10Hosea 10

1גפן בוקק ישראל פרי ישוה לו כרב לפריו הרבה למזבחות—כטוב לארצו היטיבו מצבותSelect Hosea 10:1

2חלק לבם עתה יאשמו הוא יערף מזבחותם ישדד מצבותםSelect Hosea 10:2

3כי עתה יאמרו אין מלך לנו כי לא יראנו את יהוה והמלך מה יעשה לנוSelect Hosea 10:3

4דברו דברים אלות שוא כרת ברית ופרח כראש משפט על תלמי שדיSelect Hosea 10:4

5לעגלות בית און יגורו שכן שמרון כי אבל עליו עמו וכמריו עליו יגילו—על כבודו כי גלה ממנוSelect Hosea 10:5

6גם אותו לאשור יובל מנחה למלך ירב בשנה אפרים יקח ויבוש ישראל מעצתוSelect Hosea 10:6

7נדמה שמרון מלכה כקצף על פני מיםSelect Hosea 10:7

8ונשמדו במות און חטאת ישראל—קוץ ודרדר יעלה על מזבחותם ואמרו להרים כסונו ולגבעות נפלו עלינוSelect Hosea 10:8

9מימי הגבעה חטאת ישראל שם עמדו לא תשיגם בגבעה מלחמה על בני עלוהSelect Hosea 10:9

10באותי ואסרם ואספו עליהם עמים באסרם לשתי עינתם (עונותם)Select Hosea 10:10

11ואפרים עגלה מלמדה אהבתי לדוש ואני עברתי על טוב צוארה ארכיב אפרים יחרוש יהודה ישדד לו יעקבSelect Hosea 10:11

12זרעו לכם לצדקה קצרו לפי חסד נירו לכם ניר ועת לדרוש את יהוה עד יבוא וירה צדק לכםSelect Hosea 10:12

13חרשתם רשע עולתה קצרתם אכלתם פרי כחש—כי בטחת בדרכך ברב גבוריךSelect Hosea 10:13

14וקאם שאון בעמך וכל מבצריך יושד כשד שלמן בית ארבאל ביום מלחמה אם על בנים רטשהSelect Hosea 10:14

15ככה עשה לכם בית אל מפני רעת רעתכם בשחר נדמה נדמה מלך ישראלSelect Hosea 10:15