1Genesis 1

1בראשית ברא אלהים את השמים ואת הארץSelect Genesis 1:1

2והארץ היתה תהו ובהו וחשך על פני תהום ורוח אלהים מרחפת על פני המיםSelect Genesis 1:2

3ויאמר אלהים יהי אור ויהי אורSelect Genesis 1:3

4וירא אלהים את האור כי טוב ויבדל אלהים בין האור ובין החשךSelect Genesis 1:4

5ויקרא אלהים לאור יום ולחשך קרא לילה ויהי ערב ויהי בקר יום אחדSelect Genesis 1:5

6ויאמר אלהים יהי רקיע בתוך המים ויהי מבדיל בין מים למיםSelect Genesis 1:6

7ויעש אלהים את הרקיע ויבדל בין המים אשר מתחת לרקיע ובין המים אשר מעל לרקיע ויהי כןSelect Genesis 1:7

8ויקרא אלהים לרקיע שמים ויהי ערב ויהי בקר יום שניSelect Genesis 1:8

9ויאמר אלהים יקוו המים מתחת השמים אל מקום אחד ותראה היבשה ויהי כןSelect Genesis 1:9

10ויקרא אלהים ליבשה ארץ ולמקוה המים קרא ימים וירא אלהים כי טובSelect Genesis 1:10

11ויאמר אלהים תדשא הארץ דשא עשב מזריע זרע עץ פרי עשה פרי למינו אשר זרעו בו על הארץ ויהי כןSelect Genesis 1:11

12ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טובSelect Genesis 1:12

13ויהי ערב ויהי בקר יום שלישיSelect Genesis 1:13

14ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושניםSelect Genesis 1:14

15והיו למאורת ברקיע השמים להאיר על הארץ ויהי כןSelect Genesis 1:15

16ויעש אלהים את שני המארת הגדלים את המאור הגדל לממשלת היום ואת המאור הקטן לממשלת הלילה ואת הכוכביםSelect Genesis 1:16

17ויתן אתם אלהים ברקיע השמים להאיר על הארץSelect Genesis 1:17

18ולמשל ביום ובלילה ולהבדיל בין האור ובין החשך וירא אלהים כי טובSelect Genesis 1:18

19ויהי ערב ויהי בקר יום רביעיSelect Genesis 1:19

20ויאמר אלהים—ישרצו המים שרץ נפש חיה ועוף יעופף על הארץ על פני רקיע השמיםSelect Genesis 1:20

21ויברא אלהים את התנינם הגדלים ואת כל נפש החיה הרמשת אשר שרצו המים למינהם ואת כל עוף כנף למינהו וירא אלהים כי טובSelect Genesis 1:21

22ויברך אתם אלהים לאמר פרו ורבו ומלאו את המים בימים והעוף ירב בארץSelect Genesis 1:22

23ויהי ערב ויהי בקר יום חמישיSelect Genesis 1:23

24ויאמר אלהים תוצא הארץ נפש חיה למינה בהמה ורמש וחיתו ארץ למינה ויהי כןSelect Genesis 1:24

25ויעש אלהים את חית הארץ למינה ואת הבהמה למינה ואת כל רמש האדמה למינהו וירא אלהים כי טובSelect Genesis 1:25

26ויאמר אלהים נעשה אדם בצלמנו כדמותנו וירדו בדגת הים ובעוף השמים ובבהמה ובכל הארץ ובכל הרמש הרמש על הארץSelect Genesis 1:26

27ויברא אלהים את האדם בצלמו בצלם אלהים ברא אתו זכר ונקבה ברא אתםSelect Genesis 1:27

28ויברך אתם אלהים ויאמר להם אלהים פרו ורבו ומלאו את הארץ וכבשה ורדו בדגת הים ובעוף השמים ובכל חיה הרמשת על הארץSelect Genesis 1:28

29ויאמר אלהים הנה נתתי לכם את כל עשב זרע זרע אשר על פני כל הארץ ואת כל העץ אשר בו פרי עץ זרע זרע לכם יהיה לאכלהSelect Genesis 1:29

30ולכל חית הארץ ולכל עוף השמים ולכל רומש על הארץ אשר בו נפש חיה את כל ירק עשב לאכלה ויהי כןSelect Genesis 1:30

31וירא אלהים את כל אשר עשה והנה טוב מאד ויהי ערב ויהי בקר יום הששיSelect Genesis 1:31