3Genesis 3

1והנחש היה ערום מכל חית השדה אשר עשה יהוה אלהים ויאמר אל האשה אף כי אמר אלהים לא תאכלו מכל עץ הגןSelect Genesis 3:1

2ותאמר האשה אל הנחש מפרי עץ הגן נאכלSelect Genesis 3:2

3ומפרי העץ אשר בתוך הגן—אמר אלהים לא תאכלו ממנו ולא תגעו בו פן תמתוןSelect Genesis 3:3

4ויאמר הנחש אל האשה לא מות תמתוןSelect Genesis 3:4

5כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורעSelect Genesis 3:5

6ותרא האשה כי טוב העץ למאכל וכי תאוה הוא לעינים ונחמד העץ להשכיל ותקח מפריו ותאכל ותתן גם לאישה עמה ויאכלSelect Genesis 3:6

7ותפקחנה עיני שניהם וידעו כי עירמם הם ויתפרו עלה תאנה ויעשו להם חגרתSelect Genesis 3:7

8וישמעו את קול יהוה אלהים מתהלך בגן—לרוח היום ויתחבא האדם ואשתו מפני יהוה אלהים בתוך עץ הגןSelect Genesis 3:8

9ויקרא יהוה אלהים אל האדם ויאמר לו איכהSelect Genesis 3:9

10ויאמר את קלך שמעתי בגן ואירא כי עירם אנכי ואחבאSelect Genesis 3:10

11ויאמר—מי הגיד לך כי עירם אתה המן העץ אשר צויתיך לבלתי אכל ממנו—אכלתSelect Genesis 3:11

12ויאמר האדם האשה אשר נתתה עמדי הוא נתנה לי מן העץ ואכלSelect Genesis 3:12

13ויאמר יהוה אלהים לאשה מה זאת עשית ותאמר האשה הנחש השיאני ואכלSelect Genesis 3:13

14ויאמר יהוה אלהים אל הנחש כי עשית זאת ארור אתה מכל הבהמה ומכל חית השדה על גחנך תלך ועפר תאכל כל ימי חייךSelect Genesis 3:14

15ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקבSelect Genesis 3:15

16אל האשה אמר הרבה ארבה עצבונך והרנך—בעצב תלדי בנים ואל אישך תשוקתך והוא ימשל בךSelect Genesis 3:16

17ולאדם אמר כי שמעת לקול אשתך ותאכל מן העץ אשר צויתיך לאמר לא תאכל ממנו—ארורה האדמה בעבורך בעצבון תאכלנה כל ימי חייךSelect Genesis 3:17

18וקוץ ודרדר תצמיח לך ואכלת את עשב השדהSelect Genesis 3:18

19בזעת אפיך תאכל לחם עד שובך אל האדמה כי ממנה לקחת כי עפר אתה ואל עפר תשובSelect Genesis 3:19

20ויקרא האדם שם אשתו חוה כי הוא היתה אם כל חיSelect Genesis 3:20

21ויעש יהוה אלהים לאדם ולאשתו כתנות עור—וילבשםSelect Genesis 3:21

22ויאמר יהוה אלהים הן האדם היה כאחד ממנו לדעת טוב ורע ועתה פן ישלח ידו ולקח גם מעץ החיים ואכל וחי לעלםSelect Genesis 3:22

23וישלחהו יהוה אלהים מגן עדן—לעבד את האדמה אשר לקח משםSelect Genesis 3:23

24ויגרש את האדם וישכן מקדם לגן עדן את הכרבים ואת להט החרב המתהפכת לשמר את דרך עץ החייםSelect Genesis 3:24