1Habakkuk 1

1המשא אשר חזה חבקוק הנביאSelect Habakkuk 1:1

2עד אנה יהוה שועתי ולא תשמע אזעק אליך חמס ולא תושיעSelect Habakkuk 1:2

3למה תראני און ועמל תביט ושד וחמס לנגדי ויהי ריב ומדון ישאSelect Habakkuk 1:3

4על כן תפוג תורה ולא יצא לנצח משפט כי רשע מכתיר את הצדיק על כן יצא משפט מעקלSelect Habakkuk 1:4

5ראו בגוים והביטו והתמהו תמהו כי פעל פעל בימיכם לא תאמינו כי יספרSelect Habakkuk 1:5

6כי הנני מקים את הכשדים הגוי המר והנמהר ההולך למרחבי ארץ לרשת משכנות לא לוSelect Habakkuk 1:6

7אים ונורא הוא ממנו משפטו ושאתו יצאSelect Habakkuk 1:7

8וקלו מנמרים סוסיו וחדו מזאבי ערב ופשו פרשיו ופרשיו מרחוק יבאו—יעפו כנשר חש לאכולSelect Habakkuk 1:8

9כלה לחמס יבוא מגמת פניהם קדימה ויאסף כחול שביSelect Habakkuk 1:9

10והוא במלכים יתקלס ורזנים משחק לו הוא לכל מבצר ישחק ויצבר עפר וילכדהSelect Habakkuk 1:10

11אז חלף רוח ויעבר ואשם זו כחו לאלהוSelect Habakkuk 1:11

12הלוא אתה מקדם יהוה אלהי קדשי—לא נמות יהוה למשפט שמתו וצור להוכיח יסדתוSelect Habakkuk 1:12

13טהור עינים מראות רע והביט אל עמל לא תוכל למה תביט בוגדים—תחריש בבלע רשע צדיק ממנוSelect Habakkuk 1:13

14ותעשה אדם כדגי הים—כרמש לא משל בוSelect Habakkuk 1:14

15כלה בחכה העלה—יגרהו בחרמו ויאספהו במכמרתו על כן ישמח ויגילSelect Habakkuk 1:15

16על כן יזבח לחרמו ויקטר למכמרתו כי בהמה שמן חלקו ומאכלו בראהSelect Habakkuk 1:16

17העל כן יריק חרמו ותמיד להרג גוים לא יחמולSelect Habakkuk 1:17