5Ezekiel 5

1ואתה בן אדם קח לך חרב חדה תער הגלבים תקחנה לך והעברת על ראשך ועל זקנך ולקחת לך מאזני משקל וחלקתםSelect Ezekiel 5:1

2שלשית באור תבעיר בתוך העיר כמלאת ימי המצור ולקחת את השלשית תכה בחרב סביבותיה והשלשית תזרה לרוח וחרב אריק אחריהםSelect Ezekiel 5:2

3ולקחת משם מעט במספר וצרת אותם בכנפיךSelect Ezekiel 5:3

4ומהם עוד תקח והשלכת אותם אל תוך האש ושרפת אתם באש ממנו תצא אש אל כל בית ישראלSelect Ezekiel 5:4

5כה אמר אדני יהוה זאת ירושלם בתוך הגוים שמתיה וסביבותיה ארצותSelect Ezekiel 5:5

6ותמר את משפטי לרשעה מן הגוים ואת חקותי מן הארצות אשר סביבותיה כי במשפטי מאסו וחקותי לא הלכו בהםSelect Ezekiel 5:6

7לכן כה אמר אדני יהוה יען המנכם מן הגוים אשר סביבותיכם בחקותי לא הלכתם ואת משפטי לא עשיתם וכמשפטי הגוים אשר סביבותיכם לא עשיתםSelect Ezekiel 5:7

8לכן כה אמר אדני יהוה הנני עליך גם אני ועשיתי בתוכך משפטים לעיני הגויםSelect Ezekiel 5:8

9ועשיתי בך את אשר לא עשיתי ואת אשר לא אעשה כמהו עוד—יען כל תועבתיךSelect Ezekiel 5:9

10לכן אבות יאכלו בנים בתוכך ובנים יאכלו אבותם ועשיתי בך שפטים וזריתי את כל שאריתך לכל רוחSelect Ezekiel 5:10

11לכן חי אני נאם אדני יהוה אם לא יען את מקדשי טמאת בכל שקוציך ובכל תועבתיך וגם אני אגרע ולא תחוס עיני וגם אני לא אחמולSelect Ezekiel 5:11

12שלשתיך בדבר ימותו וברעב יכלו בתוכך והשלשית בחרב יפלו סביבותיך והשלישית לכל רוח אזרה וחרב אריק אחריהםSelect Ezekiel 5:12

13וכלה אפי והנחותי חמתי בם—והנחמתי וידעו כי אני יהוה דברתי בקנאתי בכלותי חמתי בםSelect Ezekiel 5:13

14ואתנך לחרבה ולחרפה בגוים אשר סביבותיך לעיני כל עוברSelect Ezekiel 5:14

15והיתה חרפה וגדופה מוסר ומשמה לגוים אשר סביבותיך בעשותי בך שפטים באף ובחמה ובתכחות חמה—אני יהוה דברתיSelect Ezekiel 5:15

16בשלחי את חצי הרעב הרעים בהם אשר היו למשחית אשר אשלח אותם לשחתכם—ורעב אסף עליכם ושברתי לכם מטה לחםSelect Ezekiel 5:16

17ושלחתי עליכם רעב וחיה רעה ושכלך ודבר ודם יעבר בך וחרב אביא עליך אני יהוה דברתיSelect Ezekiel 5:17