3Habakkuk 3

1תפלה לחבקוק הנביא—על שגינותSelect Habakkuk 3:1

2יהוה שמעתי שמעך יראתי—יהוה פעלך בקרב שנים חייהו בקרב שנים תודיע ברגז רחם תזכורSelect Habakkuk 3:2

3אלוה מתימן יבוא וקדוש מהר פארן סלה כסה שמים הודו ותהלתו מלאה הארץSelect Habakkuk 3:3

4ונגה כאור תהיה קרנים מידו לו ושם חביון עזהSelect Habakkuk 3:4

5לפניו ילך דבר ויצא רשף לרגליוSelect Habakkuk 3:5

6עמד וימדד ארץ ראה ויתר גוים ויתפצצו הררי עד שחו גבעות עולם הליכות עולם לוSelect Habakkuk 3:6

7תחת און ראיתי אהלי כושן ירגזון יריעות ארץ מדיןSelect Habakkuk 3:7

8הבנהרים חרה יהוה—אם בנהרים אפך אם בים עברתך כי תרכב על סוסיך מרכבתיך ישועהSelect Habakkuk 3:8

9עריה תעור קשתך שבעות מטות אמר סלה נהרות תבקע ארץSelect Habakkuk 3:9

10ראוך יחילו הרים זרם מים עבר נתן תהום קולו רום ידיהו נשאSelect Habakkuk 3:10

11שמש ירח עמד זבלה לאור חציך יהלכו לנגה ברק חניתךSelect Habakkuk 3:11

12בזעם תצעד ארץ באף תדוש גויםSelect Habakkuk 3:12

13יצאת לישע עמך לישע את משיחך מחצת ראש מבית רשע ערות יסוד עד צואר סלהSelect Habakkuk 3:13

14נקבת במטיו ראש פרזו יסערו להפיצני עליצתם כמו לאכל עני במסתרSelect Habakkuk 3:14

15דרכת בים סוסיך חמר מים רביםSelect Habakkuk 3:15

16שמעתי ותרגז בטני לקול צללו שפתי—יבוא רקב בעצמי ותחתי ארגז אשר אנוח ליום צרה לעלות לעם יגודנוSelect Habakkuk 3:16

17כי תאנה לא תפרח ואין יבול בגפנים—כחש מעשה זית ושדמות לא עשה אכל גזר ממכלה צאן ואין בקר ברפתיםSelect Habakkuk 3:17

18ואני ביהוה אעלוזה אגילה באלהי ישעיSelect Habakkuk 3:18

19יהוה אדני חילי וישם רגלי כאילות ועל במותי ידרכני למנצח בנגינותיSelect Habakkuk 3:19