16Ezekiel 16

1ויהי דבר יהוה אלי לאמרSelect Ezekiel 16:1

2בן אדם הודע את ירושלם את תועבתיהSelect Ezekiel 16:2

3ואמרת כה אמר אדני יהוה לירושלם מכרתיך ומלדתיך מארץ הכנעני אביך האמרי ואמך חתיתSelect Ezekiel 16:3

4ומולדותיך ביום הולדת אותך לא כרת שרך ובמים לא רחצת למשעי והמלח לא המלחת והחתל לא חתלתSelect Ezekiel 16:4

5לא חסה עליך עין לעשות לך אחת מאלה—לחמלה עליך ותשלכי אל פני השדה בגעל נפשך ביום הלדת אתךSelect Ezekiel 16:5

6ואעבר עליך ואראך מתבוססת בדמיך ואמר לך בדמיך חיי ואמר לך בדמיך חייSelect Ezekiel 16:6

7רבבה כצמח השדה נתתיך ותרבי ותגדלי ותבאי בעדי עדיים שדים נכנו ושערך צמח ואת ערם ועריהSelect Ezekiel 16:7

8ואעבר עליך ואראך והנה עתך עת דדים ואפרש כנפי עליך ואכסה ערותך ואשבע לך ואבוא בברית אתך נאם אדני יהוה—ותהיי ליSelect Ezekiel 16:8

9וארחצך במים ואשטף דמיך מעליך ואסכך בשמןSelect Ezekiel 16:9

10ואלבישך רקמה ואנעלך תחש ואחבשך בשש ואכסך משיSelect Ezekiel 16:10

11ואעדך עדי ואתנה צמידים על ידיך ורביד על גרונךSelect Ezekiel 16:11

12ואתן נזם על אפך ועגילים על אזניך ועטרת תפארת בראשךSelect Ezekiel 16:12

13ותעדי זהב וכסף ומלבושך ששי (שש) ומשי ורקמה סלת ודבש ושמן אכלתי (אכלת) ותיפי במאד מאד ותצלחי למלוכהSelect Ezekiel 16:13

14ויצא לך שם בגוים ביפיך כי כליל הוא בהדרי אשר שמתי עליך—נאם אדני יהוהSelect Ezekiel 16:14

15ותבטחי ביפיך ותזני על שמך ותשפכי את תזנותיך על כל עובר לו יהיSelect Ezekiel 16:15

16ותקחי מבגדיך ותעשי לך במות טלאות ותזני עליהם לא באות ולא יהיהSelect Ezekiel 16:16

17ותקחי כלי תפארתך מזהבי ומכספי אשר נתתי לך ותעשי לך צלמי זכר ותזני בםSelect Ezekiel 16:17

18ותקחי את בגדי רקמתך ותכסים ושמני וקטרתי נתתי (נתת) לפניהםSelect Ezekiel 16:18

19ולחמי אשר נתתי לך סלת ושמן ודבש האכלתיך ונתתיהו לפניהם לריח ניחח ויהי נאם אדני יהוהSelect Ezekiel 16:19

20ותקחי את בניך ואת בנותיך אשר ילדת לי ותזבחים להם לאכול—המעט מתזנותך (מתזנותיך)Select Ezekiel 16:20

21ותשחטי את בני ותתנים בהעביר אותם להםSelect Ezekiel 16:21

22ואת כל תועבתיך ותזנתיך לא זכרתי (זכרת) את ימי נעוריך—בהיותך עירם ועריה מתבוססת בדמך הייתSelect Ezekiel 16:22

23ויהי אחרי כל רעתך אוי אוי לך נאם אדני יהוהSelect Ezekiel 16:23

24ותבני לך גב ותעשי לך רמה בכל רחובSelect Ezekiel 16:24

25אל כל ראש דרך בנית רמתך ותתעבי את יפיך ותפשקי את רגליך לכל עובר ותרבי את תזנותך (תזנותיך)Select Ezekiel 16:25

26ותזני אל בני מצרים שכניך גדלי בשר ותרבי את תזנתך להכעיסניSelect Ezekiel 16:26

27והנה נטיתי ידי עליך ואגרע חקך ואתנך בנפש שנאותיך בנות פלשתים—הנכלמות מדרכך זמהSelect Ezekiel 16:27

28ותזני אל בני אשור מבלתי שבעתך ותזנים וגם לא שבעתSelect Ezekiel 16:28

29ותרבי את תזנותך אל ארץ כנען כשדימה וגם בזאת לא שבעתSelect Ezekiel 16:29

30מה אמלה לבתך נאם אדני יהוה—בעשותך את כל אלה מעשה אשה זונה שלטתSelect Ezekiel 16:30

31בבנותיך גבך בראש כל דרך ורמתך עשיתי (עשית) בכל רחוב ולא הייתי (היית) כזונה לקלס אתנןSelect Ezekiel 16:31

32האשה המנאפת—תחת אישה תקח את זריםSelect Ezekiel 16:32

33לכל זנות יתנו נדה ואת נתת את נדניך לכל מאהביך ותשחדי אותם לבוא אליך מסביב בתזנותיךSelect Ezekiel 16:33

