9Hosea 9

1אל תשמח ישראל אל גיל כעמים כי זנית מעל אלהיך אהבת אתנן על כל גרנות דגןSelect Hosea 9:1

2גרן ויקב לא ירעם ותירוש יכחש בהSelect Hosea 9:2

3לא ישבו בארץ יהוה ושב אפרים מצרים ובאשור טמא יאכלוSelect Hosea 9:3

4לא יסכו ליהוה יין ולא יערבו לו—זבחיהם כלחם אונים להם כל אכליו יטמאו כי לחמם לנפשם לא יבוא בית יהוהSelect Hosea 9:4

5מה תעשו ליום מועד וליום חג יהוהSelect Hosea 9:5

6כי הנה הלכו משד מצרים תקבצם מף תקברם מחמד לכספם קמוש יירשם חוח באהליהםSelect Hosea 9:6

7באו ימי הפקדה באו ימי השלם—ידעו ישראל אויל הנביא משגע איש הרוח—על רב עונך ורבה משטמהSelect Hosea 9:7

8צפה אפרים עם אלהי נביא פח יקוש על כל דרכיו—משטמה בבית אלהיוSelect Hosea 9:8

9העמיקו שחתו כימי הגבעה יזכור עונם יפקוד חטאותםSelect Hosea 9:9

10כענבים במדבר מצאתי ישראל—כבכורה בתאנה בראשיתה ראיתי אבותיכם המה באו בעל פעור וינזרו לבשת ויהיו שקוצים כאהבםSelect Hosea 9:10

11אפרים כעוף יתעופף כבודם מלדה ומבטן ומהריוןSelect Hosea 9:11

12כי אם יגדלו את בניהם ושכלתים מאדם כי גם אוי להם בשורי מהםSelect Hosea 9:12

13אפרים כאשר ראיתי לצור שתולה בנוה ואפרים להוציא אל הרג בניוSelect Hosea 9:13

14תן להם יהוה מה תתן תן להם רחם משכיל ושדים צמקיםSelect Hosea 9:14

15כל רעתם בגלגל כי שם שנאתים על רע מעלליהם מביתי אגרשם לא אוסף אהבתם כל שריהם סרריםSelect Hosea 9:15

16הכה אפרים—שרשם יבש פרי בלי (בל) יעשון גם כי ילדון והמתי מחמדי בטנםSelect Hosea 9:16

17ימאסם אלהי כי לא שמעו לו ויהיו נדדים בגויםSelect Hosea 9:17