46Genesis 46

1ויסע ישראל וכל אשר לו ויבא בארה שבע ויזבח זבחים לאלהי אביו יצחקSelect Genesis 46:1

2ויאמר אלהים לישראל במראת הלילה ויאמר יעקב יעקב ויאמר הנניSelect Genesis 46:2

3ויאמר אנכי האל אלהי אביך אל תירא מרדה מצרימה כי לגוי גדול אשימך שםSelect Genesis 46:3

4אנכי ארד עמך מצרימה ואנכי אעלך גם עלה ויוסף ישית ידו על עיניךSelect Genesis 46:4

5ויקם יעקב מבאר שבע וישאו בני ישראל את יעקב אביהם ואת טפם ואת נשיהם בעגלות אשר שלח פרעה לשאת אתוSelect Genesis 46:5

6ויקחו את מקניהם ואת רכושם אשר רכשו בארץ כנען ויבאו מצרימה יעקב וכל זרעו אתוSelect Genesis 46:6

7בניו ובני בניו אתו בנתיו ובנות בניו וכל זרעו—הביא אתו מצרימהSelect Genesis 46:7

8ואלה שמות בני ישראל הבאים מצרימה יעקב ובניו בכר יעקב ראובןSelect Genesis 46:8

9ובני ראובן—חנוך ופלוא וחצרן וכרמיSelect Genesis 46:9

10ובני שמעון ימואל וימין ואהד—ויכין וצחר ושאול בן הכנעניתSelect Genesis 46:10

11ובני לוי—גרשון קהת ומרריSelect Genesis 46:11

12ובני יהודה ער ואונן ושלה—ופרץ וזרח וימת ער ואונן בארץ כנען ויהיו בני פרץ חצרן וחמולSelect Genesis 46:12

13ובני יששכר—תולע ופוה ויוב ושמרןSelect Genesis 46:13

14ובני זבלון—סרד ואלון ויחלאלSelect Genesis 46:14

15אלה בני לאה אשר ילדה ליעקב בפדן ארם ואת דינה בתו כל נפש בניו ובנותיו שלשים ושלשSelect Genesis 46:15

16ובני גד צפיון וחגי שוני ואצבן ערי וארודי ואראליSelect Genesis 46:16

17ובני אשר ימנה וישוה וישוי ובריעה—ושרח אחתם ובני בריעה חבר ומלכיאלSelect Genesis 46:17

18אלה בני זלפה אשר נתן לבן ללאה בתו ותלד את אלה ליעקב שש עשרה נפשSelect Genesis 46:18

19בני רחל אשת יעקב יוסף ובנימןSelect Genesis 46:19

20ויולד ליוסף בארץ מצרים אשר ילדה לו אסנת בת פוטי פרע כהן אן—את מנשה ואת אפריםSelect Genesis 46:20

21ובני בנימן בלע ובכר ואשבל גרא ונעמן אחי וראש מפים וחפים וארדSelect Genesis 46:21

22אלה בני רחל אשר ילד ליעקב—כל נפש ארבעה עשרSelect Genesis 46:22

23ובני דן חשיםSelect Genesis 46:23

24ובני נפתלי—יחצאל וגוני ויצר ושלםSelect Genesis 46:24

25אלה בני בלהה אשר נתן לבן לרחל בתו ותלד את אלה ליעקב כל נפש שבעהSelect Genesis 46:25

26כל הנפש הבאה ליעקב מצרימה יצאי ירכו מלבד נשי בני יעקב—כל נפש ששים וששSelect Genesis 46:26

27ובני יוסף אשר ילד לו במצרים נפש שנים כל הנפש לבית יעקב הבאה מצרימה שבעיםSelect Genesis 46:27

28ואת יהודה שלח לפניו אל יוסף להורת לפניו גשנה ויבאו ארצה גשןSelect Genesis 46:28

29ויאסר יוסף מרכבתו ויעל לקראת ישראל אביו גשנה וירא אליו ויפל על צואריו ויבך על צואריו עודSelect Genesis 46:29

30ויאמר ישראל אל יוסף אמותה הפעם אחרי ראותי את פניך כי עודך חיSelect Genesis 46:30

31ויאמר יוסף אל אחיו ואל בית אביו אעלה ואגידה לפרעה ואמרה אליו אחי ובית אבי אשר בארץ כנען באו אליSelect Genesis 46:31

32והאנשים רעי צאן כי אנשי מקנה היו וצאנם ובקרם וכל אשר להם הביאוSelect Genesis 46:32

33והיה כי יקרא לכם פרעה ואמר מה מעשיכםSelect Genesis 46:33

34ואמרתם אנשי מקנה היו עבדיך מנעורינו ועד עתה—גם אנחנו גם אבתינו בעבור תשבו בארץ גשן כי תועבת מצרים כל רעה צאןSelect Genesis 46:34