34ויהי בך הפך מן הנשים בתזנותיך ואחריך לא זונה ובתתך אתנן ואתנן לא נתן לך—ותהי להפךSelect Ezekiel 16:34

35לכן זונה שמעי דבר יהוהSelect Ezekiel 16:35

36כה אמר אדני יהוה יען השפך נחשתך ותגלה ערותך בתזנותיך על מאהביך ועל כל גלולי תועבותיך וכדמי בניך אשר נתת להםSelect Ezekiel 16:36

37לכן הנני מקבץ את כל מאהביך אשר ערבת עליהם ואת כל אשר אהבת על כל אשר שנאת וקבצתי אתם עליך מסביב וגליתי ערותך אלהם וראו את כל ערותךSelect Ezekiel 16:37

38ושפטתיך משפטי נאפות ושפכת דם ונתתיך דם חמה וקנאהSelect Ezekiel 16:38

39ונתתי אתך בידם והרסו גבך ונתצו רמתיך והפשיטו אותך בגדיך ולקחו כלי תפארתך והניחוך עירם ועריהSelect Ezekiel 16:39

40והעלו עליך קהל ורגמו אותך באבן ובתקוך בחרבותםSelect Ezekiel 16:40

41ושרפו בתיך באש ועשו בך שפטים לעיני נשים רבות והשבתיך מזונה וגם אתנן לא תתני עודSelect Ezekiel 16:41

42והנחתי חמתי בך וסרה קנאתי ממך ושקטתי ולא אכעס עודSelect Ezekiel 16:42

43יען אשר לא זכרתי (זכרת) את ימי נעוריך ותרגזי לי בכל אלה וגם אני הא דרכך בראש נתתי נאם אדני יהוה ולא עשיתי (עשית) את הזמה על כל תועבתיךSelect Ezekiel 16:43

44הנה כל המשל עליך ימשל לאמר כאמה בתהSelect Ezekiel 16:44

45בת אמך את געלת אישה ובניה ואחות אחותך את אשר געלו אנשיהן ובניהן—אמכן חתית ואביכן אמריSelect Ezekiel 16:45

46ואחותך הגדולה שמרון היא ובנותיה היושבת על שמאולך ואחותך הקטנה ממך היושבת מימינך—סדם ובנותיהSelect Ezekiel 16:46

47ולא בדרכיהן הלכת וכתועבותיהן עשיתי (עשית) כמעט קט ותשחתי מהן בכל דרכיךSelect Ezekiel 16:47

48חי אני נאם אדני יהוה אם עשתה סדם אחותך היא ובנותיה—כאשר עשית את ובנותיךSelect Ezekiel 16:48

49הנה זה היה עון סדם אחותך גאון שבעת לחם ושלות השקט היה לה ולבנותיה ויד עני ואביון לא החזיקהSelect Ezekiel 16:49

50ותגבהינה ותעשינה תועבה לפני ואסיר אתהן כאשר ראיתיSelect Ezekiel 16:50

51ושמרון כחצי חטאתיך לא חטאה ותרבי את תועבותיך מהנה ותצדקי את אחותך (אחותיך) בכל תועבתיך אשר עשיתי (עשית)Select Ezekiel 16:51

52גם את שאי כלמתך אשר פללת לאחותך בחטאתיך אשר התעבת מהן תצדקנה ממך וגם את בושי ושאי כלמתך בצדקתך אחיותךSelect Ezekiel 16:52

53ושבתי את שביתהן—את שבית (שבות) סדם ובנותיה ואת שבית (שבות) שמרון ובנותיה ושבית (ושבות) שביתיך בתוכהנהSelect Ezekiel 16:53

54למען תשאי כלמתך ונכלמת מכל אשר עשית—בנחמך אתןSelect Ezekiel 16:54

55ואחותיך סדם ובנותיה תשבן לקדמתן ושמרון ובנותיה תשבן לקדמתן ואת ובנותיך תשבינה לקדמתכןSelect Ezekiel 16:55

56ולוא היתה סדם אחותך לשמועה בפיך ביום גאוניךSelect Ezekiel 16:56

57בטרם תגלה רעתך כמו עת חרפת בנות ארם וכל סביבותיה בנות פלשתים השאטות אותך מסביבSelect Ezekiel 16:57

58את זמתך ואת תועבותיך את נשאתים—נאם יהוהSelect Ezekiel 16:58

59כי כה אמר אדני יהוה ועשית (ועשיתי) אותך כאשר עשית—אשר בזית אלה להפר בריתSelect Ezekiel 16:59

60וזכרתי אני את בריתי אותך בימי נעוריך והקימותי לך ברית עולםSelect Ezekiel 16:60

61וזכרת את דרכיך ונכלמת בקחתך את אחותיך הגדלות ממך אל הקטנות ממך ונתתי אתהן לך לבנות ולא מבריתךSelect Ezekiel 16:61

62והקימתי אני את בריתי אתך וידעת כי אני יהוהSelect Ezekiel 16:62

63למען תזכרי ובשת ולא יהיה לך עוד פתחון פה מפני כלמתך—בכפרי לך לכל אשר עשית נאם אדני יהוהSelect Ezekiel 16:63