21Genesis 21

1ויהוה פקד את שרה כאשר אמר ויעש יהוה לשרה כאשר דברSelect Genesis 21:1

2ותהר ותלד שרה לאברהם בן לזקניו למועד אשר דבר אתו אלהיםSelect Genesis 21:2

3ויקרא אברהם את שם בנו הנולד לו אשר ילדה לו שרה—יצחקSelect Genesis 21:3

4וימל אברהם את יצחק בנו בן שמנת ימים כאשר צוה אתו אלהיםSelect Genesis 21:4

5ואברהם בן מאת שנה בהולד לו את יצחק בנוSelect Genesis 21:5

6ותאמר שרה—צחק עשה לי אלהים כל השמע יצחק ליSelect Genesis 21:6

7ותאמר מי מלל לאברהם היניקה בנים שרה כי ילדתי בן לזקניוSelect Genesis 21:7

8ויגדל הילד ויגמל ויעש אברהם משתה גדול ביום הגמל את יצחקSelect Genesis 21:8

9ותרא שרה את בן הגר המצרית אשר ילדה לאברהם—מצחקSelect Genesis 21:9

10ותאמר לאברהם גרש האמה הזאת ואת בנה כי לא יירש בן האמה הזאת עם בני עם יצחקSelect Genesis 21:10

11וירע הדבר מאד בעיני אברהם על אודת בנוSelect Genesis 21:11

12ויאמר אלהים אל אברהם אל ירע בעיניך על הנער ועל אמתך—כל אשר תאמר אליך שרה שמע בקלה כי ביצחק יקרא לך זרעSelect Genesis 21:12

13וגם את בן האמה לגוי אשימנו כי זרעך הואSelect Genesis 21:13

14וישכם אברהם בבקר ויקח לחם וחמת מים ויתן אל הגר שם על שכמה ואת הילד—וישלחה ותלך ותתע במדבר באר שבעSelect Genesis 21:14

15ויכלו המים מן החמת ותשלך את הילד תחת אחד השיחםSelect Genesis 21:15

16ותלך ותשב לה מנגד הרחק כמטחוי קשת כי אמרה אל אראה במות הילד ותשב מנגד ותשא את קלה ותבךSelect Genesis 21:16

17וישמע אלהים את קול הנער ויקרא מלאך אלהים אל הגר מן השמים ויאמר לה מה לך הגר אל תיראי כי שמע אלהים אל קול הנער באשר הוא שםSelect Genesis 21:17

18קומי שאי את הנער והחזיקי את ידך בו כי לגוי גדול אשימנוSelect Genesis 21:18

19ויפקח אלהים את עיניה ותרא באר מים ותלך ותמלא את החמת מים ותשק את הנערSelect Genesis 21:19

20ויהי אלהים את הנער ויגדל וישב במדבר ויהי רבה קשתSelect Genesis 21:20

21וישב במדבר פארן ותקח לו אמו אשה מארץ מצריםSelect Genesis 21:21

22ויהי בעת ההוא ויאמר אבימלך ופיכל שר צבאו אל אברהם לאמר אלהים עמך בכל אשר אתה עשהSelect Genesis 21:22

23ועתה השבעה לי באלהים הנה אם תשקר לי ולניני ולנכדי כחסד אשר עשיתי עמך תעשה עמדי ועם הארץ אשר גרתה בהSelect Genesis 21:23

24ויאמר אברהם אנכי אשבעSelect Genesis 21:24

25והוכח אברהם את אבימלך על אדות באר המים אשר גזלו עבדי אבימלךSelect Genesis 21:25

26ויאמר אבימלך—לא ידעתי מי עשה את הדבר הזה וגם אתה לא הגדת לי וגם אנכי לא שמעתי—בלתי היוםSelect Genesis 21:26

27ויקח אברהם צאן ובקר ויתן לאבימלך ויכרתו שניהם בריתSelect Genesis 21:27

28ויצב אברהם את שבע כבשת הצאן—לבדהןSelect Genesis 21:28

29ויאמר אבימלך אל אברהם מה הנה שבע כבשת האלה אשר הצבת לבדנהSelect Genesis 21:29

30ויאמר—כי את שבע כבשת תקח מידי בעבור תהיה לי לעדה כי חפרתי את הבאר הזאתSelect Genesis 21:30

31על כן קרא למקום ההוא—באר שבע כי שם נשבעו שניהםSelect Genesis 21:31

32ויכרתו ברית בבאר שבע ויקם אבימלך ופיכל שר צבאו וישבו אל ארץ פלשתיםSelect Genesis 21:32

33ויטע אשל בבאר שבע ויקרא שם—בשם יהוה אל עולםSelect Genesis 21:33

34ויגר אברהם בארץ פלשתים ימים רביםSelect Genesis 21:34