36Jeremiah 36

1ויהי בשנה הרבעית ליהויקים בן יאשיהו מלך יהודה היה הדבר הזה אל ירמיהו מאת יהוה לאמרSelect Jeremiah 36:1

2קח לך מגלת ספר וכתבת אליה את כל הדברים אשר דברתי אליך על ישראל ועל יהודה ועל כל הגוים—מיום דברתי אליך מימי יאשיהו ועד היום הזהSelect Jeremiah 36:2

3אולי ישמעו בית יהודה את כל הרעה אשר אנכי חשב לעשות להם—למען ישובו איש מדרכו הרעה וסלחתי לעונם ולחטאתםSelect Jeremiah 36:3

4ויקרא ירמיהו את ברוך בן נריה ויכתב ברוך מפי ירמיהו את כל דברי יהוה אשר דבר אליו—על מגלת ספרSelect Jeremiah 36:4

5ויצוה ירמיהו את ברוך לאמר אני עצור—לא אוכל לבוא בית יהוהSelect Jeremiah 36:5

6ובאת אתה וקראת במגלה אשר כתבת מפי את דברי יהוה באזני העם בית יהוה—ביום צום וגם באזני כל יהודה הבאים מעריהם תקראםSelect Jeremiah 36:6

7אולי תפל תחנתם לפני יהוה וישבו איש מדרכו הרעה כי גדול האף והחמה אשר דבר יהוה אל העם הזהSelect Jeremiah 36:7

8ויעש ברוך בן נריה ככל אשר צוהו ירמיהו הנביא—לקרא בספר דברי יהוה בית יהוהSelect Jeremiah 36:8

9ויהי בשנה החמשית ליהויקים בן יאשיהו מלך יהודה בחדש התשעי קראו צום לפני יהוה כל העם בירושלם וכל העם הבאים מערי יהודה—בירושלםSelect Jeremiah 36:9

10ויקרא ברוך בספר את דברי ירמיהו בית יהוה—בלשכת גמריהו בן שפן הספר בחצר העליון פתח שער בית יהוה החדש באזני כל העםSelect Jeremiah 36:10

11וישמע מכיהו בן גמריהו בן שפן את כל דברי יהוה—מעל הספרSelect Jeremiah 36:11

12וירד בית המלך על לשכת הספר והנה שם כל השרים יושבים אלישמע הספר ודליהו בן שמעיהו ואלנתן בן עכבור וגמריהו בן שפן וצדקיהו בן חנניהו—וכל השריםSelect Jeremiah 36:12

13ויגד להם מכיהו את כל הדברים אשר שמע בקרא ברוך בספר באזני העםSelect Jeremiah 36:13

14וישלחו כל השרים אל ברוך את יהודי בן נתניהו בן שלמיהו בן כושי לאמר המגלה אשר קראת בה באזני העם קחנה בידך ולך ויקח ברוך בן נריהו את המגלה בידו ויבא אליהםSelect Jeremiah 36:14

15ויאמרו אליו—שב נא וקראנה באזנינו ויקרא ברוך באזניהםSelect Jeremiah 36:15

16ויהי כשמעם את כל הדברים פחדו איש אל רעהו ויאמרו אל ברוך הגיד נגיד למלך את כל הדברים האלהSelect Jeremiah 36:16

17ואת ברוך—שאלו לאמר הגד נא לנו—איך כתבת את כל הדברים האלה מפיוSelect Jeremiah 36:17

18ויאמר להם ברוך מפיו יקרא אלי את כל הדברים האלה ואני כתב על הספר בדיוSelect Jeremiah 36:18

19ויאמרו השרים אל ברוך לך הסתר אתה וירמיהו ואיש אל ידע איפה אתםSelect Jeremiah 36:19

20ויבאו אל המלך חצרה ואת המגלה הפקדו בלשכת אלישמע הספר ויגידו באזני המלך את כל הדבריםSelect Jeremiah 36:20

21וישלח המלך את יהודי לקחת את המגלה ויקחה מלשכת אלישמע הספר ויקראה יהודי באזני המלך ובאזני כל השרים העמדים מעל המלךSelect Jeremiah 36:21

22והמלך יושב בית החרף בחדש התשיעי ואת האח לפניו מבערתSelect Jeremiah 36:22

23ויהי כקרוא יהודי שלש דלתות וארבעה יקרעה בתער הספר והשלך אל האש אשר אל האח עד תם כל המגלה על האש אשר על האחSelect Jeremiah 36:23

24ולא פחדו ולא קרעו את בגדיהם—המלך וכל עבדיו השמעים את כל הדברים האלהSelect Jeremiah 36:24

25וגם אלנתן ודליהו וגמריהו הפגעו במלך לבלתי שרף את המגלה ולא שמע אליהםSelect Jeremiah 36:25

26ויצוה המלך את ירחמאל בן המלך ואת שריהו בן עזריאל ואת שלמיהו בן עבדאל לקחת את ברוך הספר ואת ירמיהו הנביא ויסתרם יהוהSelect Jeremiah 36:26

27ויהי דבר יהוה אל ירמיהו—אחרי שרף המלך את המגלה ואת הדברים אשר כתב ברוך מפי ירמיהו לאמרSelect Jeremiah 36:27

28שוב קח לך מגלה אחרת וכתב עליה את כל הדברים הראשנים אשר היו על המגלה הראשנה אשר שרף יהויקים מלך יהודהSelect Jeremiah 36:28

29ועל יהויקים מלך יהודה תאמר כה אמר יהוה אתה שרפת את המגלה הזאת לאמר מדוע כתבת עליה לאמר בא יבוא מלך בבל והשחית את הארץ הזאת והשבית ממנה אדם ובהמהSelect Jeremiah 36:29

30לכן כה אמר יהוה על יהויקים מלך יהודה לא יהיה לו יושב על כסא דוד ונבלתו תהיה משלכת לחרב ביום ולקרח בלילהSelect Jeremiah 36:30

31ופקדתי עליו ועל זרעו ועל עבדיו את עונם והבאתי עליהם ועל ישבי ירושלם ואל איש יהודה את כל הרעה אשר דברתי אליהם—ולא שמעוSelect Jeremiah 36:31

32וירמיהו לקח מגלה אחרת ויתנה אל ברוך בן נריהו הספר ויכתב עליה מפי ירמיהו את כל דברי הספר אשר שרף יהויקים מלך יהודה באש ועוד נוסף עליהם דברים רבים כהמהSelect Jeremiah 36:32