23Ezekiel 23

1ויהי דבר יהוה אלי לאמרSelect Ezekiel 23:1

2בן אדם—שתים נשים בנות אם אחת היוSelect Ezekiel 23:2

3ותזנינה במצרים בנעוריהן זנו שמה מעכו שדיהן ושם עשו דדי בתוליהןSelect Ezekiel 23:3

4ושמותן אהלה הגדולה ואהליבה אחותה ותהיינה לי ותלדנה בנים ובנות ושמותן—שמרון אהלה וירושלם אהליבהSelect Ezekiel 23:4

5ותזן אהלה תחתי ותעגב על מאהביה אל אשור קרוביםSelect Ezekiel 23:5

6לבשי תכלת פחות וסגנים בחורי חמד כלם פרשים רכבי סוסיםSelect Ezekiel 23:6

7ותתן תזנותיה עליהם מבחר בני אשור כלם ובכל אשר עגבה בכל גלוליהם נטמאהSelect Ezekiel 23:7

8ואת תזנותיה ממצרים לא עזבה—כי אותה שכבו בנעוריה והמה עשו דדי בתוליה וישפכו תזנותם עליהSelect Ezekiel 23:8

9לכן נתתיה ביד מאהביה—ביד בני אשור אשר עגבה עליהםSelect Ezekiel 23:9

10המה גלו ערותה—בניה ובנותיה לקחו ואותה בחרב הרגו ותהי שם לנשים ושפוטים עשו בהSelect Ezekiel 23:10

11ותרא אחותה אהליבה ותשחת עגבתה ממנה ואת תזנותיה—מזנוני אחותהSelect Ezekiel 23:11

12אל בני אשור עגבה פחות וסגנים קרבים לבשי מכלול פרשים רכבי סוסים—בחורי חמד כלםSelect Ezekiel 23:12

13וארא כי נטמאה דרך אחד לשתיהןSelect Ezekiel 23:13

14ותוסף אל תזנותיה ותרא אנשי מחקה על הקיר צלמי כשדיים (כשדים) חקקים בששרSelect Ezekiel 23:14

15חגורי אזור במתניהם סרוחי טבולים בראשיהם—מראה שלשים כלם דמות בני בבל כשדים ארץ מולדתםSelect Ezekiel 23:15

16ותעגב (ותעגבה) עליהם למראה עיניה ותשלח מלאכים אליהם כשדימהSelect Ezekiel 23:16

17ויבאו אליה בני בבל למשכב דדים ויטמאו אותה בתזנותם ותטמא בם—ותקע נפשה מהםSelect Ezekiel 23:17

18ותגל תזנותיה ותגל את ערותה ותקע נפשי מעליה כאשר נקעה נפשי מעל אחותהSelect Ezekiel 23:18

19ותרבה את תזנותיה לזכר את ימי נעוריה אשר זנתה בארץ מצריםSelect Ezekiel 23:19

20ותעגבה על פלגשיהם אשר בשר חמורים בשרם וזרמת סוסים זרמתםSelect Ezekiel 23:20

21ותפקדי את זמת נעוריך בעשות ממצרים דדיך למען שדי נעוריךSelect Ezekiel 23:21

22לכן אהליבה כה אמר אדני יהוה הנני מעיר את מאהביך עליך את אשר נקעה נפשך מהם והבאתים עליך מסביבSelect Ezekiel 23:22

23בני בבל וכל כשדים פקוד ושוע וקוע כל בני אשור אותם בחורי חמד פחות וסגנים כלם—שלשים וקרואים רכבי סוסים כלםSelect Ezekiel 23:23

24ובאו עליך הצן רכב וגלגל ובקהל עמים—צנה ומגן וקובע ישימו עליך סביב ונתתי לפניהם משפט ושפטוך במשפטיהםSelect Ezekiel 23:24

25ונתתי קנאתי בך ועשו אותך בחמה—אפך ואזניך יסירו ואחריתך בחרב תפול המה בניך ובנותיך יקחו ואחריתך תאכל באשSelect Ezekiel 23:25

