26Jeremiah 26

1בראשית ממלכות יהויקים בן יאשיהו—מלך יהודה היה הדבר הזה מאת יהוה לאמרSelect Jeremiah 26:1

2כה אמר יהוה עמד בחצר בית יהוה ודברת על כל ערי יהודה הבאים להשתחות בית יהוה את כל הדברים אשר צויתיך לדבר אליהם אל תגרע דברSelect Jeremiah 26:2

3אולי ישמעו—וישבו איש מדרכו הרעה ונחמתי אל הרעה אשר אנכי חשב לעשות להם מפני רע מעלליהםSelect Jeremiah 26:3

4ואמרת אליהם כה אמר יהוה אם לא תשמעו אלי ללכת בתורתי אשר נתתי לפניכםSelect Jeremiah 26:4

5לשמע על דברי עבדי הנבאים אשר אנכי שלח אליכם והשכם ושלח ולא שמעתםSelect Jeremiah 26:5

6ונתתי את הבית הזה כשלה ואת העיר הזאתה (הזאת) אתן לקללה לכל גוי הארץSelect Jeremiah 26:6

7וישמעו הכהנים והנבאים וכל העם את ירמיהו מדבר את הדברים האלה בבית יהוהSelect Jeremiah 26:7

8ויהי ככלות ירמיהו לדבר את כל אשר צוה יהוה לדבר אל כל העם ויתפשו אתו הכהנים והנביאים וכל העם לאמר—מות תמותSelect Jeremiah 26:8

9מדוע נבית בשם יהוה לאמר כשלו יהיה הבית הזה והעיר הזאת תחרב מאין יושב ויקהל כל העם אל ירמיהו בבית יהוהSelect Jeremiah 26:9

10וישמעו שרי יהודה את הדברים האלה ויעלו מבית המלך בית יהוה וישבו בפתח שער יהוה החדשSelect Jeremiah 26:10

11ויאמרו הכהנים והנבאים אל השרים ואל כל העם לאמר משפט מות לאיש הזה כי נבא אל העיר הזאת כאשר שמעתם באזניכםSelect Jeremiah 26:11

12ויאמר ירמיהו אל כל השרים ואל כל העם לאמר יהוה שלחני להנבא אל הבית הזה ואל העיר הזאת את כל הדברים אשר שמעתםSelect Jeremiah 26:12

13ועתה היטיבו דרכיכם ומעלליכם ושמעו בקול יהוה אלהיכם וינחם יהוה—אל הרעה אשר דבר עליכםSelect Jeremiah 26:13

14ואני הנני בידכם עשו לי כטוב וכישר בעיניכםSelect Jeremiah 26:14

15אך ידע תדעו כי אם ממתים אתם אתי—כי דם נקי אתם נתנים עליכם ואל העיר הזאת ואל ישביה כי באמת שלחני יהוה עליכם לדבר באזניכם את כל הדברים האלהSelect Jeremiah 26:15

16ויאמרו השרים וכל העם אל הכהנים ואל הנביאים אין לאיש הזה משפט מות כי בשם יהוה אלהינו דבר אלינוSelect Jeremiah 26:16

17ויקמו אנשים מזקני הארץ ויאמרו אל כל קהל העם לאמרSelect Jeremiah 26:17

18מיכיה (מיכה) המורשתי היה נבא בימי חזקיהו מלך יהודה ויאמר אל כל עם יהודה לאמר כה אמר יהוה צבאות ציון שדה תחרש וירושלים עיים תהיה והר הבית לבמות יערSelect Jeremiah 26:18

19ההמת המתהו חזקיהו מלך יהודה וכל יהודה הלא ירא את יהוה—ויחל את פני יהוה וינחם יהוה אל הרעה אשר דבר עליהם ואנחנו עשים רעה גדולה—על נפשותינוSelect Jeremiah 26:19

20וגם איש היה מתנבא בשם יהוה אוריהו בן שמעיהו מקרית היערים וינבא על העיר הזאת ועל הארץ הזאת ככל דברי ירמיהוSelect Jeremiah 26:20

21וישמע המלך יהויקים וכל גבוריו וכל השרים את דבריו ויבקש המלך המיתו וישמע אוריהו וירא ויברח ויבא מצריםSelect Jeremiah 26:21

22וישלח המלך יהויקים אנשים—מצרים את אלנתן בן עכבור ואנשים אתו אל מצריםSelect Jeremiah 26:22

23ויוציאו את אוריהו ממצרים ויבאהו אל המלך יהויקים ויכהו בחרב וישלך את נבלתו אל קברי בני העםSelect Jeremiah 26:23

24אך יד אחיקם בן שפן היתה את ירמיהו—לבלתי תת אתו ביד העם להמיתוSelect Jeremiah 26:24