13Ezekiel 13

1ויהי דבר יהוה אלי לאמרSelect Ezekiel 13:1

2בן אדם הנבא אל נביאי ישראל הנבאים ואמרת לנביאי מלבם שמעו דבר יהוהSelect Ezekiel 13:2

3כה אמר אדני יהוה הוי על הנביאים הנבלים אשר הלכים אחר רוחם ולבלתי ראוSelect Ezekiel 13:3

4כשעלים בחרבות—נביאיך ישראל היוSelect Ezekiel 13:4

5לא עליתם בפרצות ותגדרו גדר על בית ישראל לעמד במלחמה ביום יהוהSelect Ezekiel 13:5

6חזו שוא וקסם כזב—האמרים נאם יהוה ויהוה לא שלחם ויחלו לקים דברSelect Ezekiel 13:6

7הלוא מחזה שוא חזיתם ומקסם כזב אמרתם ואמרים נאם יהוה ואני לא דברתיSelect Ezekiel 13:7

8לכן כה אמר אדני יהוה יען דברכם שוא וחזיתם כזב—לכן הנני אליכם נאם אדני יהוהSelect Ezekiel 13:8

9והיתה ידי אל הנביאים החזים שוא והקסמים כזב בסוד עמי לא יהיו ובכתב בית ישראל לא יכתבו ואל אדמת ישראל לא יבאו וידעתם כי אני אדני יהוהSelect Ezekiel 13:9

10יען וביען הטעו את עמי לאמר שלום—ואין שלום והוא בנה חיץ והנם טחים אתו תפלSelect Ezekiel 13:10

11אמר אל טחי תפל ויפל היה גשם שוטף ואתנה אבני אלגביש תפלנה ורוח סערות תבקעSelect Ezekiel 13:11

12והנה נפל הקיר הלוא יאמר אליכם איה הטיח אשר טחתםSelect Ezekiel 13:12

13לכן כה אמר אדני יהוה ובקעתי רוח סערות בחמתי וגשם שטף באפי יהיה ואבני אלגביש בחמה לכלהSelect Ezekiel 13:13

14והרסתי את הקיר אשר טחתם תפל והגעתיהו אל הארץ—ונגלה יסדו ונפלה וכליתם בתוכה וידעתם כי אני יהוהSelect Ezekiel 13:14

15וכליתי את חמתי בקיר ובטחים אתו תפל ואמר לכם אין הקיר ואין הטחים אתוSelect Ezekiel 13:15

16נביאי ישראל הנבאים אל ירושלם והחזים לה חזון שלם ואין שלם נאם אדני יהוהSelect Ezekiel 13:16

17ואתה בן אדם שים פניך אל בנות עמך המתנבאות מלבהן והנבא עליהןSelect Ezekiel 13:17

18ואמרת כה אמר אדני יהוה הוי למתפרות כסתות על כל אצילי ידי ועשות המספחות על ראש כל קומה—לצודד נפשות הנפשות תצודדנה לעמי ונפשות לכנה תחיינהSelect Ezekiel 13:18

19ותחללנה אתי אל עמי בשעלי שערים ובפתותי לחם להמית נפשות אשר לא תמותנה ולחיות נפשות אשר לא תחיינה בכזבכם—לעמי שמעי כזבSelect Ezekiel 13:19

20לכן כה אמר אדני יהוה הנני אל כסתותיכנה אשר אתנה מצדדות שם את הנפשות לפרחות וקרעתי אתם מעל זרועתיכם ושלחתי את הנפשות אשר אתם מצדדות את נפשים לפרחתSelect Ezekiel 13:20

21וקרעתי את מספחתיכם והצלתי את עמי מידכן ולא יהיו עוד בידכן למצודה וידעתן כי אני יהוהSelect Ezekiel 13:21

22יען הכאות לב צדיק שקר ואני לא הכאבתיו ולחזק ידי רשע לבלתי שוב מדרכו הרע להחיתוSelect Ezekiel 13:22

23לכן שוא לא תחזינה וקסם לא תקסמנה עוד והצלתי את עמי מידכן וידעתן כי אני יהוהSelect Ezekiel 13:23