22Jeremiah 22

1כה אמר יהוה רד בית מלך יהודה ודברת שם את הדבר הזהSelect Jeremiah 22:1

2ואמרת שמע דבר יהוה מלך יהודה הישב על כסא דוד אתה ועבדיך ועמך הבאים בשערים האלהSelect Jeremiah 22:2

3כה אמר יהוה עשו משפט וצדקה והצילו גזול מיד עשוק וגר יתום ואלמנה אל תנו אל תחמסו ודם נקי אל תשפכו במקום הזהSelect Jeremiah 22:3

4כי אם עשו תעשו את הדבר הזה—ובאו בשערי הבית הזה מלכים ישבים לדוד על כסאו רכבים ברכב ובסוסים הוא ועבדו ועמוSelect Jeremiah 22:4

5ואם לא תשמעו את הדברים האלה—בי נשבעתי נאם יהוה כי לחרבה יהיה הבית הזהSelect Jeremiah 22:5

6כי כה אמר יהוה על בית מלך יהודה גלעד אתה לי ראש הלבנון אם לא אשיתך מדבר ערים לא נושבה (נושבו)Select Jeremiah 22:6

7וקדשתי עליך משחתים איש וכליו וכרתו מבחר ארזיך והפילו על האשSelect Jeremiah 22:7

8ועברו גוים רבים על העיר הזאת ואמרו איש אל רעהו על מה עשה יהוה ככה לעיר הגדולה הזאתSelect Jeremiah 22:8

9ואמרו—על אשר עזבו את ברית יהוה אלהיהם וישתחוו לאלהים אחרים ויעבדוםSelect Jeremiah 22:9

10אל תבכו למת ואל תנדו לו בכו בכו להלך—כי לא ישוב עוד וראה את ארץ מולדתוSelect Jeremiah 22:10

11כי כה אמר יהוה אל שלם בן יאשיהו מלך יהודה המלך תחת יאשיהו אביו אשר יצא מן המקום הזה לא ישוב שם עודSelect Jeremiah 22:11

12כי במקום אשר הגלו אתו—שם ימות ואת הארץ הזאת לא יראה עודSelect Jeremiah 22:12

13הוי בנה ביתו בלא צדק ועליותיו בלא משפט ברעהו יעבד חנם ופעלו לא יתן לוSelect Jeremiah 22:13

14האמר אבנה לי בית מדות ועליות מרוחים וקרע לו חלוני וספון בארז ומשוח בששרSelect Jeremiah 22:14

15התמלך כי אתה מתחרה בארז אביך הלוא אכל ושתה ועשה משפט וצדקה—אז טוב לוSelect Jeremiah 22:15

16דן דין עני ואביון אז טוב הלוא היא הדעת אתי נאם יהוהSelect Jeremiah 22:16

17כי אין עיניך ולבך כי אם על בצעך ועל דם הנקי לשפוך ועל העשק ועל המרוצה לעשותSelect Jeremiah 22:17

18לכן כה אמר יהוה אל יהויקים בן יאשיהו מלך יהודה לא יספדו לו הוי אחי והוי אחות לא יספדו לו הוי אדון והוי הדהSelect Jeremiah 22:18

19קבורת חמור יקבר סחוב והשלך מהלאה לשערי ירושלםSelect Jeremiah 22:19

20עלי הלבנון וצעקי ובבשן תני קולך וצעקי מעברים כי נשברו כל מאהביךSelect Jeremiah 22:20

21דברתי אליך בשלותיך אמרת לא אשמע זה דרכך מנעוריך כי לא שמעת בקוליSelect Jeremiah 22:21

22כל רעיך תרעה רוח ומאהביך בשבי ילכו כי אז תבשי ונכלמת מכל רעתךSelect Jeremiah 22:22

23ישבתי (ישבת) בלבנון מקננתי (מקננת) בארזים מה נחנת בבא לך חבלים חיל כילדהSelect Jeremiah 22:23

24חי אני נאם יהוה כי אם יהיה כניהו בן יהויקים מלך יהודה חותם על יד ימיני כי משם אתקנךSelect Jeremiah 22:24

25ונתתיך ביד מבקשי נפשך וביד אשר אתה יגור מפניהם—וביד נבוכדראצר מלך בבל וביד הכשדיםSelect Jeremiah 22:25

26והטלתי אתך ואת אמך אשר ילדתך על הארץ אחרת אשר לא ילדתם שם ושם תמותוSelect Jeremiah 22:26

27ועל הארץ אשר הם מנשאים את נפשם—לשוב שם שמה לא ישובוSelect Jeremiah 22:27

28העצב נבזה נפוץ האיש הזה כניהו אם כלי אין חפץ בו מדוע הוטלו הוא וזרעו והשלכו על הארץ אשר לא ידעוSelect Jeremiah 22:28

29ארץ ארץ ארץ—שמעי דבר יהוהSelect Jeremiah 22:29

30כה אמר יהוה כתבו את האיש הזה ערירי—גבר לא יצלח בימיו כי לא יצלח מזרעו איש ישב על כסא דוד ומשל עוד ביהודהSelect Jeremiah 22:30