10Jeremiah 10

1שמעו את הדבר אשר דבר יהוה עליכם—בית ישראלSelect Jeremiah 10:1

2כה אמר יהוה אל דרך הגוים אל תלמדו ומאתות השמים אל תחתו כי יחתו הגוים מהמהSelect Jeremiah 10:2

3כי חקות העמים הבל הוא כי עץ מיער כרתו מעשה ידי חרש במעצדSelect Jeremiah 10:3

4בכסף ובזהב ייפהו במסמרות ובמקבות יחזקום ולוא יפיקSelect Jeremiah 10:4

5כתמר מקשה המה ולא ידברו נשוא ינשוא כי לא יצעדו אל תיראו מהם כי לא ירעו וגם היטיב אין אותםSelect Jeremiah 10:5

6מאין כמוך יהוה גדול אתה וגדול שמך בגבורהSelect Jeremiah 10:6

7מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוךSelect Jeremiah 10:7

8ובאחת יבערו ויכסלו מוסר הבלים עץ הואSelect Jeremiah 10:8

9כסף מרקע מתרשיש יובא וזהב מאופז—מעשה חרש וידי צורף תכלת וארגמן לבושם מעשה חכמים כלםSelect Jeremiah 10:9

10ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמוSelect Jeremiah 10:10

11כדנה תאמרון להום אלהיא די שמיא וארקא לא עבדו יאבדו מארעא ומן תחות שמיא אלהSelect Jeremiah 10:11

12עשה ארץ בכחו מכין תבל בחכמתו ובתבונתו נטה שמיםSelect Jeremiah 10:12

13לקול תתו המון מים בשמים ויעלה נשאים מקצה ארץ (הארץ) ברקים למטר עשה ויוצא רוח מאצרתיוSelect Jeremiah 10:13

14נבער כל אדם מדעת הביש כל צורף מפסל כי שקר נסכו ולא רוח בםSelect Jeremiah 10:14

15הבל המה מעשה תעתעים בעת פקדתם יאבדוSelect Jeremiah 10:15

16לא כאלה חלק יעקב כי יוצר הכל הוא וישראל שבט נחלתו יהוה צבאות שמוSelect Jeremiah 10:16

17אספי מארץ כנעתך—ישבתי (ישבת) במצורSelect Jeremiah 10:17

18כי כה אמר יהוה הנני קולע את יושבי הארץ בפעם הזאת והצרתי להם למען ימצאוSelect Jeremiah 10:18

19אוי לי על שברי נחלה מכתי ואני אמרתי אך זה חלי ואשאנוSelect Jeremiah 10:19

20אהלי שדד וכל מיתרי נתקו בני יצאני ואינם—אין נטה עוד אהלי ומקים יריעותיSelect Jeremiah 10:20

21כי נבערו הרעים ואת יהוה לא דרשו על כן לא השכילו וכל מרעיתם נפוצהSelect Jeremiah 10:21

22קול שמועה הנה באה ורעש גדול מארץ צפון לשום את ערי יהודה שממה—מעון תניםSelect Jeremiah 10:22

23ידעתי יהוה כי לא לאדם דרכו לא לאיש הלך והכין את צעדוSelect Jeremiah 10:23

24יסרני יהוה אך במשפט אל באפך פן תמעטניSelect Jeremiah 10:24

25שפך חמתך על הגוים אשר לא ידעוך ועל משפחות אשר בשמך לא קראו כי אכלו את יעקב ואכלהו ויכלהו ואת נוהו השמוSelect Jeremiah 10:25