3Hosea 3

1ויאמר יהוה אלי עוד לך אהב אשה אהבת רע ומנאפת כאהבת יהוה את בני ישראל והם פנים אל אלהים אחרים ואהבי אשישי ענביםSelect Hosea 3:1

2ואכרה לי בחמשה עשר כסף וחמר שערים ולתך שעריםSelect Hosea 3:2

3ואמר אליה ימים רבים תשבי לי—לא תזני ולא תהיי לאיש וגם אני אליךSelect Hosea 3:3

4כי ימים רבים ישבו בני ישראל—אין מלך ואין שר ואין זבח ואין מצבה ואין אפוד ותרפיםSelect Hosea 3:4

5אחר ישבו בני ישראל ובקשו את יהוה אלהיהם ואת דויד מלכם ופחדו אל יהוה ואל טובו באחרית הימיםSelect Hosea 3:5