38Ezekiel 38

1ויהי דבר יהוה אלי לאמרSelect Ezekiel 38:1

2בן אדם שים פניך אל גוג ארץ המגוג—נשיא ראש משך ותבל והנבא עליוSelect Ezekiel 38:2

3ואמרת כה אמר אדני יהוה הנני אליך גוג—נשיא ראש משך ותבלSelect Ezekiel 38:3

4ושובבתיך ונתתי חחים בלחייך והוצאתי אותך ואת כל חילך סוסים ופרשים לבשי מכלול כלם—קהל רב צנה ומגן תפשי חרבות כלםSelect Ezekiel 38:4

5פרס כוש ופוט אתם כלם מגן וכובעSelect Ezekiel 38:5

6גמר וכל אגפיה—בית תוגרמה ירכתי צפון ואת כל אגפיו עמים רבים אתךSelect Ezekiel 38:6

7הכן והכן לך—אתה וכל קהלך הנקהלים עליך והיית להם למשמרSelect Ezekiel 38:7

8מימים רבים תפקד—באחרית השנים תבוא אל ארץ משובבת מחרב מקבצת מעמים רבים על הרי ישראל אשר היו לחרבה תמיד והיא מעמים הוצאה וישבו לבטח כלםSelect Ezekiel 38:8

9ועלית כשאה תבוא כענן לכסות הארץ תהיה—אתה וכל אגפיך ועמים רבים אותךSelect Ezekiel 38:9

10כה אמר אדני יהוה והיה ביום ההוא יעלו דברים על לבבך וחשבת מחשבת רעהSelect Ezekiel 38:10

11ואמרת אעלה על ארץ פרזות—אבוא השקטים ישבי לבטח כלם ישבים באין חומה ובריח ודלתים אין להםSelect Ezekiel 38:11

12לשלל שלל ולבז בז—להשיב ידך על חרבות נושבות ואל עם מאסף מגוים עשה מקנה וקנין ישבי על טבור הארץSelect Ezekiel 38:12

13שבא ודדן וסחרי תרשיש וכל כפיריה יאמרו לך הלשלל שלל אתה בא הלבז בז הקהלת קהלך—לשאת כסף וזהב לקחת מקנה וקנין לשלל שלל גדולSelect Ezekiel 38:13

14לכן הנבא בן אדם ואמרת לגוג כה אמר אדני יהוה הלוא ביום ההוא בשבת עמי ישראל לבטח—תדעSelect Ezekiel 38:14

15ובאת ממקומך מירכתי צפון—אתה ועמים רבים אתך רכבי סוסים כלם קהל גדול וחיל רבSelect Ezekiel 38:15

16ועלית על עמי ישראל כענן לכסות הארץ באחרית הימים תהיה והבאותיך על ארצי למען דעת הגוים אתי בהקדשי בך לעיניהם גוגSelect Ezekiel 38:16

17כה אמר אדני יהוה האתה הוא אשר דברתי בימים קדמונים ביד עבדי נביאי ישראל הנבאים בימים ההם שנים—להביא אתך עליהםSelect Ezekiel 38:17

18והיה ביום ההוא ביום בוא גוג על אדמת ישראל—נאם אדני יהוה תעלה חמתי באפיSelect Ezekiel 38:18

19ובקנאתי באש עברתי דברתי אם לא ביום ההוא יהיה רעש גדול על אדמת ישראלSelect Ezekiel 38:19

20ורעשו מפני דגי הים ועוף השמים וחית השדה וכל הרמש הרמש על האדמה וכל האדם אשר על פני האדמה ונהרסו ההרים ונפלו המדרגות וכל חומה לארץ תפולSelect Ezekiel 38:20

21וקראתי עליו לכל הרי חרב נאם אדני יהוה חרב איש באחיו תהיהSelect Ezekiel 38:21

22ונשפטתי אתו בדבר ובדם וגשם שוטף ואבני אלגביש אש וגפרית אמטיר עליו ועל אגפיו ועל עמים רבים אשר אתוSelect Ezekiel 38:22

23והתגדלתי והתקדשתי ונודעתי לעיני גוים רבים וידעו כי אני יהוהSelect Ezekiel 38:23