2Jeremiah 2

1ויהי דבר יהוה אלי לאמרSelect Jeremiah 2:1

2הלך וקראת באזני ירושלם לאמר כה אמר יהוה זכרתי לך חסד נעוריך אהבת כלולתיך—לכתך אחרי במדבר בארץ לא זרועהSelect Jeremiah 2:2

3קדש ישראל ליהוה ראשית תבואתה כל אכליו יאשמו רעה תבא אליהם נאם יהוהSelect Jeremiah 2:3

4שמעו דבר יהוה בית יעקב וכל משפחות בית ישראלSelect Jeremiah 2:4

5כה אמר יהוה מה מצאו אבותיכם בי עול—כי רחקו מעלי וילכו אחרי ההבל ויהבלוSelect Jeremiah 2:5

6ולא אמרו—איה יהוה המעלה אתנו מארץ מצרים המוליך אתנו במדבר בארץ ערבה ושוחה בארץ ציה וצלמות—בארץ לא עבר בה איש ולא ישב אדם שםSelect Jeremiah 2:6

7ואביא אתכם אל ארץ הכרמל לאכל פריה וטובה ותבאו ותטמאו את ארצי ונחלתי שמתם לתועבהSelect Jeremiah 2:7

8הכהנים לא אמרו איה יהוה ותפשי התורה לא ידעוני והרעים פשעו בי והנבאים נבאו בבעל ואחרי לא יועלו הלכוSelect Jeremiah 2:8

9לכן עד אריב אתכם—נאם יהוה ואת בני בניכם אריבSelect Jeremiah 2:9

10כי עברו איי כתיים וראו וקדר שלחו והתבוננו מאד וראו הן היתה כזאתSelect Jeremiah 2:10

11ההימיר גוי אלהים והמה לא אלהים ועמי המיר כבודו בלוא יועילSelect Jeremiah 2:11

12שמו שמים על זאת ושערו חרבו מאד נאם יהוהSelect Jeremiah 2:12

13כי שתים רעות עשה עמי אתי עזבו מקור מים חיים לחצב להם בארות—בארת נשברים אשר לא יכלו המיםSelect Jeremiah 2:13

14העבד ישראל—אם יליד בית הוא מדוע היה לבזSelect Jeremiah 2:14

15עליו ישאגו כפרים נתנו קולם וישיתו ארצו לשמה עריו נצתה (נצתו) מבלי ישבSelect Jeremiah 2:15

16גם בני נף ותחפנס (ותחפנחס) ירעוך קדקדSelect Jeremiah 2:16

17הלוא זאת תעשה לך עזבך את יהוה אלהיך בעת מולכך בדרךSelect Jeremiah 2:17

18ועתה מה לך לדרך מצרים לשתות מי שחור ומה לך לדרך אשור לשתות מי נהרSelect Jeremiah 2:18

19תיסרך רעתך ומשבותיך תוכחך ודעי וראי כי רע ומר עזבך את יהוה אלהיך ולא פחדתי אליך נאם אדני יהוה צבאותSelect Jeremiah 2:19

20כי מעולם שברתי עלך נתקתי מוסרותיך ותאמרי לא אעבוד (אעבור) כי על כל גבעה גבהה ותחת כל עץ רענן את צעה זנהSelect Jeremiah 2:20

21ואנכי נטעתיך שורק כלה זרע אמת ואיך נהפכת לי סורי הגפן נכריהSelect Jeremiah 2:21

22כי אם תכבסי בנתר ותרבי לך ברית—נכתם עונך לפני נאם אדני יהוהSelect Jeremiah 2:22

23איך תאמרי לא נטמאתי אחרי הבעלים לא הלכתי—ראי דרכך בגיא דעי מה עשית בכרה קלה משרכת דרכיהSelect Jeremiah 2:23

24פרה למד מדבר באות נפשו (נפשה) שאפה רוח—תאנתה מי ישיבנה כל מבקשיה לא ייעפו בחדשה ימצאונהSelect Jeremiah 2:24

25מנעי רגלך מיחף וגורנך (וגרונך) מצמאה ותאמרי נואש—לוא כי אהבתי זרים ואחריהם אלךSelect Jeremiah 2:25

26כבשת גנב כי ימצא כן הבישו בית ישראל המה מלכיהם שריהם וכהניהם ונביאיהםSelect Jeremiah 2:26

27אמרים לעץ אבי אתה ולאבן את ילדתני (ילדתנו) כי פנו אלי ערף ולא פנים ובעת רעתם יאמרו קומה והושיענוSelect Jeremiah 2:27

28ואיה אלהיך אשר עשית לך—יקומו אם יושיעוך בעת רעתך כי מספר עריך היו אלהיך יהודהSelect Jeremiah 2:28

29למה תריבו אלי כלכם פשעתם בי נאם יהוהSelect Jeremiah 2:29

30לשוא הכיתי את בניכם מוסר לא לקחו אכלה חרבכם נביאיכם כאריה משחיתSelect Jeremiah 2:30

31הדור אתם ראו דבר יהוה המדבר הייתי לישראל אם ארץ מאפליה מדוע אמרו עמי רדנו—לוא נבוא עוד אליךSelect Jeremiah 2:31

32התשכח בתולה עדיה כלה קשריה ועמי שכחוני ימים אין מספרSelect Jeremiah 2:32

33מה תיטבי דרכך לבקש אהבה לכן גם את הרעות למדתי (למדת) את דרכיךSelect Jeremiah 2:33

34גם בכנפיך נמצאו דם נפשות אביונים נקיים לא במחתרת מצאתים כי על כל אלהSelect Jeremiah 2:34

35ותאמרי כי נקיתי אך שב אפו ממני הנני נשפט אותך על אמרך לא חטאתיSelect Jeremiah 2:35

36מה תזלי מאד לשנות את דרכך גם ממצרים תבשי כאשר בשת מאשורSelect Jeremiah 2:36

37גם מאת זה תצאי וידיך על ראשך כי מאס יהוה במבטחיך ולא תצליחי להםSelect Jeremiah 2:37