20Jeremiah 20

1וישמע פשחור בן אמר הכהן והוא פקיד נגיד בבית יהוה את ירמיהו נבא את הדברים האלהSelect Jeremiah 20:1

2ויכה פשחור את ירמיהו הנביא ויתן אתו על המהפכת אשר בשער בנימן העליון אשר בבית יהוהSelect Jeremiah 20:2

3ויהי ממחרת ויצא פשחור את ירמיהו מן המהפכת ויאמר אליו ירמיהו לא פשחור קרא יהוה שמך—כי אם מגור מסביבSelect Jeremiah 20:3

4כי כה אמר יהוה הנני נתנך למגור לך ולכל אהביך ונפלו בחרב איביהם—ועיניך ראות ואת כל יהודה אתן ביד מלך בבל והגלם בבלה והכם בחרבSelect Jeremiah 20:4

5ונתתי את כל חסן העיר הזאת ואת כל יגיעה ואת כל יקרה ואת כל אוצרות מלכי יהודה אתן ביד איביהם ובזזום ולקחום והביאום בבלהSelect Jeremiah 20:5

6ואתה פשחור וכל ישבי ביתך תלכו בשבי ובבל תבוא ושם תמות ושם תקבר—אתה וכל אהביך אשר נבאת להם בשקרSelect Jeremiah 20:6

7פתיתני יהוה ואפת חזקתני ותוכל הייתי לשחוק כל היום כלה לעג ליSelect Jeremiah 20:7

8כי מדי אדבר אזעק חמס ושד אקרא כי היה דבר יהוה לי לחרפה ולקלס כל היוםSelect Jeremiah 20:8

9ואמרתי לא אזכרנו ולא אדבר עוד בשמו והיה בלבי כאש בערת עצר בעצמתי ונלאיתי כלכל ולא אוכלSelect Jeremiah 20:9

10כי שמעתי דבת רבים מגור מסביב הגידו ונגידנו כל אנוש שלמי שמרי צלעי אולי יפתה ונוכלה לו ונקחה נקמתנו ממנוSelect Jeremiah 20:10

11ויהוה אותי כגבור עריץ על כן רדפי יכשלו ולא יכלו בשו מאד כי לא השכילו כלמת עולם לא תשכחSelect Jeremiah 20:11

12ויהוה צבאות בחן צדיק ראה כליות ולב אראה נקמתך מהם כי אליך גליתי את ריביSelect Jeremiah 20:12

13שירו ליהוה—הללו את יהוה כי הציל את נפש אביון מיד מרעיםSelect Jeremiah 20:13

14ארור היום אשר ילדתי בו יום אשר ילדתני אמי אל יהי ברוךSelect Jeremiah 20:14

15ארור האיש אשר בשר את אבי לאמר ילד לך בן זכר—שמח שמחהוSelect Jeremiah 20:15

16והיה האיש ההוא כערים אשר הפך יהוה ולא נחם ושמע זעקה בבקר ותרועה בעת צהריםSelect Jeremiah 20:16

17אשר לא מותתני מרחם ותהי לי אמי קברי ורחמה הרת עולםSelect Jeremiah 20:17

18למה זה מרחם יצאתי לראות עמל ויגון ויכלו בבשת ימיSelect Jeremiah 20:18