6Genesis 6

1ויהי כי החל האדם לרב על פני האדמה ובנות ילדו להםSelect Genesis 6:1

2ויראו בני האלהים את בנות האדם כי טבת הנה ויקחו להם נשים מכל אשר בחרוSelect Genesis 6:2

3ויאמר יהוה לא ידון רוחי באדם לעלם בשגם הוא בשר והיו ימיו מאה ועשרים שנהSelect Genesis 6:3

4הנפלים היו בארץ בימים ההם וגם אחרי כן אשר יבאו בני האלהים אל בנות האדם וילדו להם המה הגברים אשר מעולם אנשי השםSelect Genesis 6:4

5וירא יהוה כי רבה רעת האדם בארץ וכל יצר מחשבת לבו רק רע כל היוםSelect Genesis 6:5

6וינחם יהוה כי עשה את האדם בארץ ויתעצב אל לבוSelect Genesis 6:6

7ויאמר יהוה אמחה את האדם אשר בראתי מעל פני האדמה מאדם עד בהמה עד רמש ועד עוף השמים כי נחמתי כי עשיתםSelect Genesis 6:7

8ונח מצא חן בעיני יהוהSelect Genesis 6:8

9אלה תולדת נח—נח איש צדיק תמים היה בדרתיו את האלהים התהלך נחSelect Genesis 6:9

10ויולד נח שלשה בנים—את שם את חם ואת יפתSelect Genesis 6:10

11ותשחת הארץ לפני האלהים ותמלא הארץ חמסSelect Genesis 6:11

12וירא אלהים את הארץ והנה נשחתה כי השחית כל בשר את דרכו על הארץSelect Genesis 6:12

13ויאמר אלהים לנח קץ כל בשר בא לפני—כי מלאה הארץ חמס מפניהם והנני משחיתם את הארץSelect Genesis 6:13

14עשה לך תבת עצי גפר קנים תעשה את התבה וכפרת אתה מבית ומחוץ בכפרSelect Genesis 6:14

15וזה אשר תעשה אתה שלש מאות אמה ארך התבה חמשים אמה רחבה ושלשים אמה קומתהSelect Genesis 6:15

16צהר תעשה לתבה ואל אמה תכלנה מלמעלה ופתח התבה בצדה תשים תחתים שנים ושלשים תעשהSelect Genesis 6:16

17ואני הנני מביא את המבול מים על הארץ לשחת כל בשר אשר בו רוח חיים מתחת השמים כל אשר בארץ יגועSelect Genesis 6:17

18והקמתי את בריתי אתך ובאת אל התבה—אתה ובניך ואשתך ונשי בניך אתךSelect Genesis 6:18

19ומכל החי מכל בשר שנים מכל תביא אל התבה—להחית אתך זכר ונקבה יהיוSelect Genesis 6:19

20מהעוף למינהו ומן הבהמה למינה מכל רמש האדמה למינהו—שנים מכל יבאו אליך להחיותSelect Genesis 6:20

21ואתה קח לך מכל מאכל אשר יאכל ואספת אליך והיה לך ולהם לאכלהSelect Genesis 6:21

22ויעש נח ככל אשר צוה אתו אלהים—כן עשהSelect Genesis 6:22