24Genesis 24

1ואברהם זקן בא בימים ויהוה ברך את אברהם בכלSelect Genesis 24:1

2ויאמר אברהם אל עבדו זקן ביתו המשל בכל אשר לו שים נא ידך תחת ירכיSelect Genesis 24:2

3ואשביעך—ביהוה אלהי השמים ואלהי הארץ אשר לא תקח אשה לבני מבנות הכנעני אשר אנכי יושב בקרבוSelect Genesis 24:3

4כי אל ארצי ואל מולדתי תלך ולקחת אשה לבני ליצחקSelect Genesis 24:4

5ויאמר אליו העבד אולי לא תאבה האשה ללכת אחרי אל הארץ הזאת ההשב אשיב את בנך אל הארץ אשר יצאת משםSelect Genesis 24:5

6ויאמר אליו אברהם השמר לך פן תשיב את בני שמהSelect Genesis 24:6

7יהוה אלהי השמים אשר לקחני מבית אבי ומארץ מולדתי ואשר דבר לי ואשר נשבע לי לאמר לזרעך אתן את הארץ הזאת—הוא ישלח מלאכו לפניך ולקחת אשה לבני משםSelect Genesis 24:7

8ואם לא תאבה האשה ללכת אחריך—ונקית משבעתי זאת רק את בני לא תשב שמהSelect Genesis 24:8

9וישם העבד את ידו תחת ירך אברהם אדניו וישבע לו על הדבר הזהSelect Genesis 24:9

10ויקח העבד עשרה גמלים מגמלי אדניו וילך וכל טוב אדניו בידו ויקם וילך אל ארם נהרים—אל עיר נחורSelect Genesis 24:10

11ויברך הגמלים מחוץ לעיר אל באר המים לעת ערב לעת צאת השאבתSelect Genesis 24:11

12ויאמר—יהוה אלהי אדני אברהם הקרה נא לפני היום ועשה חסד עם אדני אברהםSelect Genesis 24:12

13הנה אנכי נצב על עין המים ובנות אנשי העיר יצאת לשאב מיםSelect Genesis 24:13

14והיה הנער אשר אמר אליה הטי נא כדך ואשתה ואמרה שתה וגם גמליך אשקה—אתה הכחת לעבדך ליצחק ובה אדע כי עשית חסד עם אדניSelect Genesis 24:14

15ויהי הוא טרם כלה לדבר והנה רבקה יצאת אשר ילדה לבתואל בן מלכה אשת נחור אחי אברהם וכדה על שכמהSelect Genesis 24:15

16והנער טבת מראה מאד—בתולה ואיש לא ידעה ותרד העינה ותמלא כדה ותעלSelect Genesis 24:16

17וירץ העבד לקראתה ויאמר הגמיאיני נא מעט מים מכדךSelect Genesis 24:17

18ותאמר שתה אדני ותמהר ותרד כדה על ידה—ותשקהוSelect Genesis 24:18

19ותכל להשקתו ותאמר גם לגמליך אשאב עד אם כלו לשתתSelect Genesis 24:19

20ותמהר ותער כדה אל השקת ותרץ עוד אל הבאר לשאב ותשאב לכל גמליוSelect Genesis 24:20

21והאיש משתאה לה מחריש—לדעת ההצליח יהוה דרכו אם לאSelect Genesis 24:21

22ויהי כאשר כלו הגמלים לשתות ויקח האיש נזם זהב בקע משקלו—ושני צמידים על ידיה עשרה זהב משקלםSelect Genesis 24:22

23ויאמר בת מי את הגידי נא לי היש בית אביך מקום לנו לליןSelect Genesis 24:23

24ותאמר אליו בת בתואל אנכי—בן מלכה אשר ילדה לנחורSelect Genesis 24:24

25ותאמר אליו גם תבן גם מספוא רב עמנו—גם מקום ללוןSelect Genesis 24:25

26ויקד האיש וישתחו ליהוהSelect Genesis 24:26

27ויאמר ברוך יהוה אלהי אדני אברהם אשר לא עזב חסדו ואמתו מעם אדני אנכי בדרך נחני יהוה בית אחי אדניSelect Genesis 24:27

28ותרץ הנער ותגד לבית אמה—כדברים האלהSelect Genesis 24:28

29ולרבקה אח ושמו לבן וירץ לבן אל האיש החוצה אל העיןSelect Genesis 24:29

30ויהי כראת את הנזם ואת הצמדים על ידי אחתו וכשמעו את דברי רבקה אחתו לאמר כה דבר אלי האיש ויבא אל האיש והנה עמד על הגמלים על העיןSelect Genesis 24:30

31ויאמר בוא ברוך יהוה למה תעמד בחוץ ואנכי פניתי הבית ומקום לגמליםSelect Genesis 24:31

32ויבא האיש הביתה ויפתח הגמלים ויתן תבן ומספוא לגמלים ומים לרחץ רגליו ורגלי האנשים אשר אתוSelect Genesis 24:32

33ויישם (ויושם) לפניו לאכל ויאמר לא אכל עד אם דברתי דברי ויאמר דברSelect Genesis 24:33

