14Jeremiah 14

1אשר היה דבר יהוה אל ירמיהו על דברי הבצרותSelect Jeremiah 14:1

2אבלה יהודה ושעריה אמללו קדרו לארץ וצוחת ירושלם עלתהSelect Jeremiah 14:2

3ואדריהם שלחו צעוריהם (צעיריהם) למים באו על גבים לא מצאו מים שבו כליהם ריקם—בשו והכלמו וחפו ראשםSelect Jeremiah 14:3

4בעבור האדמה חתה כי לא היה גשם בארץ בשו אכרים חפו ראשםSelect Jeremiah 14:4

5כי גם אילת בשדה ילדה ועזוב כי לא היה דשאSelect Jeremiah 14:5

6ופראים עמדו על שפים שאפו רוח כתנים כלו עיניהם כי אין עשבSelect Jeremiah 14:6

7אם עונינו ענו בנו—יהוה עשה למען שמך כי רבו משובתינו לך חטאנוSelect Jeremiah 14:7

8מקוה ישראל מושיעו בעת צרה—למה תהיה כגר בארץ וכארח נטה ללוןSelect Jeremiah 14:8

9למה תהיה כאיש נדהם כגבור לא יוכל להושיע ואתה בקרבנו יהוה ושמך עלינו נקרא—אל תנחנוSelect Jeremiah 14:9

10כה אמר יהוה לעם הזה כן אהבו לנוע—רגליהם לא חשכו ויהוה לא רצם—עתה יזכר עונם ויפקד חטאתםSelect Jeremiah 14:10

11ויאמר יהוה אלי אל תתפלל בעד העם הזה לטובהSelect Jeremiah 14:11

12כי יצמו אינני שמע אל רנתם וכי יעלו עלה ומנחה אינני רצם כי בחרב וברעב ובדבר אנכי מכלה אותםSelect Jeremiah 14:12

13ואמר אהה אדני יהוה הנה הנבאים אמרים להם לא תראו חרב ורעב לא יהיה לכם כי שלום אמת אתן לכם במקום הזהSelect Jeremiah 14:13

14ויאמר יהוה אלי שקר הנבאים נבאים בשמי—לא שלחתים ולא צויתים ולא דברתי אליהם חזון שקר וקסם ואלול (ואליל) ותרמות (ותרמית) לבם המה מתנבאים לכםSelect Jeremiah 14:14

15לכן כה אמר יהוה על הנבאים הנבאים בשמי ואני לא שלחתים והמה אמרים חרב ורעב לא יהיה בארץ הזאת בחרב וברעב יתמו הנבאים ההמהSelect Jeremiah 14:15

16והעם אשר המה נבאים להם יהיו משלכים בחצות ירושלם מפני הרעב והחרב ואין מקבר להמה—המה נשיהם ובניהם ובנתיהם ושפכתי עליהם את רעתםSelect Jeremiah 14:16

17ואמרת אליהם את הדבר הזה תרדנה עיני דמעה לילה ויומם ואל תדמינה כי שבר גדול נשברה בתולת בת עמי—מכה נחלה מאדSelect Jeremiah 14:17

18אם יצאתי השדה והנה חללי חרב ואם באתי העיר והנה תחלואי רעב כי גם נביא גם כהן סחרו אל ארץ ולא ידעוSelect Jeremiah 14:18

19המאס מאסת את יהודה אם בציון געלה נפשך—מדוע הכיתנו ואין לנו מרפא קוה לשלום ואין טוב ולעת מרפא והנה בעתהSelect Jeremiah 14:19

20ידענו יהוה רשענו עון אבותינו כי חטאנו לךSelect Jeremiah 14:20

21אל תנאץ למען שמך אל תנבל כסא כבודך זכר אל תפר בריתך אתנוSelect Jeremiah 14:21

22היש בהבלי הגוים מגשמים ואם השמים יתנו רבבים הלא אתה הוא יהוה אלהינו ונקוה לך—כי אתה עשית את כל אלהSelect Jeremiah 14:22