7Genesis 7

1ויאמר יהוה לנח בא אתה וכל ביתך אל התבה כי אתך ראיתי צדיק לפני בדור הזהSelect Genesis 7:1

2מכל הבהמה הטהורה תקח לך שבעה שבעה—איש ואשתו ומן הבהמה אשר לא טהרה הוא שנים—איש ואשתוSelect Genesis 7:2

3גם מעוף השמים שבעה שבעה זכר ונקבה לחיות זרע על פני כל הארץSelect Genesis 7:3

4כי לימים עוד שבעה אנכי ממטיר על הארץ ארבעים יום וארבעים לילה ומחיתי את כל היקום אשר עשיתי מעל פני האדמהSelect Genesis 7:4

5ויעש נח ככל אשר צוהו יהוהSelect Genesis 7:5

6ונח בן שש מאות שנה והמבול היה מים על הארץSelect Genesis 7:6

7ויבא נח ובניו ואשתו ונשי בניו אתו—אל התבה מפני מי המבולSelect Genesis 7:7

8מן הבהמה הטהורה ומן הבהמה אשר איננה טהרה ומן העוף—וכל אשר רמש על האדמהSelect Genesis 7:8

9שנים שנים באו אל נח אל התבה—זכר ונקבה כאשר צוה אלהים את נחSelect Genesis 7:9

10ויהי לשבעת הימים ומי המבול היו על הארץSelect Genesis 7:10

11בשנת שש מאות שנה לחיי נח בחדש השני בשבעה עשר יום לחדש—ביום הזה נבקעו כל מעינת תהום רבה וארבת השמים נפתחוSelect Genesis 7:11

12ויהי הגשם על הארץ ארבעים יום וארבעים לילהSelect Genesis 7:12

13בעצם היום הזה בא נח ושם וחם ויפת בני נח ואשת נח ושלשת נשי בניו אתם—אל התבהSelect Genesis 7:13

14המה וכל החיה למינה וכל הבהמה למינה וכל הרמש הרמש על הארץ למינהו וכל העוף למינהו כל צפור כל כנףSelect Genesis 7:14

15ויבאו אל נח אל התבה שנים שנים מכל הבשר אשר בו רוח חייםSelect Genesis 7:15

16והבאים זכר ונקבה מכל בשר באו כאשר צוה אתו אלהים ויסגר יהוה בעדוSelect Genesis 7:16

17ויהי המבול ארבעים יום על הארץ וירבו המים וישאו את התבה ותרם מעל הארץSelect Genesis 7:17

18ויגברו המים וירבו מאד על הארץ ותלך התבה על פני המיםSelect Genesis 7:18

19והמים גברו מאד מאד—על הארץ ויכסו כל ההרים הגבהים אשר תחת כל השמיםSelect Genesis 7:19

20חמש עשרה אמה מלמעלה גברו המים ויכסו ההריםSelect Genesis 7:20

21ויגוע כל בשר הרמש על הארץ בעוף ובבהמה ובחיה ובכל השרץ השרץ על הארץ—וכל האדםSelect Genesis 7:21

22כל אשר נשמת רוח חיים באפיו מכל אשר בחרבה—מתוSelect Genesis 7:22

23וימח את כל היקום אשר על פני האדמה מאדם עד בהמה עד רמש ועד עוף השמים וימחו מן הארץ וישאר אך נח ואשר אתו בתבהSelect Genesis 7:23

24ויגברו המים על הארץ חמשים ומאת יוםSelect Genesis 7:24