33Ezekiel 33

1ויהי דבר יהוה אלי לאמרSelect Ezekiel 33:1

2בן אדם דבר אל בני עמך ואמרת אליהם ארץ כי אביא עליה חרב ולקחו עם הארץ איש אחד מקציהם ונתנו אתו להם לצפהSelect Ezekiel 33:2

3וראה את החרב באה על הארץ ותקע בשופר והזהיר את העםSelect Ezekiel 33:3

4ושמע השמע את קול השופר ולא נזהר ותבוא חרב ותקחהו—דמו בראשו יהיהSelect Ezekiel 33:4

5את קול השופר שמע ולא נזהר דמו בו יהיה והוא נזהר נפשו מלטSelect Ezekiel 33:5

6והצפה כי יראה את החרב באה ולא תקע בשופר והעם לא נזהר ותבוא חרב ותקח מהם נפש—הוא בעונו נלקח ודמו מיד הצפה אדרשSelect Ezekiel 33:6

7ואתה בן אדם צפה נתתיך לבית ישראל ושמעת מפי דבר והזהרת אתם ממניSelect Ezekiel 33:7

8באמרי לרשע רשע מות תמות ולא דברת להזהיר רשע מדרכו—הוא רשע בעונו ימות ודמו מידך אבקשSelect Ezekiel 33:8

9ואתה כי הזהרת רשע מדרכו לשוב ממנה ולא שב מדרכו—הוא בעונו ימות ואתה נפשך הצלתSelect Ezekiel 33:9

10ואתה בן אדם אמר אל בית ישראל כן אמרתם לאמר כי פשעינו וחטאתינו עלינו ובם אנחנו נמקים ואיך נחיהSelect Ezekiel 33:10

11אמר אליהם חי אני נאם אדני יהוה אם אחפץ במות הרשע כי אם בשוב רשע מדרכו וחיה שובו שובו מדרכיכם הרעים ולמה תמותו—בית ישראלSelect Ezekiel 33:11

12ואתה בן אדם אמר אל בני עמך צדקת הצדיק לא תצילנו ביום פשעו ורשעת הרשע לא יכשל בה ביום שובו מרשעו וצדיק לא יוכל לחיות בה—ביום חטאתוSelect Ezekiel 33:12

13באמרי לצדיק חיה יחיה והוא בטח על צדקתו ועשה עול—כל צדקתו לא תזכרנה ובעולו אשר עשה בו ימותSelect Ezekiel 33:13

14ובאמרי לרשע מות תמות ושב מחטאתו ועשה משפט וצדקהSelect Ezekiel 33:14

15חבל ישיב רשע גזלה ישלם בחקות החיים הלך לבלתי עשות עול—חיו יחיה לא ימותSelect Ezekiel 33:15

16כל חטאתו אשר חטא לא תזכרנה לו משפט וצדקה עשה חיו יחיהSelect Ezekiel 33:16

17ואמרו בני עמך לא יתכן דרך אדני והמה דרכם לא יתכןSelect Ezekiel 33:17

18בשוב צדיק מצדקתו ועשה עול—ומת בהםSelect Ezekiel 33:18

19ובשוב רשע מרשעתו ועשה משפט וצדקה—עליהם הוא יחיהSelect Ezekiel 33:19

20ואמרתם לא יתכן דרך אדני איש כדרכיו אשפוט אתכם בית ישראלSelect Ezekiel 33:20

21ויהי בשתי עשרה שנה בעשרי בחמשה לחדש—לגלותנו בא אלי הפליט מירושלם לאמר הכתה העירSelect Ezekiel 33:21

22ויד יהוה היתה אלי בערב לפני בוא הפליט ויפתח את פי עד בוא אלי בבקר ויפתח פי ולא נאלמתי עודSelect Ezekiel 33:22

23ויהי דבר יהוה אלי לאמרSelect Ezekiel 33:23

24בן אדם ישבי החרבות האלה על אדמת ישראל אמרים לאמר אחד היה אברהם ויירש את הארץ ואנחנו רבים לנו נתנה הארץ למורשהSelect Ezekiel 33:24

25לכן אמר אלהם כה אמר אדני יהוה על הדם תאכלו ועינכם תשאו אל גלוליכם—ודם תשפכו והארץ תירשוSelect Ezekiel 33:25

26עמדתם על חרבכם עשיתן תועבה ואיש את אשת רעהו טמאתם והארץ תירשוSelect Ezekiel 33:26

27כה תאמר אלהם כה אמר אדני יהוה חי אני אם לא אשר בחרבות בחרב יפלו ואשר על פני השדה לחיה נתתיו לאכלו ואשר במצדות ובמערות בדבר ימותוSelect Ezekiel 33:27

28ונתתי את הארץ שממה ומשמה ונשבת גאון עזה ושממו הרי ישראל מאין עוברSelect Ezekiel 33:28

29וידעו כי אני יהוה בתתי את הארץ שממה ומשמה על כל תועבתם אשר עשוSelect Ezekiel 33:29

30ואתה בן אדם—בני עמך הנדברים בך אצל הקירות ובפתחי הבתים ודבר חד את אחד איש את אחיו לאמר באו נא ושמעו מה הדבר היוצא מאת יהוהSelect Ezekiel 33:30

31ויבואו אליך כמבוא עם וישבו לפניך עמי ושמעו את דבריך ואותם לא יעשו כי עגבים בפיהם המה עשים אחרי בצעם לבם הלךSelect Ezekiel 33:31

32והנך להם כשיר עגבים יפה קול ומטב נגן ושמעו את דבריך ועשים אינם אותםSelect Ezekiel 33:32

33ובבאה הנה באה—וידעו כי נביא היה בתוכםSelect Ezekiel 33:33