32Jeremiah 32

1הדבר אשר היה אל ירמיהו מאת יהוה בשנת (בשנה) העשרית לצדקיהו מלך יהודה—היא השנה שמנה עשרה שנה לנבוכדראצרSelect Jeremiah 32:1

2ואז חיל מלך בבל צרים על ירושלם וירמיהו הנביא היה כלוא בחצר המטרה אשר בית מלך יהודהSelect Jeremiah 32:2

3אשר כלאו צדקיהו מלך יהודה לאמר מדוע אתה נבא לאמר כה אמר יהוה הנני נתן את העיר הזאת ביד מלך בבל ולכדהSelect Jeremiah 32:3

4וצדקיהו מלך יהודה לא ימלט מיד הכשדים כי הנתן ינתן ביד מלך בבל ודבר פיו עם פיו ועיניו את עינו תראינהSelect Jeremiah 32:4

5ובבל יולך את צדקיהו ושם יהיה עד פקדי אתו נאם יהוה כי תלחמו את הכשדים לא תצליחוSelect Jeremiah 32:5

6ויאמר ירמיהו היה דבר יהוה אלי לאמרSelect Jeremiah 32:6

7הנה חנמאל בן שלם דדך בא אליך לאמר קנה לך את שדי אשר בענתות—כי לך משפט הגאלה לקנותSelect Jeremiah 32:7

8ויבא אלי חנמאל בן דדי כדבר יהוה אל חצר המטרה ויאמר אלי קנה נא את שדי אשר בענתות אשר בארץ בנימין כי לך משפט הירשה ולך הגאלה קנה לך ואדע כי דבר יהוה הואSelect Jeremiah 32:8

9ואקנה את השדה מאת חנמאל בן דדי אשר בענתות ואשקלה לו את הכסף שבעה שקלים ועשרה הכסףSelect Jeremiah 32:9

10ואכתב בספר ואחתם ואעד עדים ואשקל הכסף במאזניםSelect Jeremiah 32:10

11ואקח את ספר המקנה את החתום המצוה והחקים ואת הגלויSelect Jeremiah 32:11

12ואתן את הספר המקנה אל ברוך בן נריה בן מחסיה לעיני חנמאל דדי ולעיני העדים הכתבים בספר המקנה—לעיני כל היהודים הישבים בחצר המטרהSelect Jeremiah 32:12

13ואצוה את ברוך לעיניהם לאמרSelect Jeremiah 32:13

14כה אמר יהוה צבאות אלהי ישראל לקוח את הספרים האלה את ספר המקנה הזה ואת החתום ואת ספר הגלוי הזה ונתתם בכלי חרש—למען יעמדו ימים רביםSelect Jeremiah 32:14

15כי כה אמר יהוה צבאות אלהי ישראל עוד יקנו בתים ושדות וכרמים בארץ הזאתSelect Jeremiah 32:15

16ואתפלל אל יהוה אחרי תתי את ספר המקנה אל ברוך בן נריה לאמרSelect Jeremiah 32:16

17אהה אדני יהוה הנה אתה עשית את השמים ואת הארץ בכחך הגדול ובזרעך הנטויה לא יפלא ממך כל דברSelect Jeremiah 32:17

18עשה חסד לאלפים ומשלם עון אבות אל חיק בניהם אחריהם האל הגדול הגבור יהוה צבאות שמוSelect Jeremiah 32:18

19גדל העצה ורב העליליה—אשר עיניך פקחות על כל דרכי בני אדם לתת לאיש כדרכיו וכפרי מעלליוSelect Jeremiah 32:19

20אשר שמת אתות ומפתים בארץ מצרים עד היום הזה ובישראל ובאדם ותעשה לך שם כיום הזהSelect Jeremiah 32:20

21ותצא את עמך את ישראל מארץ מצרים—באתות ובמופתים וביד חזקה ובאזרוע נטויה ובמורא גדולSelect Jeremiah 32:21

22ותתן להם את הארץ הזאת אשר נשבעת לאבותם לתת להם—ארץ זבת חלב ודבשSelect Jeremiah 32:22

