22Genesis 22

1ויהי אחר הדברים האלה והאלהים נסה את אברהם ויאמר אליו אברהם ויאמר הנניSelect Genesis 22:1

2ויאמר קח נא את בנך את יחידך אשר אהבת את יצחק ולך לך אל ארץ המריה והעלהו שם לעלה על אחד ההרים אשר אמר אליךSelect Genesis 22:2

3וישכם אברהם בבקר ויחבש את חמרו ויקח את שני נעריו אתו ואת יצחק בנו ויבקע עצי עלה ויקם וילך אל המקום אשר אמר לו האלהיםSelect Genesis 22:3

4ביום השלישי וישא אברהם את עיניו וירא את המקום—מרחקSelect Genesis 22:4

5ויאמר אברהם אל נעריו שבו לכם פה עם החמור ואני והנער נלכה עד כה ונשתחוה ונשובה אליכםSelect Genesis 22:5

6ויקח אברהם את עצי העלה וישם על יצחק בנו ויקח בידו את האש ואת המאכלת וילכו שניהם יחדוSelect Genesis 22:6

7ויאמר יצחק אל אברהם אביו ויאמר אבי ויאמר הנני בני ויאמר הנה האש והעצים ואיה השה לעלהSelect Genesis 22:7

8ויאמר אברהם אלהים יראה לו השה לעלה בני וילכו שניהם יחדוSelect Genesis 22:8

9ויבאו אל המקום אשר אמר לו האלהים ויבן שם אברהם את המזבח ויערך את העצים ויעקד את יצחק בנו וישם אתו על המזבח ממעל לעציםSelect Genesis 22:9

10וישלח אברהם את ידו ויקח את המאכלת לשחט את בנוSelect Genesis 22:10

11ויקרא אליו מלאך יהוה מן השמים ויאמר אברהם אברהם ויאמר הנניSelect Genesis 22:11

12ויאמר אל תשלח ידך אל הנער ואל תעש לו מאומה כי עתה ידעתי כי ירא אלהים אתה ולא חשכת את בנך את יחידך ממניSelect Genesis 22:12

13וישא אברהם את עיניו וירא והנה איל אחר נאחז בסבך בקרניו וילך אברהם ויקח את האיל ויעלהו לעלה תחת בנוSelect Genesis 22:13

14ויקרא אברהם שם המקום ההוא יהוה יראה אשר יאמר היום בהר יהוה יראהSelect Genesis 22:14

15ויקרא מלאך יהוה אל אברהם שנית מן השמיםSelect Genesis 22:15

16ויאמר בי נשבעתי נאם יהוה כי יען אשר עשית את הדבר הזה ולא חשכת את בנך את יחידךSelect Genesis 22:16

17כי ברך אברכך והרבה ארבה את זרעך ככוכבי השמים וכחול אשר על שפת הים וירש זרעך את שער איביוSelect Genesis 22:17

18והתברכו בזרעך כל גויי הארץ עקב אשר שמעת בקליSelect Genesis 22:18

19וישב אברהם אל נעריו ויקמו וילכו יחדו אל באר שבע וישב אברהם בבאר שבעSelect Genesis 22:19

20ויהי אחרי הדברים האלה ויגד לאברהם לאמר הנה ילדה מלכה גם הוא בנים—לנחור אחיךSelect Genesis 22:20

21את עוץ בכרו ואת בוז אחיו ואת קמואל אבי ארםSelect Genesis 22:21

22ואת כשד ואת חזו ואת פלדש ואת ידלף ואת בתואלSelect Genesis 22:22

23ובתואל ילד את רבקה שמנה אלה ילדה מלכה לנחור אחי אברהםSelect Genesis 22:23

24ופילגשו ושמה ראומה ותלד גם הוא את טבח ואת גחם ואת תחש ואת מעכהSelect Genesis 22:24