9Ezekiel 9

1ויקרא באזני קול גדול לאמר קרבו פקדות העיר ואיש כלי משחתו בידוSelect Ezekiel 9:1

2והנה ששה אנשים באים מדרך שער העליון אשר מפנה צפונה ואיש כלי מפצו בידו ואיש אחד בתוכם לבש בדים וקסת הספר במתניו ויבאו ויעמדו אצל מזבח הנחשתSelect Ezekiel 9:2

3וכבוד אלהי ישראל נעלה מעל הכרוב אשר היה עליו אל מפתן הבית ויקרא אל האיש הלבש הבדים אשר קסת הספר במתניוSelect Ezekiel 9:3

4ויאמר יהוה אלו עבר בתוך העיר בתוך ירושלם והתוית תו על מצחות האנשים הנאנחים והנאנקים על כל התועבות הנעשות בתוכהSelect Ezekiel 9:4

5ולאלה אמר באזני עברו בעיר אחריו והכו על (אל) תחס עיניכם (עינכם) ואל תחמלוSelect Ezekiel 9:5

6זקן בחור ובתולה וטף ונשים תהרגו למשחית ועל כל איש אשר עליו התו אל תגשו וממקדשי תחלו ויחלו באנשים הזקנים אשר לפני הביתSelect Ezekiel 9:6

7ויאמר אליהם טמאו את הבית ומלאו את החצרות חללים—צאו ויצאו והכו בעירSelect Ezekiel 9:7

8ויהי כהכותם ונאשאר אני ואפלה על פני ואזעק ואמר אהה אדני יהוה המשחית אתה את כל שארית ישראל בשפכך את חמתך על ירושלםSelect Ezekiel 9:8

9ויאמר אלי עון בית ישראל ויהודה גדול במאד מאד ותמלא הארץ דמים והעיר מלאה מטה כי אמרו עזב יהוה את הארץ ואין יהוה ראהSelect Ezekiel 9:9

10וגם אני—לא תחוס עיני ולא אחמל דרכם בראשם נתתיSelect Ezekiel 9:10

11והנה האיש לבש הבדים אשר הקסת במתניו משיב דבר לאמר עשיתי כאשר (ככל אשר) צויתניSelect Ezekiel 9:11