26והפשיטוך את בגדיך ולקחו כלי תפארתךSelect Ezekiel 23:26

27והשבתי זמתך ממך ואת זנותך מארץ מצרים ולא תשאי עיניך אליהם ומצרים לא תזכרי עודSelect Ezekiel 23:27

28כי כה אמר אדני יהוה הנני נתנך ביד אשר שנאת—ביד אשר נקעה נפשך מהםSelect Ezekiel 23:28

29ועשו אותך בשנאה ולקחו כל יגיעך ועזבוך עירם ועריה ונגלה ערות זנוניך וזמתך ותזנותיךSelect Ezekiel 23:29

30עשה אלה לך בזנותך אחרי גוים על אשר נטמאת בגלוליהםSelect Ezekiel 23:30

31בדרך אחותך הלכת ונתתי כוסה בידךSelect Ezekiel 23:31

32כה אמר אדני יהוה כוס אחותך תשתי העמקה והרחבה תהיה לצחק וללעג מרבה להכילSelect Ezekiel 23:32

33שכרון ויגון תמלאי כוס שמה ושממה כוס אחותך שמרוןSelect Ezekiel 23:33

34ושתית אותה ומצית ואת חרשיה תגרמי—ושדיך תנתקי כי אני דברתי נאם אדני יהוהSelect Ezekiel 23:34

35לכן כה אמר אדני יהוה יען שכחת אותי ותשליכי אותי אחרי גוך וגם את שאי זמתך ואת תזנותיךSelect Ezekiel 23:35

36ויאמר יהוה אלי בן אדם התשפוט את אהלה ואת אהליבה והגד להן את תועבותיהןSelect Ezekiel 23:36

37כי נאפו ודם בידיהן ואת גלוליהן נאפו וגם את בניהן אשר ילדו לי העבירו להם לאכלהSelect Ezekiel 23:37

38עוד זאת עשו לי טמאו את מקדשי ביום ההוא ואת שבתותי חללוSelect Ezekiel 23:38

39ובשחטם את בניהם לגלוליהם ויבאו אל מקדשי ביום ההוא לחללו והנה כה עשו בתוך ביתיSelect Ezekiel 23:39

40ואף כי תשלחנה לאנשים באים ממרחק—אשר מלאך שלוח אליהם והנה באו לאשר רחצת כחלת עיניך ועדית עדיSelect Ezekiel 23:40

41וישבת על מטה כבודה ושלחן ערוך לפניה וקטרתי ושמני שמת עליהSelect Ezekiel 23:41

42וקול המון שלו בה ואל אנשים מרב אדם מובאים סובאים (סבאים) ממדבר ויתנו צמידים אל ידיהן ועטרת תפארת על ראשיהןSelect Ezekiel 23:42

43ואמר לבלה נאופים עת (עתה) יזנה (יזנו) תזנותה והיאSelect Ezekiel 23:43

44ויבוא אליה כבוא אל אשה זונה כן באו אל אהלה ואל אהליבה—אשת הזמהSelect Ezekiel 23:44

45ואנשים צדיקם המה ישפטו אותהם—משפט נאפות ומשפט שפכות דם כי נאפת הנה ודם בידיהןSelect Ezekiel 23:45

46כי כה אמר אדני יהוה העלה עליהם קהל ונתן אתהן לזעוה ולבזSelect Ezekiel 23:46

47ורגמו עליהן אבן קהל וברא אותהן בחרבותם בניהם ובנותיהם יהרגו ובתיהן באש ישרפוSelect Ezekiel 23:47

48והשבתי זמה מן הארץ ונוסרו כל הנשים ולא תעשינה כזמתכנהSelect Ezekiel 23:48

49ונתנו זמתכנה עליכן וחטאי גלוליכן תשאינה וידעתם כי אני אדני יהוהSelect Ezekiel 23:49