30Ezekiel 30

1ויהי דבר יהוה אלי לאמרSelect Ezekiel 30:1

2בן אדם—הנבא ואמרת כה אמר אדני יהוה הילילו הה ליוםSelect Ezekiel 30:2

3כי קרוב יום וקרוב יום ליהוה יום ענן עת גוים יהיהSelect Ezekiel 30:3

4ובאה חרב במצרים והיתה חלחלה בכוש בנפל חלל במצרים ולקחו המונה ונהרסו יסדותיהSelect Ezekiel 30:4

5כוש ופוט ולוד וכל הערב וכוב ובני ארץ הברית—אתם בחרב יפלוSelect Ezekiel 30:5

6כה אמר יהוה ונפלו סמכי מצרים וירד גאון עזה ממגדל סונה בחרב יפלו בה—נאם אדני יהוהSelect Ezekiel 30:6

7ונשמו בתוך ארצות נשמות ועריו בתוך ערים נחרבות תהיינהSelect Ezekiel 30:7

8וידעו כי אני יהוה בתתי אש במצרים ונשברו כל עזריהSelect Ezekiel 30:8

9ביום ההוא יצאו מלאכים מלפני בצים להחריד את כוש בטח והיתה חלחלה בהם ביום מצרים כי הנה באהSelect Ezekiel 30:9

10כה אמר אדני יהוה והשבתי את המון מצרים ביד נבוכדראצר מלך בבלSelect Ezekiel 30:10

11הוא ועמו אתו עריצי גוים—מובאים לשחת הארץ והריקו חרבותם על מצרים ומלאו את הארץ חללSelect Ezekiel 30:11

12ונתתי יארים חרבה ומכרתי את הארץ ביד רעים והשמתי ארץ ומלאה ביד זרים—אני יהוה דברתיSelect Ezekiel 30:12

13כה אמר אדני יהוה והאבדתי גלולים והשבתי אלילים מנף ונשיא מארץ מצרים לא יהיה עוד ונתתי יראה בארץ מצריםSelect Ezekiel 30:13

14והשמתי את פתרוס ונתתי אש בצען ועשיתי שפטים בנאSelect Ezekiel 30:14

15ושפכתי חמתי על סין מעוז מצרים והכרתי את המון נאSelect Ezekiel 30:15

16ונתתי אש במצרים—חול תחיל (תחול) סין ונא תהיה להבקע ונף צרי יומםSelect Ezekiel 30:16

17בחורי און ופי בסת בחרב יפלו והנה בשבי תלכנהSelect Ezekiel 30:17

18ובתחפנחס חשך היום בשברי שם את מטות מצרים ונשבת בה גאון עזה היא ענן יכסנה ובנותיה בשבי תלכנהSelect Ezekiel 30:18

19ועשיתי שפטים במצרים וידעו כי אני יהוהSelect Ezekiel 30:19

20ויהי באחת עשרה שנה בראשון בשבעה לחדש היה דבר יהוה אלי לאמרSelect Ezekiel 30:20

21בן אדם את זרוע פרעה מלך מצרים שברתי והנה לא חבשה לתת רפאות לשום חתול לחבשה לחזקה—לתפש בחרבSelect Ezekiel 30:21

22לכן כה אמר אדני יהוה הנני אל פרעה מלך מצרים ושברתי את זרעתיו את החזקה ואת הנשברת והפלתי את החרב מידוSelect Ezekiel 30:22

23והפצותי את מצרים בגוים וזריתם בארצותSelect Ezekiel 30:23

24וחזקתי את זרעות מלך בבל ונתתי את חרבי בידו ושברתי את זרעות פרעה ונאק נאקות חלל לפניוSelect Ezekiel 30:24

25והחזקתי את זרעות מלך בבל וזרעות פרעה תפלנה וידעו כי אני יהוה בתתי חרבי ביד מלך בבל ונטה אותה אל ארץ מצריםSelect Ezekiel 30:25

26והפצותי את מצרים בגוים וזריתי אותם בארצות וידעו כי אני יהוהSelect Ezekiel 30:26