29Jeremiah 29

1ואלה דברי הספר אשר שלח ירמיה הנביא מירושלם—אל יתר זקני הגולה ואל הכהנים ואל הנביאים ואל כל העם אשר הגלה נבוכדנאצר מירושלם בבלהSelect Jeremiah 29:1

2אחרי צאת יכניה המלך והגבירה והסריסים שרי יהודה וירושלם והחרש והמסגר—מירושלםSelect Jeremiah 29:2

3ביד אלעשה בן שפן וגמריה בן חלקיה אשר שלח צדקיה מלך יהודה אל נבוכדנאצר מלך בבל—בבלה לאמרSelect Jeremiah 29:3

4כה אמר יהוה צבאות אלהי ישראל לכל הגולה—אשר הגליתי מירושלם בבלהSelect Jeremiah 29:4

5בנו בתים ושבו ונטעו גנות ואכלו את פריןSelect Jeremiah 29:5

6קחו נשים והולידו בנים ובנות וקחו לבניכם נשים ואת בנותיכם תנו לאנשים ותלדנה בנים ובנות ורבו שם ואל תמעטוSelect Jeremiah 29:6

7ודרשו את שלום העיר אשר הגליתי אתכם שמה והתפללו בעדה אל יהוה כי בשלומה יהיה לכם שלוםSelect Jeremiah 29:7

8כי כה אמר יהוה צבאות אלהי ישראל אל ישיאו לכם נביאיכם אשר בקרבכם וקסמיכם ואל תשמעו אל חלמתיכם אשר אתם מחלמיםSelect Jeremiah 29:8

9כי בשקר הם נבאים לכם בשמי לא שלחתים נאם יהוהSelect Jeremiah 29:9

10כי כה אמר יהוה כי לפי מלאת לבבל שבעים שנה אפקד אתכם והקמתי עליכם את דברי הטוב להשיב אתכם אל המקום הזהSelect Jeremiah 29:10

11כי אנכי ידעתי את המחשבת אשר אנכי חשב עליכם—נאם יהוה מחשבות שלום ולא לרעה לתת לכם אחרית ותקוהSelect Jeremiah 29:11

12וקראתם אתי והלכתם והתפללתם אלי ושמעתי אליכםSelect Jeremiah 29:12

13ובקשתם אתי ומצאתם כי תדרשני בכל לבבכםSelect Jeremiah 29:13

14ונמצאתי לכם נאם יהוה ושבתי את שביתכם (שבותכם) וקבצתי אתכם מכל הגוים ומכל המקומות אשר הדחתי אתכם שם נאם יהוה והשבתי אתכם—אל המקום אשר הגליתי אתכם משםSelect Jeremiah 29:14

15כי אמרתם הקים לנו יהוה נבאים בבלהSelect Jeremiah 29:15

16כי כה אמר יהוה אל המלך היושב אל כסא דוד ואל כל העם היושב בעיר הזאת אחיכם אשר לא יצאו אתכם בגולהSelect Jeremiah 29:16

17כה אמר יהוה צבאות הנני משלח בם את החרב את הרעב ואת הדבר ונתתי אותם כתאנים השערים אשר לא תאכלנה מרעSelect Jeremiah 29:17

18ורדפתי אחריהם בחרב ברעב ובדבר ונתתים לזועה (לזעוה) לכל ממלכות הארץ לאלה ולשמה ולשרקה ולחרפה בכל הגוים אשר הדחתים שםSelect Jeremiah 29:18

19תחת אשר לא שמעו אל דברי נאם יהוה—אשר שלחתי אליהם את עבדי הנבאים השכם ושלח ולא שמעתם נאם יהוהSelect Jeremiah 29:19

20ואתם שמעו דבר יהוה כל הגולה—אשר שלחתי מירושלם בבלהSelect Jeremiah 29:20

21כה אמר יהוה צבאות אלהי ישראל אל אחאב בן קוליה ואל צדקיהו בן מעשיה הנבאים לכם בשמי שקר הנני נתן אתם ביד נבוכדראצר מלך בבל והכם לעיניכםSelect Jeremiah 29:21

22ולקח מהם קללה לכל גלות יהודה אשר בבבל לאמר ישמך יהוה כצדקיהו וכאחב אשר קלם מלך בבל באשSelect Jeremiah 29:22

23יען אשר עשו נבלה בישראל וינאפו את נשי רעיהם וידברו דבר בשמי שקר אשר לוא צויתם ואנכי הוידע (היודע) ועד נאם יהוהSelect Jeremiah 29:23

24ואל שמעיהו הנחלמי תאמר לאמרSelect Jeremiah 29:24

25כה אמר יהוה צבאות אלהי ישראל—לאמר יען אשר אתה שלחת בשמכה ספרים אל כל העם אשר בירושלם ואל צפניה בן מעשיה הכהן ואל כל הכהנים לאמרSelect Jeremiah 29:25

26יהוה נתנך כהן תחת יהוידע הכהן להיות פקדים בית יהוה לכל איש משגע ומתנבא ונתתה אתו אל המהפכת ואל הצינקSelect Jeremiah 29:26

27ועתה למה לא גערת בירמיהו הענתתי—המתנבא לכםSelect Jeremiah 29:27

28כי על כן שלח אלינו בבל לאמר—ארכה היא בנו בתים ושבו ונטעו גנות ואכלו את פריהןSelect Jeremiah 29:28

29ויקרא צפניה הכהן את הספר הזה באזני ירמיהו הנביאSelect Jeremiah 29:29

30ויהי דבר יהוה אל ירמיהו לאמרSelect Jeremiah 29:30

31שלח על כל הגולה לאמר כה אמר יהוה אל שמעיה הנחלמי יען אשר נבא לכם שמעיה ואני לא שלחתיו ויבטח אתכם על שקרSelect Jeremiah 29:31

32לכן כה אמר יהוה הנני פקד על שמעיה הנחלמי ועל זרעו—לא יהיה לו איש יושב בתוך העם הזה ולא יראה בטוב אשר אני עשה לעמי נאם יהוה כי סרה דבר על יהוהSelect Jeremiah 29:32