34ויאמר עבד אברהם אנכיSelect Genesis 24:34

35ויהוה ברך את אדני מאד—ויגדל ויתן לו צאן ובקר וכסף וזהב ועבדם ושפחת וגמלים וחמריםSelect Genesis 24:35

36ותלד שרה אשת אדני בן לאדני אחרי זקנתה ויתן לו את כל אשר לוSelect Genesis 24:36

37וישבעני אדני לאמר לא תקח אשה לבני מבנות הכנעני אשר אנכי ישב בארצוSelect Genesis 24:37

38אם לא אל בית אבי תלך ואל משפחתי ולקחת אשה לבניSelect Genesis 24:38

39ואמר אל אדני אלי לא תלך האשה אחריSelect Genesis 24:39

40ויאמר אלי יהוה אשר התהלכתי לפניו ישלח מלאכו אתך והצליח דרכך ולקחת אשה לבני ממשפחתי ומבית אביSelect Genesis 24:40

41אז תנקה מאלתי כי תבוא אל משפחתי ואם לא יתנו לך והיית נקי מאלתיSelect Genesis 24:41

42ואבא היום אל העין ואמר יהוה אלהי אדני אברהם אם ישך נא מצליח דרכי אשר אנכי הלך עליהSelect Genesis 24:42

43הנה אנכי נצב על עין המים והיה העלמה היצאת לשאב ואמרתי אליה השקיני נא מעט מים מכדךSelect Genesis 24:43

44ואמרה אלי גם אתה שתה וגם לגמליך אשאב—הוא האשה אשר הכיח יהוה לבן אדניSelect Genesis 24:44

45אני טרם אכלה לדבר אל לבי והנה רבקה יצאת וכדה על שכמה ותרד העינה ותשאב ואמר אליה השקיני נאSelect Genesis 24:45

46ותמהר ותורד כדה מעליה ותאמר שתה וגם גמליך אשקה ואשת וגם הגמלים השקתהSelect Genesis 24:46

47ואשאל אתה ואמר בת מי את ותאמר בת בתואל בן נחור אשר ילדה לו מלכה ואשם הנזם על אפה והצמידים על ידיהSelect Genesis 24:47

48ואקד ואשתחוה ליהוה ואברך את יהוה אלהי אדני אברהם אשר הנחני בדרך אמת לקחת את בת אחי אדני לבנוSelect Genesis 24:48

49ועתה אם ישכם עשים חסד ואמת את אדני—הגידו לי ואם לא—הגידו לי ואפנה על ימין או על שמאלSelect Genesis 24:49

50ויען לבן ובתואל ויאמרו מיהוה יצא הדבר לא נוכל דבר אליך רע או טובSelect Genesis 24:50

51הנה רבקה לפניך קח ולך ותהי אשה לבן אדניך כאשר דבר יהוהSelect Genesis 24:51

52ויהי כאשר שמע עבד אברהם את דבריהם וישתחו ארצה ליהוהSelect Genesis 24:52

53ויוצא העבד כלי כסף וכלי זהב ובגדים ויתן לרבקה ומגדנת—נתן לאחיה ולאמהSelect Genesis 24:53

54ויאכלו וישתו הוא והאנשים אשר עמו—וילינו ויקומו בבקר ויאמר שלחני לאדניSelect Genesis 24:54

55ויאמר אחיה ואמה תשב הנער אתנו ימים או עשור אחר תלךSelect Genesis 24:55

56ויאמר אלהם אל תאחרו אתי ויהוה הצליח דרכי שלחוני ואלכה לאדניSelect Genesis 24:56

57ויאמרו נקרא לנער ונשאלה את פיהSelect Genesis 24:57

58ויקראו לרבקה ויאמרו אליה התלכי עם האיש הזה ותאמר אלךSelect Genesis 24:58

59וישלחו את רבקה אחתם ואת מנקתה ואת עבד אברהם ואת אנשיוSelect Genesis 24:59

60ויברכו את רבקה ויאמרו לה—אחתנו את היי לאלפי רבבה ויירש זרעך את שער שנאיוSelect Genesis 24:60

61ותקם רבקה ונערתיה ותרכבנה על הגמלים ותלכנה אחרי האיש ויקח העבד את רבקה וילךSelect Genesis 24:61

62ויצחק בא מבוא באר לחי ראי והוא יושב בארץ הנגבSelect Genesis 24:62

63ויצא יצחק לשוח בשדה לפנות ערב וישא עיניו וירא והנה גמלים באיםSelect Genesis 24:63

64ותשא רבקה את עיניה ותרא את יצחק ותפל מעל הגמלSelect Genesis 24:64

65ותאמר אל העבד מי האיש הלזה ההלך בשדה לקראתנו ויאמר העבד הוא אדני ותקח הצעיף ותתכסSelect Genesis 24:65

66ויספר העבד ליצחק את כל הדברים אשר עשהSelect Genesis 24:66

67ויבאה יצחק האהלה שרה אמו ויקח את רבקה ותהי לו לאשה ויאהבה וינחם יצחק אחרי אמוSelect Genesis 24:67