11Jeremiah 11

1הדבר אשר היה אל ירמיהו מאת יהוה לאמרSelect Jeremiah 11:1

2שמעו את דברי הברית הזאת ודברתם אל איש יהודה ועל ישבי ירושלםSelect Jeremiah 11:2

3ואמרת אליהם כה אמר יהוה אלהי ישראל ארור האיש—אשר לא ישמע את דברי הברית הזאתSelect Jeremiah 11:3

4אשר צויתי את אבותיכם ביום הוציאי אותם מארץ מצרים מכור הברזל לאמר שמעו בקולי ועשיתם אותם ככל אשר אצוה אתכם והייתם לי לעם ואנכי אהיה לכם לאלהיםSelect Jeremiah 11:4

5למען הקים את השבועה אשר נשבעתי לאבותיכם לתת להם ארץ זבת חלב ודבש—כיום הזה ואען ואמר אמן יהוהSelect Jeremiah 11:5

6ויאמר יהוה אלי קרא את כל הדברים האלה בערי יהודה ובחצות ירושלם לאמר שמעו את דברי הברית הזאת ועשיתם אותםSelect Jeremiah 11:6

7כי העד העדתי באבותיכם ביום העלותי אותם מארץ מצרים ועד היום הזה השכם והעד לאמר שמעו בקוליSelect Jeremiah 11:7

8ולא שמעו ולא הטו את אזנם וילכו איש בשרירות לבם הרע ואביא עליהם את כל דברי הברית הזאת אשר צויתי לעשות—ולא עשוSelect Jeremiah 11:8

9ויאמר יהוה אלי נמצא קשר באיש יהודה ובישבי ירושלםSelect Jeremiah 11:9

10שבו על עונת אבותם הראשנים אשר מאנו לשמוע את דברי והמה הלכו אחרי אלהים אחרים לעבדם הפרו בית ישראל ובית יהודה את בריתי אשר כרתי את אבותםSelect Jeremiah 11:10

11לכן כה אמר יהוה הנני מביא אליהם רעה אשר לא יוכלו לצאת ממנה וזעקו אלי ולא אשמע אליהםSelect Jeremiah 11:11

12והלכו ערי יהודה וישבי ירושלם וזעקו אל האלהים אשר הם מקטרים להם והושע לא יושיעו להם בעת רעתםSelect Jeremiah 11:12

13כי מספר עריך היו אלהיך יהודה ומספר חצות ירושלם שמתם מזבחות לבשת—מזבחות לקטר לבעלSelect Jeremiah 11:13

14ואתה אל תתפלל בעד העם הזה ואל תשא בעדם רנה ותפלה כי אינני שמע בעת קראם אלי—בעד רעתםSelect Jeremiah 11:14

15מה לידידי בביתי עשותה המזמתה הרבים ובשר קדש יעברו מעליך כי רעתכי אז תעלזיSelect Jeremiah 11:15

16זית רענן יפה פרי תאר קרא יהוה שמך—לקול המולה גדלה הצית אש עליה ורעו דליותיוSelect Jeremiah 11:16

17ויהוה צבאות הנוטע אותך דבר עליך רעה בגלל רעת בית ישראל ובית יהודה אשר עשו להם להכעסני—לקטר לבעלSelect Jeremiah 11:17

18ויהוה הודיעני ואדעה אז הראיתני מעלליהםSelect Jeremiah 11:18

19ואני ככבש אלוף יובל לטבוח ולא ידעתי כי עלי חשבו מחשבות נשחיתה עץ בלחמו ונכרתנו מארץ חיים—ושמו לא יזכר עודSelect Jeremiah 11:19

20ויהוה צבאות שפט צדק בחן כליות ולב אראה נקמתך מהם כי אליך גליתי את ריביSelect Jeremiah 11:20

21לכן כה אמר יהוה על אנשי ענתות המבקשים את נפשך לאמר לא תנבא בשם יהוה ולא תמות בידנוSelect Jeremiah 11:21

22לכן כה אמר יהוה צבאות הנני פקד עליהם הבחורים ימתו בחרב בניהם ובנותיהם ימתו ברעבSelect Jeremiah 11:22

23ושארית לא תהיה להם כי אביא רעה אל אנשי ענתות שנת פקדתםSelect Jeremiah 11:23