר ימצא בשדה ולא יאסף הביתה—וירד עלהם הברד ומתוSelect Exodus 9:19

20הירא את דבר יהוה מעבדי פרעה—הניס את עבדיו ואת מקנהו אל הבתיםSelect Exodus 9:20

21ואשר לא שם לבו אל דבר יהוה—ויעזב את עבדיו ואת מקנהו בשדהSelect Exodus 9:21

22ויאמר יהוה אל משה נטה את ידך על השמים ויהי ברד בכל ארץ מצרים על האדם ועל הבהמה ועל כל עשב השדה—בארץ מצריםSelect Exodus 9:22

23ויט משה את מטהו על השמים ויהוה נתן קלת וברד ותהלך אש ארצה וימטר יהוה ברד על ארץ מצריםSelect Exodus 9:23

24ויהי ברד—ואש מתלקחת בתוך הברד כבד מאד—אשר לא היה כמהו בכל ארץ מצרים מאז היתה לגויSelect Exodus 9:24

25ויך הברד בכל ארץ מצרים את כל אשר בשדה מאדם ועד בהמה ואת כל עשב השדה הכה הברד ואת כל עץ השדה שברSelect Exodus 9:25

26רק בארץ גשן אשר שם בני ישראל—לא היה ברדSelect Exodus 9:26

27וישלח פרעה ויקרא למשה ולאהרן ויאמר אלהם חטאתי הפעם יהוה הצדיק ואני ועמי הרשעיםSelect Exodus 9:27

28העתירו אל יהוה ורב מהית קלת אלהים וברד ואשלחה אתכם ולא תספון לעמדSelect Exodus 9:28

29ויאמר אליו משה כצאתי את העיר אפרש את כפי אל יהוה הקלות יחדלון והברד לא יהיה עוד למען תדע כי ליהוה הארץSelect Exodus 9:29

30ואתה ועבדיך ידעתי—כי טרם תיראון מפני יהוה אלהיםSelect Exodus 9:30

31והפשתה והשערה נכתה כי השערה אביב והפשתה גבעלSelect Exodus 9:31

32והחטה והכסמת לא נכו כי אפילת הנהSelect Exodus 9:32

33ויצא משה מעם פרעה את העיר ויפרש כפיו אל יהוה ויחדלו הקלות והברד ומטר לא נתך ארצהSelect Exodus 9:33

34וירא פרעה כי חדל המטר והברד והקלת—ויסף לחטא ויכבד לבו הוא ועבדיוSelect Exodus 9:34

35ויחזק לב פרעה ולא שלח את בני ישראל כאשר דבר יהוה ביד משהSelect Exodus 9:35