17Ezekiel 17

1ויהי דבר יהוה אלי לאמרSelect Ezekiel 17:1

2בן אדם חוד חידה ומשל משל אל בית ישראלSelect Ezekiel 17:2

3ואמרת כה אמר אדני יהוה הנשר הגדול גדול הכנפים ארך האבר מלא הנוצה אשר לו הרקמה—בא אל הלבנון ויקח את צמרת הארזSelect Ezekiel 17:3

4את ראש יניקותיו קטף ויביאהו אל ארץ כנען בעיר רכלים שמוSelect Ezekiel 17:4

5ויקח מזרע הארץ ויתנהו בשדה זרע קח על מים רבים צפצפה שמוSelect Ezekiel 17:5

6ויצמח ויהי לגפן סרחת שפלת קומה לפנות דליותיו אליו ושרשיו תחתיו יהיו ותהי לגפן—ותעש בדים ותשלח פראותSelect Ezekiel 17:6

7ויהי נשר אחד גדול גדול כנפים ורב נוצה והנה הגפן הזאת כפנה שרשיה עליו ודליותיו שלחה לו להשקות אותה מערגות מטעהSelect Ezekiel 17:7

8אל שדה טוב אל מים רבים היא שתולה—לעשות ענף ולשאת פרי להיות לגפן אדרתSelect Ezekiel 17:8

9אמר כה אמר אדני יהוה—תצלח הלוא את שרשיה ינתק ואת פריה יקוסס ויבש כל טרפי צמחה תיבש ולא בזרע גדולה ובעם רב למשאות אותה משרשיהSelect Ezekiel 17:9

10והנה שתולה התצלח הלא כגעת בה רוח הקדים תיבש יבש על ערגת צמחה תיבשSelect Ezekiel 17:10

11ויהי דבר יהוה אלי לאמרSelect Ezekiel 17:11

12אמר נא לבית המרי הלא ידעתם מה אלה אמר הנה בא מלך בבל ירושלם ויקח את מלכה ואת שריה ויבא אותם אליו בבלהSelect Ezekiel 17:12

13ויקח מזרע המלוכה ויכרת אתו ברית ויבא אתו באלה ואת אילי הארץ לקחSelect Ezekiel 17:13

14להיות ממלכה שפלה לבלתי התנשא לשמר את בריתו לעמדהSelect Ezekiel 17:14

15וימרד בו לשלח מלאכיו מצרים לתת לו סוסים ועם רב היצלח הימלט העשה אלה והפר ברית ונמלטSelect Ezekiel 17:15

16חי אני נאם אדני יהוה אם לא במקום המלך הממליך אתו אשר בזה את אלתו ואשר הפר את בריתו—אתו בתוך בבל ימותSelect Ezekiel 17:16

17ולא בחיל גדול ובקהל רב יעשה אותו פרעה במלחמה בשפך סללה ובבנות דיק—להכרית נפשות רבותSelect Ezekiel 17:17

18ובזה אלה להפר ברית והנה נתן ידו וכל אלה עשה לא ימלטSelect Ezekiel 17:18

19לכן כה אמר אדני יהוה חי אני אם לא אלתי אשר בזה ובריתי אשר הפיר—ונתתיו בראשוSelect Ezekiel 17:19

20ופרשתי עליו רשתי ונתפש במצודתי והביאותיהו בבלה ונשפטתי אתו שם מעלו אשר מעל ביSelect Ezekiel 17:20

21ואת כל מברחו בכל אגפיו בחרב יפלו והנשארים לכל רוח יפרשו וידעתם כי אני יהוה דברתיSelect Ezekiel 17:21

22כה אמר אדני יהוה ולקחתי אני מצמרת הארז הרמה ונתתי מראש ינקותיו רך אקטף ושתלתי אני על הר גבה ותלולSelect Ezekiel 17:22

23בהר מרום ישראל אשתלנו ונשא ענף ועשה פרי והיה לארז אדיר ושכנו תחתיו כל צפור כל כנף—בצל דליותיו תשכנהSelect Ezekiel 17:23

24וידעו כל עצי השדה כי אני יהוה השפלתי עץ גבה הגבהתי עץ שפל הובשתי עץ לח והפרחתי עץ יבש אני יהוה דברתי ועשיתיSelect Ezekiel 17:24