36Ezekiel 36

1ואתה בן אדם הנבא אל הרי ישראל ואמרת—הרי ישראל שמעו דבר יהוהSelect Ezekiel 36:1

2כה אמר אדני יהוה יען אמר האויב עליכם האח ובמות עולם למורשה היתה לנוSelect Ezekiel 36:2

3לכן הנבא ואמרת כה אמר אדני יהוה יען ביען שמות ושאף אתכם מסביב להיותכם מורשה לשארית הגוים ותעלו על שפת לשון ודבת עםSelect Ezekiel 36:3

4לכן הרי ישראל שמעו דבר אדני יהוה כה אמר אדני יהוה להרים ולגבעות לאפיקים ולגאיות ולחרבות השממות ולערים הנעזבות אשר היו לבז וללעג לשארית הגוים אשר מסביבSelect Ezekiel 36:4

5לכן כה אמר אדני יהוה אם לא באש קנאתי דברתי על שארית הגוים ועל אדום כלא אשר נתנו את ארצי להם למורשה בשמחת כל לבב בשאט נפש—למען מגרשה לבזSelect Ezekiel 36:5

6לכן הנבא על אדמת ישראל ואמרת להרים ולגבעות לאפיקים ולגאיות כה אמר אדני יהוה הנני בקנאתי ובחמתי דברתי יען כלמת גוים נשאתםSelect Ezekiel 36:6

7לכן כה אמר אדני יהוה אני נשאתי את ידי אם לא הגוים אשר לכם מסביב המה כלמתם ישאוSelect Ezekiel 36:7

8ואתם הרי ישראל ענפכם תתנו ופריכם תשאו לעמי ישראל כי קרבו לבואSelect Ezekiel 36:8

9כי הנני אליכם ופניתי אליכם ונעבדתם ונזרעתםSelect Ezekiel 36:9

10והרביתי עליכם אדם כל בית ישראל כלה ונשבו הערים והחרבות תבנינהSelect Ezekiel 36:10

11והרביתי עליכם אדם ובהמה ורבו ופרו והושבתי אתכם כקדמותיכם והיטבתי מראשתיכם וידעתם כי אני יהוהSelect Ezekiel 36:11

12והולכתי עליכם אדם את עמי ישראל וירשוך והיית להם לנחלה ולא תוסף עוד לשכלםSelect Ezekiel 36:12

13כה אמר אדני יהוה יען אמרים לכם אכלת אדם אתי (את) ומשכלת גויך (גוייך) הייתSelect Ezekiel 36:13

14לכן אדם לא תאכלי עוד וגויך (וגוייך) לא תכשלי (תשכלי) עוד—נאם אדני יהוהSelect Ezekiel 36:14

15ולא אשמיע אליך עוד כלמת הגוים וחרפת עמים לא תשאי עוד וגויך (וגוייך) לא תכשלי עוד נאם אדני יהוהSelect Ezekiel 36:15

16ויהי דבר יהוה אלי לאמרSelect Ezekiel 36:16

17בן אדם בית ישראל ישבים על אדמתם ויטמאו אותה בדרכם ובעלילותם כטמאת הנדה היתה דרכם לפניSelect Ezekiel 36:17

18ואשפך חמתי עליהם על הדם אשר שפכו על הארץ ובגלוליהם טמאוהSelect Ezekiel 36:18

19ואפיץ אתם בגוים ויזרו בארצות כדרכם וכעלילותם שפטתיםSelect Ezekiel 36:19

20ויבוא אל הגוים אשר באו שם ויחללו את שם קדשי—באמר להם עם יהוה אלה ומארצו יצאוSelect Ezekiel 36:20

21ואחמל על שם קדשי אשר חללהו בית ישראל בגוים אשר באו שמהSelect Ezekiel 36:21

22לכן אמר לבית ישראל כה אמר אדני יהוה לא למענכם אני עשה בית ישראל כי אם לשם קדשי אשר חללתם בגוים אשר באתם שםSelect Ezekiel 36:22

23וקדשתי את שמי הגדול המחלל בגוים אשר חללתם בתוכם וידעו הגוים כי אני יהוה נאם אדני יהוה בהקדשי בכם לעיניהםSelect Ezekiel 36:23

24ולקחתי אתכם מן הגוים וקבצתי אתכם מכל הארצות והבאתי אתכם אל אדמתכםSelect Ezekiel 36:24

25וזרקתי עליכם מים טהורים וטהרתם מכל טמאותיכם ומכל גלוליכם אטהר אתכםSelect Ezekiel 36:25

26ונתתי לכם לב חדש ורוח חדשה אתן בקרבכם והסרתי את לב האבן מבשרכם ונתתי לכם לב בשרSelect Ezekiel 36:26

27ואת רוחי אתן בקרבכם ועשיתי את אשר בחקי תלכו ומשפטי תשמרו ועשיתםSelect Ezekiel 36:27

28וישבתם בארץ אשר נתתי לאבתיכם והייתם לי לעם ואנכי אהיה לכם לאלהיםSelect Ezekiel 36:28

29והושעתי אתכם מכל טמאותיכם וקראתי אל הדגן והרביתי אתו ולא אתן עליכם רעבSelect Ezekiel 36:29

30והרביתי את פרי העץ ותנובת השדה למען אשר לא תקחו עוד חרפת רעב—בגויםSelect Ezekiel 36:30

31וזכרתם את דרכיכם הרעים ומעלליכם אשר לא טובים ונקטתם בפניכם על עונתיכם ועל תועבותיכםSelect Ezekiel 36:31

32לא למענכם אני עשה נאם אדני יהוה—יודע לכם בושו והכלמו מדרכיכם בית ישראלSelect Ezekiel 36:32

33כה אמר אדני יהוה ביום טהרי אתכם מכל עונותיכם—והושבתי את הערים ונבנו החרבותSelect Ezekiel 36:33

34והארץ הנשמה תעבד תחת אשר היתה שממה לעיני כל עוברSelect Ezekiel 36:34

35ואמרו הארץ הלזו הנשמה היתה כגן עדן והערים החרבות והנשמות והנהרסות בצורות ישבוSelect Ezekiel 36:35

36וידעו הגוים אשר ישארו סביבותיכם כי אני יהוה בניתי הנהרסות נטעתי הנשמה אני יהוה דברתי ועשיתיSelect Ezekiel 36:36

37כה אמר אדני יהוה עוד זאת אדרש לבית ישראל לעשות להם ארבה אתם כצאן אדםSelect Ezekiel 36:37

38כצאן קדשים כצאן ירושלם במועדיה—כן תהיינה הערים החרבות מלאות צאן אדם וידעו כי אני יהוהSelect Ezekiel 36:38