24Ezekiel 24

1ויהי דבר יהוה אלי בשנה התשיעית בחדש העשירי בעשור לחדש לאמרSelect Ezekiel 24:1

2בן אדם כתוב (כתב) לך את שם היום—את עצם היום הזה סמך מלך בבל אל ירושלם בעצם היום הזהSelect Ezekiel 24:2

3ומשל אל בית המרי משל ואמרת אליהם כה אמר אדני יהוה שפת הסיר שפת וגם יצק בו מיםSelect Ezekiel 24:3

4אסף נתחיה אליה כל נתח טוב ירך וכתף מבחר עצמים מלאSelect Ezekiel 24:4

5מבחר הצאן לקוח וגם דור העצמים תחתיה רתח רתחיה גם בשלו עצמיה בתוכהSelect Ezekiel 24:5

6לכן כה אמר אדני יהוה אוי עיר הדמים—סיר אשר חלאתה בה וחלאתה לא יצאה ממנה לנתחיה לנתחיה הוציאה לא נפל עליה גורלSelect Ezekiel 24:6

7כי דמה בתוכה היה על צחיח סלע שמתהו לא שפכתהו על הארץ לכסות עליו עפרSelect Ezekiel 24:7

8להעלות חמה לנקם נקם נתתי את דמה על צחיח סלע—לבלתי הכסותSelect Ezekiel 24:8

9לכן כה אמר אדני יהוה אוי עיר הדמים גם אני אגדיל המדורהSelect Ezekiel 24:9

10הרבה העצים הדלק האש התם הבשר והרקח המרקחה והעצמות יחרוSelect Ezekiel 24:10

11והעמידה על גחליה רקה למען תחם וחרה נחשתה ונתכה בתוכה טמאתה—תתם חלאתהSelect Ezekiel 24:11

12תאנים הלאת ולא תצא ממנה רבת חלאתה באש חלאתהSelect Ezekiel 24:12

13בטמאתך זמה יען טהרתיך ולא טהרת—מטמאתך לא תטהרי עוד עד הניחי את חמתי בךSelect Ezekiel 24:13

14אני יהוה דברתי באה ועשיתי לא אפרע ולא אחוס ולא אנחם כדרכיך וכעלילותיך שפטוך נאם אדני יהוהSelect Ezekiel 24:14

15ויהי דבר יהוה אלי לאמרSelect Ezekiel 24:15

16בן אדם הנני לקח ממך את מחמד עיניך במגפה ולא תספד ולא תבכה ולוא תבוא דמעתךSelect Ezekiel 24:16

17האנק דם מתים אבל לא תעשה—פארך חבוש עליך ונעליך תשים ברגליך ולא תעטה על שפם ולחם אנשים לא תאכלSelect Ezekiel 24:17

18ואדבר אל העם בבקר ותמת אשתי בערב ואעש בבקר כאשר צויתיSelect Ezekiel 24:18

19ויאמרו אלי העם הלא תגיד לנו מה אלה לנו כי אתה עשהSelect Ezekiel 24:19

20ואמר אליהם דבר יהוה—היה אלי לאמרSelect Ezekiel 24:20

21אמר לבית ישראל כה אמר אדני יהוה הנני מחלל את מקדשי גאון עזכם מחמד עיניכם ומחמל נפשכם ובניכם ובנותיכם אשר עזבתם בחרב יפלוSelect Ezekiel 24:21

22ועשיתם כאשר עשיתי על שפם לא תעטו ולחם אנשים לא תאכלוSelect Ezekiel 24:22

23ופארכם על ראשיכם ונעליכם ברגליכם—לא תספדו ולא תבכו ונמקתם בעונתיכם ונהמתם איש אל אחיוSelect Ezekiel 24:23

24והיה יחזקאל לכם למופת ככל אשר עשה תעשו בבואה—וידעתם כי אני אדני יהוהSelect Ezekiel 24:24

25ואתה בן אדם—הלוא ביום קחתי מהם את מעוזם משוש תפארתם את מחמד עיניהם ואת משא נפשם בניהם ובנותיהםSelect Ezekiel 24:25

26ביום ההוא יבוא הפליט אליך להשמעות אזניםSelect Ezekiel 24:26

27ביום ההוא יפתח פיך את הפליט ותדבר ולא תאלם עוד והיית להם למופת וידעו כי אני יהוהSelect Ezekiel 24:27