23ויבאו וירשו אתה ולא שמעו בקולך ובתרותך (ובתורתך) לא הלכו—את כל אשר צויתה להם לעשות לא עשו ותקרא אתם את כל הרעה הזאתSelect Jeremiah 32:23

24הנה הסללות באו העיר ללכדה והעיר נתנה ביד הכשדים הנלחמים עליה מפני החרב והרעב והדבר ואשר דברת היה והנך ראהSelect Jeremiah 32:24

25ואתה אמרת אלי אדני יהוה קנה לך השדה בכסף והעד עדים והעיר נתנה ביד הכשדיםSelect Jeremiah 32:25

26ויהי דבר יהוה אל ירמיהו לאמרSelect Jeremiah 32:26

27הנה אני יהוה אלהי כל בשר—הממני יפלא כל דברSelect Jeremiah 32:27

28לכן כה אמר יהוה הנני נתן את העיר הזאת ביד הכשדים וביד נבוכדראצר מלך בבל—ולכדהSelect Jeremiah 32:28

29ובאו הכשדים הנלחמים על העיר הזאת והציתו את העיר הזאת באש ושרפוה ואת הבתים אשר קטרו על גגותיהם לבעל והסכו נסכים לאלהים אחרים—למען הכעסניSelect Jeremiah 32:29

30כי היו בני ישראל ובני יהודה אך עשים הרע בעיני—מנערתיהם כי בני ישראל אך מכעסים אתי במעשה ידיהם—נאם יהוהSelect Jeremiah 32:30

31כי על אפי ועל חמתי היתה לי העיר הזאת למן היום אשר בנו אותה ועד היום הזה—להסירה מעל פניSelect Jeremiah 32:31

32על כל רעת בני ישראל ובני יהודה אשר עשו להכעסני המה מלכיהם שריהם כהניהם ונביאיהם ואיש יהודה וישבי ירושלםSelect Jeremiah 32:32

33ויפנו אלי ערף ולא פנים ולמד אתם השכם ולמד ואינם שמעים לקחת מוסרSelect Jeremiah 32:33

34וישימו שקוציהם בבית אשר נקרא שמי עליו—לטמאוSelect Jeremiah 32:34

35ויבנו את במות הבעל אשר בגיא בן הנם להעביר את בניהם ואת בנותיהם למלך אשר לא צויתים ולא עלתה על לבי לעשות התועבה הזאת—למען החטי את יהודהSelect Jeremiah 32:35

36ועתה לכן כה אמר יהוה אלהי ישראל אל העיר הזאת—אשר אתם אמרים נתנה ביד מלך בבל בחרב וברעב ובדברSelect Jeremiah 32:36

37הנני מקבצם מכל הארצות אשר הדחתים שם באפי ובחמתי ובקצף גדול והשבתים אל המקום הזה והשבתים לבטחSelect Jeremiah 32:37

38והיו לי לעם ואני אהיה להם לאלהיםSelect Jeremiah 32:38

39ונתתי להם לב אחד ודרך אחד ליראה אותי כל הימים—לטוב להם ולבניהם אחריהםSelect Jeremiah 32:39

40וכרתי להם ברית עולם אשר לא אשוב מאחריהם להיטיבי אותם ואת יראתי אתן בלבבם לבלתי סור מעליSelect Jeremiah 32:40

41וששתי עליהם להטיב אותם ונטעתים בארץ הזאת באמת—בכל לבי ובכל נפשיSelect Jeremiah 32:41

42כי כה אמר יהוה כאשר הבאתי אל העם הזה את כל הרעה הגדולה הזאת—כן אנכי מביא עליהם את כל הטובה אשר אנכי דבר עליהםSelect Jeremiah 32:42

43ונקנה השדה בארץ הזאת—אשר אתם אמרים שממה היא מאין אדם ובהמה נתנה ביד הכשדיםSelect Jeremiah 32:43

44שדות בכסף יקנו וכתוב בספר וחתום והעד עדים בארץ בנימן ובסביבי ירושלם ובערי יהודה ובערי ההר ובערי השפלה ובערי הנגב כי אשיב את שבותם נאם יהוהSelect Jeremiah 32:44