23Jeremiah 23

1הוי רעים מאבדים ומפצים את צאן מרעיתי—נאם יהוהSelect Jeremiah 23:1

2לכן כה אמר יהוה אלהי ישראל על הרעים הרעים את עמי אתם הפצתם את צאני ותדחום ולא פקדתם אתם הנני פקד עליכם את רע מעלליכם נאם יהוהSelect Jeremiah 23:2

3ואני אקבץ את שארית צאני מכל הארצות אשר הדחתי אתם שם והשבתי אתהן על נוהן ופרו ורבוSelect Jeremiah 23:3

4והקמתי עליהם רעים ורעום ולא ייראו עוד ולא יחתו ולא יפקדו נאם יהוהSelect Jeremiah 23:4

5הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץSelect Jeremiah 23:5

6בימיו תושע יהודה וישראל ישכן לבטח וזה שמו אשר יקראו יהוה צדקנוSelect Jeremiah 23:6

7לכן הנה ימים באים נאם יהוה ולא יאמרו עוד חי יהוה אשר העלה את בני ישראל מארץ מצריםSelect Jeremiah 23:7

8כי אם חי יהוה אשר העלה ואשר הביא את זרע בית ישראל מארץ צפונה ומכל הארצות אשר הדחתים שם וישבו על אדמתםSelect Jeremiah 23:8

9לנבאים נשבר לבי בקרבי רחפו כל עצמותי—הייתי כאיש שכור וכגבר עברו יין מפני יהוה ומפני דברי קדשוSelect Jeremiah 23:9

10כי מנאפים מלאה הארץ—כי מפני אלה אבלה הארץ יבשו נאות מדבר ותהי מרוצתם רעה וגבורתם לא כןSelect Jeremiah 23:10

11כי גם נביא גם כהן חנפו גם בביתי מצאתי רעתם נאם יהוהSelect Jeremiah 23:11

12לכן יהיה דרכם להם כחלקלקות באפלה ידחו ונפלו בה כי אביא עליהם רעה שנת פקדתם נאם יהוהSelect Jeremiah 23:12

13ובנביאי שמרון ראיתי תפלה הנבאו בבעל ויתעו את עמי את ישראלSelect Jeremiah 23:13

14ובנבאי ירושלם ראיתי שערורה נאוף והלך בשקר וחזקו ידי מרעים לבלתי שבו איש מרעתו היו לי כלם כסדם וישביה כעמרהSelect Jeremiah 23:14

15לכן כה אמר יהוה צבאות על הנבאים הנני מאכיל אותם לענה והשקתים מי ראש כי מאת נביאי ירושלם יצאה חנפה לכל הארץSelect Jeremiah 23:15

16כה אמר יהוה צבאות אל תשמעו על דברי הנבאים הנבאים לכם—מהבלים המה אתכם חזון לבם ידברו לא מפי יהוהSelect Jeremiah 23:16

17אמרים אמור למנאצי דבר יהוה שלום יהיה לכם וכל הלך בשררות לבו אמרו לא תבוא עליכם רעהSelect Jeremiah 23:17

18כי מי עמד בסוד יהוה וירא וישמע את דברו מי הקשיב דברי (דברו) וישמעSelect Jeremiah 23:18

19הנה סערת יהוה חמה יצאה וסער מתחולל על ראש רשעים יחולSelect Jeremiah 23:19

20לא ישוב אף יהוה עד עשתו ועד הקימו מזמות לבו באחרית הימים תתבוננו בה בינהSelect Jeremiah 23:20

21לא שלחתי את הנבאים והם רצו לא דברתי אליהם והם נבאוSelect Jeremiah 23:21

22ואם עמדו בסודי—וישמעו דברי את עמי וישבום מדרכם הרע ומרע מעלליהםSelect Jeremiah 23:22

23האלהי מקרב אני נאם יהוה ולא אלהי מרחקSelect Jeremiah 23:23

24אם יסתר איש במסתרים ואני לא אראנו נאם יהוה הלוא את השמים ואת הארץ אני מלא נאם יהוהSelect Jeremiah 23:24

25שמעתי את אשר אמרו הנבאים הנבאים בשמי שקר לאמר חלמתי חלמתיSelect Jeremiah 23:25

26עד מתי היש בלב הנבאים—נבאי השקר ונביאי תרמת לבםSelect Jeremiah 23:26

27החשבים להשכיח את עמי שמי בחלומתם אשר יספרו איש לרעהו—כאשר שכחו אבותם את שמי בבעלSelect Jeremiah 23:27

28הנביא אשר אתו חלום יספר חלום ואשר דברי אתו ידבר דברי אמת מה לתבן את הבר נאם יהוהSelect Jeremiah 23:28

29הלוא כה דברי כאש נאם יהוה וכפטיש יפצץ סלעSelect Jeremiah 23:29

30לכן הנני על הנבאים נאם יהוה מגנבי דברי איש מאת רעהוSelect Jeremiah 23:30

31הנני על הנביאם נאם יהוה הלקחים לשונם וינאמו נאםSelect Jeremiah 23:31

32הנני על נבאי חלמות שקר נאם יהוה ויספרום ויתעו את עמי בשקריהם ובפחזותם ואנכי לא שלחתים ולא צויתים והועיל לא יועילו לעם הזה—נאם יהוהSelect Jeremiah 23:32

33וכי ישאלך העם הזה או הנביא או כהן לאמר מה משא יהוה—ואמרת אליהם את מה משא ונטשתי אתכם נאם יהוהSelect Jeremiah 23:33

34והנביא והכהן והעם אשר יאמר משא יהוה—ופקדתי על האיש ההוא ועל ביתוSelect Jeremiah 23:34

35כה תאמרו איש על רעהו ואיש אל אחיו מה ענה יהוה ומה דבר יהוהSelect Jeremiah 23:35

36ומשא יהוה לא תזכרו עוד כי המשא יהיה לאיש דברו והפכתם את דברי אלהים חיים יהוה צבאות אלהינוSelect Jeremiah 23:36

37כה תאמר אל הנביא מה ענך יהוה ומה דבר יהוהSelect Jeremiah 23:37

38ואם משא יהוה תאמרו לכן כה אמר יהוה יען אמרכם את הדבר הזה משא יהוה—ואשלח אליכם לאמר לא תאמרו משא יהוהSelect Jeremiah 23:38

39לכן הנני ונשיתי אתכם נשא ונטשתי אתכם ואת העיר אשר נתתי לכם ולאבותיכם—מעל פניSelect Jeremiah 23:39

40ונתתי עליכם חרפת עולם וכלמות עולם אשר לא תשכחSelect Jeremiah 23:40