21Jeremiah 21

1הדבר אשר היה אל ירמיהו מאת יהוה—בשלח אליו המלך צדקיהו את פשחור בן מלכיה ואת צפניה בן מעשיה הכהן לאמרSelect Jeremiah 21:1

2דרש נא בעדנו את יהוה כי נבוכדראצר מלך בבל נלחם עלינו אולי יעשה יהוה אותנו ככל נפלאתיו ויעלה מעלינוSelect Jeremiah 21:2

3ויאמר ירמיהו אליהם כה תאמרן אל צדקיהוSelect Jeremiah 21:3

4כה אמר יהוה אלהי ישראל הנני מסב את כלי המלחמה אשר בידכם אשר אתם נלחמים בם את מלך בבל ואת הכשדים הצרים עליכם מחוץ לחומה ואספתי אותם אל תוך העיר הזאתSelect Jeremiah 21:4

5ונלחמתי אני אתכם ביד נטויה ובזרוע חזקה ובאף ובחמה ובקצף גדולSelect Jeremiah 21:5

6והכיתי את יושבי העיר הזאת ואת האדם ואת הבהמה בדבר גדול ימתוSelect Jeremiah 21:6

7ואחרי כן נאם יהוה אתן את צדקיהו מלך יהודה ואת עבדיו ואת העם ואת הנשארים בעיר הזאת מן הדבר מן החרב ומן הרעב ביד נבוכדראצר מלך בבל וביד איביהם וביד מבקשי נפשם והכם לפי חרב—לא יחוס עליהם ולא יחמל ולא ירחםSelect Jeremiah 21:7

8ואל העם הזה תאמר כה אמר יהוה הנני נתן לפניכם את דרך החיים ואת דרך המותSelect Jeremiah 21:8

9הישב בעיר הזאת ימות בחרב וברעב ובדבר והיוצא ונפל על הכשדים הצרים עליכם יחיה (וחיה) והיתה לו נפשו לשללSelect Jeremiah 21:9

10כי שמתי פני בעיר הזאת לרעה ולא לטובה—נאם יהוה ביד מלך בבל תנתן ושרפה באשSelect Jeremiah 21:10

11ולבית מלך יהודה שמעו דבר יהוהSelect Jeremiah 21:11

12בית דוד כה אמר יהוה דינו לבקר משפט והצילו גזול מיד עושק פן תצא כאש חמתי ובערה ואין מכבה מפני רע מעלליהם (מעלליכם)Select Jeremiah 21:12

13הנני אליך ישבת העמק צור המישר—נאם יהוה האמרים מי יחת עלינו ומי יבוא במעונותינוSelect Jeremiah 21:13

14ופקדתי עליכם כפרי מעלליכם נאם יהוה והצתי אש ביערה ואכלה כל סביביהSelect Jeremiah 21:14