46Ezekiel 46

1כה אמר אדני יהוה שער החצר הפנימית הפנה קדים יהיה סגור ששת ימי המעשה וביום השבת יפתח וביום החדש יפתחSelect Ezekiel 46:1

2ובא הנשיא דרך אולם השער מחוץ ועמד על מזוזת השער ועשו הכהנים את עולתו ואת שלמיו והשתחוה על מפתן השער ויצא והשער לא יסגר עד הערבSelect Ezekiel 46:2

3והשתחוו עם הארץ פתח השער ההוא בשבתות ובחדשים—לפני יהוהSelect Ezekiel 46:3

4והעלה אשר יקרב הנשיא ליהוה ביום השבת ששה כבשים תמימם—ואיל תמיםSelect Ezekiel 46:4

5ומנחה איפה לאיל ולכבשים מנחה מתת ידו ושמן הין לאיפהSelect Ezekiel 46:5

6וביום החדש פר בן בקר תמימם וששת כבשים ואיל תמימם יהיוSelect Ezekiel 46:6

7ואיפה לפר ואיפה לאיל יעשה מנחה ולכבשים כאשר תשיג ידו ושמן הין לאיפהSelect Ezekiel 46:7

8ובבוא הנשיא—דרך אולם השער יבוא ובדרכו יצאSelect Ezekiel 46:8

9ובבוא עם הארץ לפני יהוה במועדים הבא דרך שער צפון להשתחות יצא דרך שער נגב והבא דרך שער נגב יצא דרך שער צפונה לא ישוב דרך השער אשר בא בו—כי נכחו יצאו (יצא)Select Ezekiel 46:9

10והנשיא—בתוכם בבואם יבוא ובצאתם יצאוSelect Ezekiel 46:10

11ובחגים ובמועדים תהיה המנחה איפה לפר ואיפה לאיל ולכבשים מתת ידו ושמן הין לאיפהSelect Ezekiel 46:11

12וכי יעשה הנשיא נדבה עולה או שלמים נדבה ליהוה ופתח לו את השער הפנה קדים ועשה את עלתו ואת שלמיו כאשר יעשה ביום השבת ויצא וסגר את השער אחרי צאתוSelect Ezekiel 46:12

13וכבש בן שנתו תמים תעשה עולה ליום—ליהוה בבקר בבקר תעשה אתוSelect Ezekiel 46:13

14ומנחה תעשה עליו בבקר בבקר ששית האיפה ושמן שלישית ההין לרס את הסלת מנחה ליהוה—חקות עולם תמידSelect Ezekiel 46:14

15ועשו (יעשו) את הכבש ואת המנחה ואת השמן בבקר בבקר עולת תמידSelect Ezekiel 46:15

16כה אמר אדני יהוה כי יתן הנשיא מתנה לאיש מבניו—נחלתו היא לבניו תהיה אחזתם היא בנחלהSelect Ezekiel 46:16

17וכי יתן מתנה מנחלתו לאחד מעבדיו—והיתה לו עד שנת הדרור ושבת לנשיא אך נחלתו—בניו להם תהיהSelect Ezekiel 46:17

18ולא יקח הנשיא מנחלת העם להונתם מאחזתם—מאחזתו ינחל את בניו למען אשר לא יפצו עמי איש מאחזתוSelect Ezekiel 46:18

19ויביאני במבוא אשר על כתף השער אל הלשכות הקדש אל הכהנים הפנות צפונה והנה שם מקום בירכתם (בירכתים) ימהSelect Ezekiel 46:19

20ויאמר אלי—זה המקום אשר יבשלו שם הכהנים את האשם ואת החטאת אשר יאפו את המנחה לבלתי הוציא אל החצר החיצונה לקדש את העםSelect Ezekiel 46:20

21ויוציאני אל החצר החיצונה ויעברני אל ארבעת מקצועי החצר והנה חצר במקצע החצר חצר במקצע החצרSelect Ezekiel 46:21

22בארבעת מקצעות החצר חצרות קטרות—ארבעים ארך ושלשים רחב מדה אחת לארבעתם מהקצעותSelect Ezekiel 46:22

23וטור סביב בהם סביב לארבעתם ומבשלות עשוי מתחת הטירות סביבSelect Ezekiel 46:23

24ויאמר אלי אלה בית המבשלים אשר יבשלו שם משרתי הבית את זבח העםSelect Ezekiel 46:24