31Ezekiel 31

1ויהי באחת עשרה שנה בשלישי באחד לחדש היה דבר יהוה אלי לאמרSelect Ezekiel 31:1

2בן אדם אמר אל פרעה מלך מצרים ואל המונו אל מי דמית בגדלךSelect Ezekiel 31:2

3הנה אשור ארז בלבנון יפה ענף וחרש מצל—וגבה קומה ובין עבתים היתה צמרתוSelect Ezekiel 31:3

4מים גדלוהו תהום רממתהו את נהרתיה הלך סביבות מטעה ואת תעלתיה שלחה אל כל עצי השדהSelect Ezekiel 31:4

5על כן גבהא קמתו מכל עצי השדה ותרבינה סרעפתיו ותארכנה פארתו ממים רבים—בשלחוSelect Ezekiel 31:5

6בסעפתיו קננו כל עוף השמים ותחת פארתיו ילדו כל חית השדה ובצלו ישבו כל גוים רביםSelect Ezekiel 31:6

7וייף בגדלו בארך דליותיו כי היה שרשו אל מים רביםSelect Ezekiel 31:7

8ארזים לא עממהו בגן אלהים—ברושים לא דמו אל סעפתיו וערמנים לא היו כפראתיו כל עץ בגן אלהים—לא דמה אליו ביפיוSelect Ezekiel 31:8

9יפה עשיתיו ברב דליותיו ויקנאהו כל עצי עדן אשר בגן האלהיםSelect Ezekiel 31:9

10לכן כה אמר אדני יהוה יען אשר גבהת בקומה ויתן צמרתו אל בין עבותים ורם לבבו בגבהוSelect Ezekiel 31:10

11ואתנהו—ביד איל גוים עשו יעשה לו כרשעו גרשתהוSelect Ezekiel 31:11

12ויכרתהו זרים עריצי גוים ויטשהו אל ההרים ובכל גאיות נפלו דליותיו ותשברנה פראתיו בכל אפיקי הארץ וירדו מצלו כל עמי הארץ ויטשהוSelect Ezekiel 31:12

13על מפלתו ישכנו כל עוף השמים ואל פראתיו היו כל חית השדהSelect Ezekiel 31:13

14למען אשר לא יגבהו בקומתם כל עצי מים ולא יתנו את צמרתם אל בין עבתים ולא יעמדו אליהם בגבהם כל שתי מים כי כלם נתנו למות אל ארץ תחתית בתוך בני אדם—אל יורדי בורSelect Ezekiel 31:14

15כה אמר אדני יהוה ביום רדתו שאולה האבלתי כסתי עליו את תהום ואמנע נהרותיה ויכלאו מים רבים ואקדר עליו לבנון וכל עצי השדה עליו עלפהSelect Ezekiel 31:15

16מקול מפלתו הרעשתי גוים בהורדי אתו שאולה את יורדי בור וינחמו בארץ תחתית כל עצי עדן—מבחר וטוב לבנון כל שתי מיםSelect Ezekiel 31:16

17גם הם אתו ירדו שאולה—אל חללי חרב וזרעו ישבו בצלו בתוך גויםSelect Ezekiel 31:17

18אל מי דמית ככה בכבוד ובגדל בעצי עדן והורדת את עצי עדן אל ארץ תחתית בתוך ערלים תשכב את חללי חרב—הוא פרעה וכל המונה נאם אדני יהוהSelect Ezekiel 31:18