1Hosea 1

1דבר יהוה אשר היה אל הושע בן בארי בימי עזיה יותם אחז יחזקיה מלכי יהודה—ובימי ירבעם בן יואש מלך ישראלSelect Hosea 1:1

2תחלת דבר יהוה בהושע ויאמר יהוה אל הושע לך קח לך אשת זנונים וילדי זנונים—כי זנה תזנה הארץ מאחרי יהוהSelect Hosea 1:2

3וילך ויקח את גמר בת דבלים ותהר ותלד לו בןSelect Hosea 1:3

4ויאמר יהוה אליו קרא שמו יזרעאל כי עוד מעט ופקדתי את דמי יזרעאל על בית יהוא והשבתי ממלכות בית ישראלSelect Hosea 1:4

5והיה ביום ההוא ושברתי את קשת ישראל בעמק יזרעאלSelect Hosea 1:5

6ותהר עוד ותלד בת ויאמר לו קרא שמה לא רחמה כי לא אוסיף עוד ארחם את בית ישראל—כי נשא אשא להםSelect Hosea 1:6

7ואת בית יהודה ארחם והושעתים ביהוה אלהיהם ולא אושיעם בקשת ובחרב ובמלחמה בסוסים ובפרשיםSelect Hosea 1:7

8ותגמל את לא רחמה ותהר ותלד בןSelect Hosea 1:8

9ויאמר קרא שמו לא עמי כי אתם לא עמי ואנכי לא אהיה לכםSelect Hosea 1:9