18Ezekiel 18

1ויהי דבר יהוה אלי לאמרSelect Ezekiel 18:1

2מה לכם אתם משלים את המשל הזה על אדמת ישראל לאמר אבות יאכלו בסר ושני הבנים תקהינהSelect Ezekiel 18:2

3חי אני נאם אדני יהוה אם יהיה לכם עוד משל המשל הזה—בישראלSelect Ezekiel 18:3

4הן כל הנפשות לי הנה כנפש האב וכנפש הבן לי הנה הנפש החטאת היא תמותSelect Ezekiel 18:4

5ואיש כי יהיה צדיק ועשה משפט וצדקהSelect Ezekiel 18:5

6אל ההרים לא אכל ועיניו לא נשא אל גלולי בית ישראל ואת אשת רעהו לא טמא ואל אשה נדה לא יקרבSelect Ezekiel 18:6

7ואיש לא יונה—חבלתו חוב ישיב גזלה לא יגזל לחמו לרעב יתן ועירם יכסה בגדSelect Ezekiel 18:7

8בנשך לא יתן ותרבית לא יקח—מעול ישיב ידו משפט אמת יעשה בין איש לאישSelect Ezekiel 18:8

9בחקותי יהלך ומשפטי שמר לעשות אמת צדיק הוא חיה יחיה נאם אדני יהוהSelect Ezekiel 18:9

10והוליד בן פריץ שפך דם ועשה אח מאחד מאלהSelect Ezekiel 18:10

11והוא את כל אלה לא עשה—כי גם אל ההרים אכל ואת אשת רעהו טמאSelect Ezekiel 18:11

12עני ואביון הונה—גזלות גזל חבל לא ישיב ואל הגלולים נשא עיניו תועבה עשהSelect Ezekiel 18:12

13בנשך נתן ותרבית לקח וחי לא יחיה את כל התועבות האלה עשה—מות יומת דמיו בו יהיהSelect Ezekiel 18:13

14והנה הוליד בן וירא את כל חטאת אביו אשר עשה ויראה ולא יעשה כהןSelect Ezekiel 18:14

15על ההרים לא אכל ועיניו לא נשא אל גלולי בית ישראל את אשת רעהו לא טמאSelect Ezekiel 18:15

16ואיש לא הונה—חבל לא חבל וגזלה לא גזל לחמו לרעב נתן וערום כסה בגדSelect Ezekiel 18:16

17מעני השיב ידו נשך ותרבית לא לקח—משפטי עשה בחקותי הלך הוא לא ימות בעון אביו—חיה יחיהSelect Ezekiel 18:17

18אביו כי עשק עשק גזל גזל אח ואשר לא טוב עשה בתוך עמיו והנה מת בעונוSelect Ezekiel 18:18

19ואמרתם מדע לא נשא הבן בעון האב והבן משפט וצדקה עשה את כל חקותי שמר ויעשה אתם—חיה יחיהSelect Ezekiel 18:19

20הנפש החטאת היא תמות בן לא ישא בעון האב ואב לא ישא בעון הבן—צדקת הצדיק עליו תהיה ורשעת רשע (הרשע) עליו תהיהSelect Ezekiel 18:20

21והרשע כי ישוב מכל חטאתו אשר עשה ושמר את כל חקותי ועשה משפט וצדקה—חיה יחיה לא ימותSelect Ezekiel 18:21

22כל פשעיו אשר עשה לא יזכרו לו בצדקתו אשר עשה יחיהSelect Ezekiel 18:22

23החפץ אחפץ מות רשע נאם אדני יהוה הלוא בשובו מדרכיו וחיהSelect Ezekiel 18:23

24ובשוב צדיק מצדקתו ועשה עול ככל התועבות אשר עשה הרשע יעשה וחי—כל צדקתו אשר עשה לא תזכרנה במעלו אשר מעל ובחטאתו אשר חטא בם ימותSelect Ezekiel 18:24

25ואמרתם לא יתכן דרך אדני שמעו נא בית ישראל הדרכי לא יתכן הלא דרכיכם לא יתכנוSelect Ezekiel 18:25

26בשוב צדיק מצדקתו ועשה עול ומת עליהם בעולו אשר עשה ימותSelect Ezekiel 18:26

27ובשוב רשע מרשעתו אשר עשה ויעש משפט וצדקה—הוא את נפשו יחיהSelect Ezekiel 18:27

28ויראה וישוב (וישב) מכל פשעיו אשר עשה—חיו יחיה לא ימותSelect Ezekiel 18:28

29ואמרו בית ישראל לא יתכן דרך אדני הדרכי לא יתכנו בית ישראל—הלא דרכיכם לא יתכןSelect Ezekiel 18:29

30לכן איש כדרכיו אשפט אתכם בית ישראל—נאם אדני יהוה שובו והשיבו מכל פשעיכם ולא יהיה לכם למכשול עוןSelect Ezekiel 18:30

31השליכו מעליכם את כל פשעיכם אשר פשעתם בם ועשו לכם לב חדש ורוח חדשה ולמה תמתו בית ישראלSelect Ezekiel 18:31

32כי לא אחפץ במות המת נאם אדני יהוה והשיבו וחיוSelect Ezekiel 18:32