14Genesis 14

1ויהי בימי אמרפל מלך שנער אריוך מלך אלסר כדרלעמר מלך עילם ותדעל מלך גויםSelect Genesis 14:1

2עשו מלחמה את ברע מלך סדם ואת ברשע מלך עמרה שנאב מלך אדמה ושמאבר מלך צביים ומלך בלע היא צערSelect Genesis 14:2

3כל אלה חברו אל עמק השדים הוא ים המלחSelect Genesis 14:3

4שתים עשרה שנה עבדו את כדרלעמר ושלש עשרה שנה מרדוSelect Genesis 14:4

5ובארבע עשרה שנה בא כדרלעמר והמלכים אשר אתו ויכו את רפאים בעשתרת קרנים ואת הזוזים בהם ואת האימים בשוה קריתיםSelect Genesis 14:5

6ואת החרי בהררם שעיר עד איל פארן אשר על המדברSelect Genesis 14:6

7וישבו ויבאו אל עין משפט הוא קדש ויכו את כל שדה העמלקי—וגם את האמרי הישב בחצצן תמרSelect Genesis 14:7

8ויצא מלך סדם ומלך עמרה ומלך אדמה ומלך צביים ומלך בלע הוא צער ויערכו אתם מלחמה בעמק השדיםSelect Genesis 14:8

9את כדרלעמר מלך עילם ותדעל מלך גוים ואמרפל מלך שנער ואריוך מלך אלסר—ארבעה מלכים את החמשהSelect Genesis 14:9

10ועמק השדים בארת בארת חמר וינסו מלך סדם ועמרה ויפלו שמה והנשארים הרה נסוSelect Genesis 14:10

11ויקחו את כל רכש סדם ועמרה ואת כל אכלם—וילכוSelect Genesis 14:11

12ויקחו את לוט ואת רכשו בן אחי אברם וילכו והוא ישב בסדםSelect Genesis 14:12

13ויבא הפליט ויגד לאברם העברי והוא שכן באלני ממרא האמרי אחי אשכל ואחי ענר והם בעלי ברית אברםSelect Genesis 14:13

14וישמע אברם כי נשבה אחיו וירק את חניכיו ילידי ביתו שמנה עשר ושלש מאות וירדף עד דןSelect Genesis 14:14

15ויחלק עליהם לילה הוא ועבדיו ויכם וירדפם עד חובה אשר משמאל לדמשקSelect Genesis 14:15

16וישב את כל הרכש וגם את לוט אחיו ורכשו השיב וגם את הנשים ואת העםSelect Genesis 14:16

17ויצא מלך סדם לקראתו אחרי שובו מהכות את כדרלעמר ואת המלכים אשר אתו—אל עמק שוה הוא עמק המלךSelect Genesis 14:17

18ומלכי צדק מלך שלם הוציא לחם ויין והוא כהן לאל עליוןSelect Genesis 14:18

19ויברכהו ויאמר ברוך אברם לאל עליון קנה שמים וארץSelect Genesis 14:19

20וברוך אל עליון אשר מגן צריך בידך ויתן לו מעשר מכלSelect Genesis 14:20

21ויאמר מלך סדם אל אברם תן לי הנפש והרכש קח לךSelect Genesis 14:21

22ויאמר אברם אל מלך סדם הרמתי ידי אל יהוה אל עליון קנה שמים וארץSelect Genesis 14:22

23אם מחוט ועד שרוך נעל ואם אקח מכל אשר לך ולא תאמר אני העשרתי את אברםSelect Genesis 14:23

24בלעדי רק אשר אכלו הנערים וחלק האנשים אשר הלכו אתי ענר אשכל וממרא הם יקחו חלקםSelect Genesis 14:24