33Jeremiah 33

1ויהי דבר יהוה אל ירמיהו שנית והוא עודנו עצור בחצר המטרה לאמרSelect Jeremiah 33:1

2כה אמר יהוה עשה יהוה יוצר אותה להכינה—יהוה שמוSelect Jeremiah 33:2

3קרא אלי ואענך ואגידה לך גדלות ובצרות לא ידעתםSelect Jeremiah 33:3

4כי כה אמר יהוה אלהי ישראל על בתי העיר הזאת ועל בתי מלכי יהודה—הנתצים אל הסללות ואל החרבSelect Jeremiah 33:4

5באים להלחם את הכשדים ולמלאם את פגרי האדם אשר הכיתי באפי ובחמתי ואשר הסתרתי פני מהעיר הזאת על כל רעתםSelect Jeremiah 33:5

6הנני מעלה לה ארכה ומרפא ורפאתים וגליתי להם עתרת שלום ואמתSelect Jeremiah 33:6

7והשבתי את שבות יהודה ואת שבות ישראל ובנתים כבראשנהSelect Jeremiah 33:7

8וטהרתים מכל עונם אשר חטאו לי וסלחתי לכול (לכל) עונותיהם אשר חטאו לי ואשר פשעו ביSelect Jeremiah 33:8

9והיתה לי לשם ששון לתהלה ולתפארת לכל גויי הארץ—אשר ישמעו את כל הטובה אשר אנכי עשה אותם ופחדו ורגזו על כל הטובה ועל כל השלום אשר אנכי עשה להSelect Jeremiah 33:9

10כה אמר יהוה עוד ישמע במקום הזה אשר אתם אמרים חרב הוא מאין אדם ומאין בהמה—בערי יהודה ובחצות ירושלם הנשמות מאין אדם ומאין יושב ומאין בהמהSelect Jeremiah 33:10

11קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוהSelect Jeremiah 33:11

12כה אמר יהוה צבאות עוד יהיה במקום הזה החרב מאין אדם ועד בהמה ובכל עריו—נוה רעים מרבצים צאןSelect Jeremiah 33:12

13בערי ההר בערי השפלה ובערי הנגב ובארץ בנימן ובסביבי ירושלם ובערי יהודה—עד תעברנה הצאן על ידי מונה אמר יהוהSelect Jeremiah 33:13

14הנה ימים באים נאם יהוה והקמתי את הדבר הטוב אשר דברתי אל בית ישראל ועל בית יהודהSelect Jeremiah 33:14

15בימים ההם ובעת ההיא אצמיח לדוד צמח צדקה ועשה משפט וצדקה בארץSelect Jeremiah 33:15

16בימים ההם תושע יהודה וירושלם תשכון לבטח וזה אשר יקרא לה יהוה צדקנוSelect Jeremiah 33:16

17כי כה אמר יהוה לא יכרת לדוד—איש ישב על כסא בית ישראלSelect Jeremiah 33:17

18ולכהנים הלוים לא יכרת איש מלפני מעלה עולה ומקטיר מנחה ועשה זבח—כל הימיםSelect Jeremiah 33:18

19ויהי דבר יהוה אל ירמיהו לאמורSelect Jeremiah 33:19

20כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתםSelect Jeremiah 33:20

21גם בריתי תפר את דוד עבדי מהיות לו בן מלך על כסאו ואת הלוים הכהנים משרתיSelect Jeremiah 33:21

22אשר לא יספר צבא השמים ולא ימד חול הים—כן ארבה את זרע דוד עבדי ואת הלוים משרתי אתיSelect Jeremiah 33:22

23ויהי דבר יהוה אל ירמיהו לאמרSelect Jeremiah 33:23

24הלוא ראית מה העם הזה דברו לאמר שתי המשפחות אשר בחר יהוה בהם וימאסם ואת עמי ינאצון מהיות עוד גוי לפניהםSelect Jeremiah 33:24

25כה אמר יהוה אם לא בריתי יומם ולילה—חקות שמים וארץ לא שמתיSelect Jeremiah 33:25

26גם זרע יעקוב ודוד עבדי אמאס מקחת מזרעו משלים אל זרע אברהם ישחק ויעקב כי אשוב (אשיב) את שבותם ורחמתיםSelect Jeremiah 33:26