6Ezekiel 6

1ויהי דבר יהוה אלי לאמרSelect Ezekiel 6:1

2בן אדם שים פניך אל הרי ישראל והנבא אליהםSelect Ezekiel 6:2

3ואמרת—הרי ישראל שמעו דבר אדני יהוה כה אמר אדני יהוה להרים ולגבעות לאפיקים ולגיאות (ולגיאיות) הנני אני מביא עליכם חרב ואבדתי במותיכםSelect Ezekiel 6:3

4ונשמו מזבחותיכם ונשברו חמניכם והפלתי חלליכם לפני גלוליכםSelect Ezekiel 6:4

5ונתתי את פגרי בני ישראל לפני גלוליהם וזריתי את עצמותיכם סביבות מזבחותיכםSelect Ezekiel 6:5

6בכל מושבותיכם הערים תחרבנה והבמות תישמנה—למען יחרבו ויאשמו מזבחותיכם ונשברו ונשבתו גלוליכם ונגדעו חמניכם ונמחו מעשיכםSelect Ezekiel 6:6

7ונפל חלל בתוככם וידעתם כי אני יהוהSelect Ezekiel 6:7

8והותרתי בהיות לכם פליטי חרב—בגוים בהזרותיכם בארצותSelect Ezekiel 6:8

9וזכרו פליטיכם אותי בגוים אשר נשבו שם אשר נשברתי את לבם הזונה אשר סר מעלי ואת עיניהם הזנות אחרי גלוליהם ונקטו בפניהם אל הרעות אשר עשו לכל תועבתיהםSelect Ezekiel 6:9

10וידעו כי אני יהוה לא אל חנם דברתי לעשות להם הרעה הזאתSelect Ezekiel 6:10

11כה אמר אדני יהוה הכה בכפך ורקע ברגלך ואמר אח אל כל תועבות רעות בית ישראל אשר בחרב ברעב ובדבר—יפלוSelect Ezekiel 6:11

12הרחוק בדבר ימות והקרוב בחרב יפול והנשאר והנצור ברעב ימות וכליתי חמתי בםSelect Ezekiel 6:12

13וידעתם כי אני יהוה בהיות חלליהם בתוך גלוליהם סביבות מזבחותיהם אל כל גבעה רמה בכל ראשי ההרים ותחת כל עץ רענן ותחת כל אלה עבתה מקום אשר נתנו שם ריח ניחח לכל גלוליהםSelect Ezekiel 6:13

14ונטיתי את ידי עליהם ונתתי את הארץ שממה ומשמה ממדבר דבלתה בכל מושבותיהם וידעו כי אני יהוהSelect Ezekiel 6:14