33Genesis 33

1וישא יעקב עיניו וירא והנה עשו בא ועמו ארבע מאות איש ויחץ את הילדים על לאה ועל רחל ועל שתי השפחותSelect Genesis 33:1

2וישם את השפחות ואת ילדיהן ראשנה ואת לאה וילדיה אחרנים ואת רחל ואת יוסף אחרניםSelect Genesis 33:2

3והוא עבר לפניהם וישתחו ארצה שבע פעמים עד גשתו עד אחיוSelect Genesis 33:3

4וירץ עשו לקראתו ויחבקהו ויפל על צוארו וישקהו ויבכוSelect Genesis 33:4

5וישא את עיניו וירא את הנשים ואת הילדים ויאמר מי אלה לך ויאמר—הילדים אשר חנן אלהים את עבדךSelect Genesis 33:5

6ותגשן השפחות הנה וילדיהן ותשתחויןSelect Genesis 33:6

7ותגש גם לאה וילדיה וישתחוו ואחר נגש יוסף ורחל—וישתחווSelect Genesis 33:7

8ויאמר מי לך כל המחנה הזה אשר פגשתי ויאמר למצא חן בעיני אדניSelect Genesis 33:8

9ויאמר עשו יש לי רב אחי יהי לך אשר לךSelect Genesis 33:9

10ויאמר יעקב אל נא אם נא מצאתי חן בעיניך ולקחת מנחתי מידי כי על כן ראיתי פניך כראת פני אלהים—ותרצניSelect Genesis 33:10

11קח נא את ברכתי אשר הבאת לך כי חנני אלהים וכי יש לי כל ויפצר בו ויקחSelect Genesis 33:11

12ויאמר נסעה ונלכה ואלכה לנגדךSelect Genesis 33:12

13ויאמר אליו אדני ידע כי הילדים רכים והצאן והבקר עלות עלי ודפקום יום אחד ומתו כל הצאןSelect Genesis 33:13

14יעבר נא אדני לפני עבדו ואני אתנהלה לאטי לרגל המלאכה אשר לפני ולרגל הילדים עד אשר אבא אל אדני שעירהSelect Genesis 33:14

15ויאמר עשו—אציגה נא עמך מן העם אשר אתי ויאמר למה זה אמצא חן בעיני אדניSelect Genesis 33:15

16וישב ביום ההוא עשו לדרכו שעירהSelect Genesis 33:16

17ויעקב נסע סכתה ויבן לו בית ולמקנהו עשה סכת על כן קרא שם המקום סכותSelect Genesis 33:17

18ויבא יעקב שלם עיר שכם אשר בארץ כנען בבאו מפדן ארם ויחן את פני העירSelect Genesis 33:18

19ויקן את חלקת השדה אשר נטה שם אהלו מיד בני חמור אבי שכם—במאה קשיטהSelect Genesis 33:19

20ויצב שם מזבח ויקרא לו—אל אלהי ישראלSelect Genesis 33:20