14Hosea 14

1תאשם שמרון כי מרתה באלהיה בחרב יפלו—עלליהם ירטשו והריותיו יבקעוSelect Hosea 14:1

2שובה ישראל עד יהוה אלהיך כי כשלת בעונךSelect Hosea 14:2

3קחו עמכם דברים ושובו אל יהוה אמרו אליו כל תשא עון וקח טוב ונשלמה פרים שפתינוSelect Hosea 14:3

4אשור לא יושיענו על סוס לא נרכב ולא נאמר עוד אלהינו למעשה ידינו—אשר בך ירחם יתוםSelect Hosea 14:4

5ארפא משובתם—אהבם נדבה כי שב אפי ממנוSelect Hosea 14:5

6אהיה כטל לישראל יפרח כשושנה ויך שרשיו כלבנוןSelect Hosea 14:6

7ילכו ינקותיו ויהי כזית הודו וריח לו כלבנוןSelect Hosea 14:7

8ישבו ישבי בצלו יחיו דגן ויפרחו כגפן זכרו כיין לבנוןSelect Hosea 14:8

9אפרים מה לי עוד לעצבים אני עניתי ואשורנו אני כברוש רענן—ממני פריך נמצאSelect Hosea 14:9

10מי חכם ויבן אלה נבון וידעם כי ישרים דרכי יהוה וצדקים ילכו בם ופשעים יכשלו בםSelect Hosea 14:10