34Genesis 34

1ותצא דינה בת לאה אשר ילדה ליעקב לראות בבנות הארץSelect Genesis 34:1

2וירא אתה שכם בן חמור החוי—נשיא הארץ ויקח אתה וישכב אתה ויענהSelect Genesis 34:2

3ותדבק נפשו בדינה בת יעקב ויאהב את הנער וידבר על לב הנערSelect Genesis 34:3

4ויאמר שכם אל חמור אביו לאמר קח לי את הילדה הזאת לאשהSelect Genesis 34:4

5ויעקב שמע כי טמא את דינה בתו ובניו היו את מקנהו בשדה והחרש יעקב עד באםSelect Genesis 34:5

6ויצא חמור אבי שכם אל יעקב לדבר אתוSelect Genesis 34:6

7ובני יעקב באו מן השדה כשמעם ויתעצבו האנשים ויחר להם מאד כי נבלה עשה בישראל לשכב את בת יעקב וכן לא יעשהSelect Genesis 34:7

8וידבר חמור אתם לאמר שכם בני חשקה נפשו בבתכם—תנו נא אתה לו לאשהSelect Genesis 34:8

9והתחתנו אתנו בנתיכם תתנו לנו ואת בנתינו תקחו לכםSelect Genesis 34:9

10ואתנו תשבו והארץ תהיה לפניכם—שבו וסחרוה והאחזו בהSelect Genesis 34:10

11ויאמר שכם אל אביה ואל אחיה אמצא חן בעיניכם ואשר תאמרו אלי אתןSelect Genesis 34:11

12הרבו עלי מאד מהר ומתן ואתנה כאשר תאמרו אלי ותנו לי את הנער לאשהSelect Genesis 34:12

13ויענו בני יעקב את שכם ואת חמור אביו במרמה—וידברו אשר טמא את דינה אחתםSelect Genesis 34:13

14ויאמרו אליהם לא נוכל לעשות הדבר הזה—לתת את אחתנו לאיש אשר לו ערלה כי חרפה הוא לנוSelect Genesis 34:14

15אך בזאת נאות לכם אם תהיו כמנו להמל לכם כל זכרSelect Genesis 34:15

16ונתנו את בנתינו לכם ואת בנתיכם נקח לנו וישבנו אתכם והיינו לעם אחדSelect Genesis 34:16

17ואם לא תשמעו אלינו להמול—ולקחנו את בתנו והלכנוSelect Genesis 34:17

18וייטבו דבריהם בעיני חמור ובעיני שכם בן חמורSelect Genesis 34:18

19ולא אחר הנער לעשות הדבר כי חפץ בבת יעקב והוא נכבד מכל בית אביוSelect Genesis 34:19

20ויבא חמור ושכם בנו אל שער עירם וידברו אל אנשי עירם לאמרSelect Genesis 34:20

21האנשים האלה שלמים הם אתנו וישבו בארץ ויסחרו אתה והארץ הנה רחבת ידים לפניהם את בנתם נקח לנו לנשים ואת בנתינו נתן להםSelect Genesis 34:21

22אך בזאת יאתו לנו האנשים לשבת אתנו—להיות לעם אחד בהמול לנו כל זכר כאשר הם נמליםSelect Genesis 34:22

23מקנהם וקנינם וכל בהמתם הלוא לנו הם אך נאותה להם וישבו אתנוSelect Genesis 34:23

24וישמעו אל חמור ואל שכם בנו כל יצאי שער עירו וימלו כל זכר—כל יצאי שער עירוSelect Genesis 34:24

25ויהי ביום השלישי בהיותם כאבים ויקחו שני בני יעקב שמעון ולוי אחי דינה איש חרבו ויבאו על העיר בטח ויהרגו כל זכרSelect Genesis 34:25

26ואת חמור ואת שכם בנו הרגו לפי חרב ויקחו את דינה מבית שכם ויצאוSelect Genesis 34:26

27בני יעקב באו על החללים ויבזו העיר—אשר טמאו אחותםSelect Genesis 34:27

28את צאנם ואת בקרם ואת חמריהם ואת אשר בעיר ואת אשר בשדה לקחוSelect Genesis 34:28

29ואת כל חילם ואת כל טפם ואת נשיהם שבו ויבזו ואת כל אשר בביתSelect Genesis 34:29

30ויאמר יעקב אל שמעון ואל לוי עכרתם אתי להבאישני בישב הארץ בכנעני ובפרזי ואני מתי מספר ונאספו עלי והכוני ונשמדתי אני וביתיSelect Genesis 34:30

31ויאמרו הכזונה יעשה את אחותנוSelect Genesis 34:31