29Ezekiel 29

1בשנה העשרית בעשרי בשנים עשר לחדש—היה דבר יהוה אלי לאמרSelect Ezekiel 29:1

2בן אדם—שים פניך על פרעה מלך מצרים והנבא עליו ועל מצרים כלהSelect Ezekiel 29:2

3דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשר אמר לי יארי ואני עשיתניSelect Ezekiel 29:3

4ונתתי חחיים (חחים) בלחייך והדבקתי דגת יאריך בקשקשתיך והעליתיך מתוך יאריך ואת כל דגת יאריך בקשקשתיך תדבקSelect Ezekiel 29:4

5ונטשתיך המדברה אותך ואת כל דגת יאריך על פני השדה תפול לא תאסף ולא תקבץ—לחית הארץ ולעוף השמים נתתיך לאכלהSelect Ezekiel 29:5

6וידעו כל ישבי מצרים כי אני יהוה יען היותם משענת קנה לבית ישראלSelect Ezekiel 29:6

7בתפשם בך בכפך (בכף) תרוץ ובקעת להם כל כתף ובהשענם עליך תשבר והעמדת להם כל מתניםSelect Ezekiel 29:7

8לכן כה אמר אדני יהוה הנני מביא עליך חרב והכרתי ממך אדם ובהמהSelect Ezekiel 29:8

9והיתה ארץ מצרים לשממה וחרבה וידעו כי אני יהוה יען אמר יאר לי ואני עשיתיSelect Ezekiel 29:9

10לכן הנני אליך ואל יאריך ונתתי את ארץ מצרים לחרבות חרב שממה ממגדל סונה ועד גבול כושSelect Ezekiel 29:10

11לא תעבר בה רגל אדם ורגל בהמה לא תעבר בה ולא תשב ארבעים שנהSelect Ezekiel 29:11

12ונתתי את ארץ מצרים שממה בתוך ארצות נשמות ועריה בתוך ערים מחרבות תהיין שממה ארבעים שנה והפצתי את מצרים בגוים וזריתים בארצותSelect Ezekiel 29:12

13כי כה אמר אדני יהוה מקץ ארבעים שנה אקבץ את מצרים מן העמים אשר נפצו שמהSelect Ezekiel 29:13

14ושבתי את שבות מצרים והשבתי אתם ארץ פתרוס על ארץ מכורתם והיו שם ממלכה שפלהSelect Ezekiel 29:14

15מן הממלכות תהיה שפלה ולא תתנשא עוד על הגוים והמעטתים—לבלתי רדות בגויםSelect Ezekiel 29:15

16ולא יהיה עוד לבית ישראל למבטח מזכיר עון בפנותם אחריהם וידעו כי אני אדני יהוהSelect Ezekiel 29:16

17ויהי בעשרים ושבע שנה בראשון באחד לחדש היה דבר יהוה אלי לאמרSelect Ezekiel 29:17

18בן אדם נבוכדראצר מלך בבל העביד את חילו עבדה גדולה אל צר—כל ראש מקרח וכל כתף מרוטה ושכר לא היה לו ולחילו מצר על העבדה אשר עבד עליהSelect Ezekiel 29:18

19לכן כה אמר אדני יהוה הנני נתן לנבוכדראצר מלך בבל את ארץ מצרים ונשא המנה ושלל שללה ובזז בזה והיתה שכר לחילוSelect Ezekiel 29:19

20פעלתו אשר עבד בה נתתי לו את ארץ מצרים אשר עשו לי נאם אדני יהוהSelect Ezekiel 29:20

21ביום ההוא אצמיח קרן לבית ישראל ולך אתן פתחון פה בתוכם וידעו כי אני יהוהSelect Ezekiel 29:21